අපට අවශ්‍ය සියලු ජාතීන්ගේ සහජීවනයයි. නමුත්ඇතැම් පිරිස්‌ ජාතිවාදී අර්බුද ඇති කරන්න හදනවා
අගමැති දි.මු. ජයරත්න
සුරංග දිල්හාන් - ගම්පොළ ජාතික සහජීවනය බිඳ හෙළීම සඳහා විවිධ පිරිස්‌ අසත්‍ය ප්‍රචාර ගෙන ගියද ඒ සියල්ල පාලනය කිරීමට කටයුතු කරන බවත් සිංහල, දෙමළ සහ මුස්‌ලිම් ජාතිකයන් සුහදතාවයෙන් ජීවත් වුවත් ඔවුනොවුන් අතර ජාතිවාදී අර්බුද නිර්මාණය කිරීමට ඇතැම් කණ්‌ඩායම් ක්‍රියාකරමින් සිටින බවද අගමැති දි.මු. ජයරත්න මහතා ප්‍රකාශ කළේය.
මධ්‍යම පළාත් සභාවේ ප්‍රතිපාදන මත රුපියල් මිලියන 04 ක වියදමින් ඉදිකළ ගම්පොළ රහුමානියා මුස්‌ලිම් විද්‍යාලයේ නව දෙමහල් ගොඩනැඟිල්ල විවෘත කිරීමේ අවස්‌ථාවට ප්‍රධාන ආරාධිතයා වශයෙන් සහභාගි වෙමින් අගමැතිවරයා මේ බව සඳහන් කළහ. පන්ති කාමර කිහිපයකින් යුතු නව ගොඩනැඟිල්ල විවෘත කළ අගමැතිවරයා අනතුරුව විද්‍යාලයීය පරිගණක මධ්‍යස්‌ථානයද සිසු අයිතියට පත් කළේය. ඒ නිමිත්තෙන් පැවැති උත්සව සභාව හමුවේ අගමැතිවරයා වැඩිදුරටත් මෙසේද ප්‍රකාශ කළේය.
පාසල් දරුදැරියන් සඳහා නව ගොඩනැඟිල්ලක්‌ ඉදිකිරීමේ අවස්‌ථාවට එක්‌වීමට ලැබීම පිළිබඳව මම අතිශය සතුටට පත්වෙනවා. රටක්‌ දියුණු වීමට නම් දියුණු දැනුමෙන් සන්නද්ධ පුරවැසියන් එරටෙහි සිටිය යුතුයි. අනාගතය භාර ගැනීමට සිටින වත්මන් දරු පරපුර දැනුමෙන් සන්නද්ධ කිරීම සඳහා ජනාධිපති මහින්ද රාජපක්‍ෂ මහතාගේ නායකත්වයෙන් යුතු අප රජය ව්‍යාපෘති රැසක්‌ දියත් කර තිබෙනවා.
වත්මන් රජය සංවර්ධන ව්‍යාපෘති දියත් කර තිබෙන්නේ ජනතාවට පහසුකම් රැසක්‌ උදාකිරීම උදෙසායි. ආගමික සහජීවනය ඇතිකිරීම සඳහා ද අප රජය විශාල මුදලක්‌ වෙන් කරනවා. සෑම ආගමික මධ්‍යස්‌ථානයක්‌ම ඉදිකිරීම සඳහා ප්‍රතිපාදන වෙන් කරන අප රජය මඩකලපුව දිස්‌ත්‍රික්‌කයේ ඉස්‌ලාම් පල්ලි ඉදිකිරීම සඳහා පමණක්‌ ඉකුත් වර්ෂයේදී රුපියල් මිලියන 870 ක්‌ වැය කර තිබෙනවා. යුද සමයේදී විනාශයට ලක්‌වුණු සෑම ආගමික ස්‌ථානයක්‌ම ඉදිකිරීම සඳහා රජය පියවර ගෙන තිබෙනවා.
අපට අවශ්‍ය සියලු ජාතිකයන් සහජීවනයෙන් ජීවත්වනවා දැකීමයි, සිංහල, දෙමළ සහ මුස්‌ලිම් ජාතිකයන් සුහදත්වයෙන් සිටියත් ඔවුන් අතර යම් භේදයක්‌ ඇති කිරීම සඳහා මාන බලන පිරිසක්‌ වත්මන් සමාජය තුළ මතුව සිටිනවා. කිසිදු අවස්‌ථාවක බෞද්ධ සහ ඉස්‌ලාම් භක්‌තිකයන් අතර අර්බුදයක්‌ ඇතිකිරීමට අප ඉඩ තබන්නේ නැහැ. එවැනි ජාතිවාදී අර්බුද නිර්මාණය කරමින් විවිධ ප්‍රයෝජන ගැනීමට උත්සාහ දරන පිරිසක්‌ පිළිබඳව අපට තොරතුරු වාර්තා වී තිබෙනවා. ජාති, භාෂා, ආගම් සහ සංස්‌කෘතිය අනුව මිනිසා විවිධාකාර වුවත් එක්‌ පිරිසක්‌ තවත් පිsරිසකට චෝදනා කිරීම කිසිසේත්ම සදාචාර සම්පන්න වන්නේ නැහැ.
සියලුම ආගම්වල නායකයන් රැස්‌කරමින් රට තුළ ආගමික සහජීවනය තහවුරු කරන ලෙස ජනාධිපති මහින්ද රාජපක්‍ෂ මහතා ඔවුනට දැනුම් දී තිබෙනවා. දියුණුවෙමින් පවතින රටවල අභ්‍යන්තර අර්බුද නිර්මාණය කිරීමට බටහිර රටවල් උත්සාහ කළත් ඊට එරෙහි වීමට අප නිරතුරුවම සූදානම්.
මේ අවස්‌ථාවට පරිසර හා පුනර්ජනනීය බලශක්‌ති අමාත්‍ය අබ්දුල් කාදර්, පළාත් සභා මන්ත්‍රීවරුන් වන රිස්‌වි පරුක්‌, හම්ජාඩ් හාඡ්ජියාර්, විදුහල්පති අයි. එම්. සහිර් යන මහත්වරු ඇතුළු පිරිසක්‌ සහභාගිව සිටියහ.
Posted in: 
.jpg)
.jpg)
.jpg)
.jpg)
0 comments:
Post a Comment