සත්තු මරණ එක පවක්ද?

සත්තු මරණ එක පවක් එත් එය යහපතකට කරන්න සිදුවන විට සත්තු මරණ එක වැරදි නැත. උදාහරණයක් හැටියට නයෙක් තමන්ව දෂ්ඨ කරන්න හදනවා නම්, කොටියෙක් සිංහයෙක් තමන්ට හානියක් කරන්න එනවා නම්, ගොයම විනාශ කිරීමට වෙර දරන කෘමීන් වුවත් සතෙකි. මෙම සතුන් මැරීමට සිදුවීම පාපයක් නම් මේ ලොව ජීවත් වෙන්න බැහැනේද?.

ඊළඟ ප්‍රශ්නය සතෙක් මරා අනුබව කිරීම හෙවත් ආහාරයට ගැනීම. අපි එස්කිමෝවරු ගෙන දන්නවා. ඔවුන් අනිවාර්යයෙන්ම මාංශ ආහාර ගත යුතුය. හේතුව, අධික සීතල සඳහා ඔරොත්තු දෙන්නේ ඔවුන්ගේ සමට යටින් ඇති මේද තට්ටුව නිසාය. එපමණක් නොව ඔවුන්ට ශාක ආහාර සොයාගත නොහැකිය. මෙයට අවුරුදු සීයකට පෙර කාන්තාර පෙදෙස්වල ජීවත් වූ මිනිසුන්ට ශාක ආහාර ලබා ගැනීමේ හැකියාවක් නොතිබුණි. ඔවුන් ජීවිතය ගැට ගහගත්තේ සත්ව ආහාර ගැනීමෙනි. ඒ නිසා මුස්ලිම් වරුන්ට සත්ව මාංශ ආහාර තහනම් නැත. තහනම් නැත යනු අනිවාර්යය නොවේ. අනුමැතිය පමණී.

අපි දන්නවා ජපානය බෞද්ධ රටක්. එහි සත්ව ආහාරවලට කිසිම තහනමක් නැහැ. අපගේ ප්‍රශ්නය කුඩා කල සිටම සමහර බෞද්ධයන් එළදෙන හෝ හරකා සමග සමීපව ජීවත් වූ බැවින් ඔවුන්ට මෙම සතා පිලිබඳ ආදරයක් කරුණාවක් තිබෙනවා. එය වැරදි ක්‍රියාවක් නොවේ. ඉතා වටිනා දෙයක්.

සමහරු සියලුම මාංශ වර්ග අනුභව කරනවා නමුත් හරක් මස් ඔවුන්ට තහනම්ය. හේතුව ඌ විශාල ලෙස පෙනෙන සතෙකි.

සමහර ලංකාවේ බෞද්ධයන් සියලුම මාංශ ප්‍රතික්ශේප කරනවා. නමුත් චීනය ගත්විට එයද බෞද්ධ රටකි. ඔවුන්ට එහෙම ප්‍රශ්නයක් නොමැත. කොරියාව බෞද්ධ රටකි ඔවුන්ටත් ප්‍රශ්නයක් නැත. නමුත් ලංකාවේ සමහර බෞද්ධයන්ට මෙය ප්‍රශ්නයකි. ඒ නිසා මස් කන අයව ඔවුන්ට පෙන්න බැහැ. අවස්තාවක් ලැබුණු විට පුළුවන් තරම් අම්මා තාත්තාව පමණක් නොවේ හත්මුතු පරම්පරාවටම පොතු යන්න වැඩේ දෙනවා. ෆේස් බුක් වීරයන් එයටත් එහා. තම්බීන්ව තම්බනවා. තම්බින්ට ප්‍රශ්නක් තියෙනවා ඔවුන් සැමවිටම තේරුම් කර දෙන්න උත්සහ කරන්නේ ඔවුන්ගේ ආගම තුලින්ය. ඒ නිසා තව ටිකක් ඔවුන්ට පොතු යන්න දෙන්නේය. කුරානය හැරෙන්නට ඔවුන්ට කල්පනා කරන්නට මුකුත් නැති බවත් මිත්‍යා දෘෂ්ටික බවත් කියා ඔවුන්ට ලේබලයක් අලවනු ලබන්නේය. ආගමෙන් නීති දමා තද කර ඇතිබවත් සමහරුන් චෝදනා කරනවා. නමුත් බෞද්ධ නීතිය කියා සත්වයන් ආහාරයට ගත් විට පතුරු යන්න වැඩේ දෙන්නෝය.

ලංකාවේ හරක් මාංශ වලින් 70% පරිභෝජනය කරන්නේ සිංහල බෞද්ධයන්ය. නමුත් සතාව මරන්නේ මුස්ලිම් අයයි. මේක හුදෙක් බොරු චෝදනාවකි. සිංහල බෞද්ධයන්ගේ පරිභෝජනයට අවශ්‍ය හරක් මස් සඳහා හරකව මරන්නේ සිංහල බෞද්ධයාමය. නමුත් බැනුම් අහන්නේ ඔරවන්නේ මුස්ලිම් මිනිසාටය. හේතුව හරක් මස් කෑම මුස්ලිම් මිනිසාට තහනම් නැත. ඉහතකී පරිදී ඔවුන්ට හරක් මස් කෑමට ගැනීම අනිවාර්ය නොවන අතරම තහනම්ද නොවේ. නමුත් බෞද්ධයන්ට තහනම්ය.

මොන තහනම් තිබුනත් ඔවුන්ගෙන් වැඩි කොටසක් මස් අනුභව කරනු ලබනවා. ඔවුන් පිලිබඳ ඇසුවිට කියන්නේ බෞද්ධ ධර්මයේ නීති නැත කියාය. එයම අබෞද්ධයෙක් කලවිට ඔහුට පතුරු යන්න දෙන එක නීතියට යටින්ය. එසේ නම් කල යුත්තේ කුමක්ද? පුළුවන් තරම් මේ රටේ එනම් සිංහල බෞද්ධයන්ව දැනුවත් කල යුතුය. ඔවුන්ව මස් පරිභෝජනෙයන් නැවැත්විය යුතුය. සිංහල බෞද්ධ කියා සඳහන් කලේ අන් බෞද්ධ රටවල් වල මෙය ප්‍රශ්නයක් නැති නිසාය. චීනය, ජපානය, කොරියාව, තායිලන්තය වැනි රටවල්වල රාජ්‍ය මට්ටමින් හෝ සමාජමය වශයෙන් හෝ මෙය තහනම් නැත. මුස්ලිම් අයගේ භාෂාවෙන් හරාම් නැත. මෙම රටවලද මස් මාංශ නොකන අය නොසිටිනවා නොවේ නමුත් ඔවුන් මස් කන අයව බලා රවන්නේ නැත. ඔවුන්ට දොස් පවරන්නේද නැත. ඔවුන්ට හරක් මස් පමණක් නොවේ කිඹුලාගේ මසද ඔට්ටුය. අලියාගේ වුවත් ඔවුන්ට කම් නැත. නමත් ලංකාවේ සමහර බෞද්ධයන්ට හරක් මස් බලෙන් හෝ නීති දමා හෝ නැවත් විය යුතුය. නමුත් පවසන්නේ බුද්ධ ධර්මයේ නීති නැත කියාය. නීති දමා මිනිසුන්ව කොටු කරන්නේ ඉස්ලාම් ධර්මය පමණක්ය.

හේතුව

1. මුස්ලිම් අය එකම දෙවියන්වන අල්ලාහ්ට පමණක් අවනතවන අතර වෙන කිසිම දෙයකට හෝ කෙනෙකුට දේවත්වයෙන් නොසලකති. පිළිම වන්දනා නොකරති. (නමුත් බෞද්ධයන්ගෙන් වැඩි පිරිසක් වාහනයක් මිලදී ගත්විට වුවද සමන් දෙවියන්ගේ  ආශීර්වාදය බල පොරොත්තු වන්නේය. නොයෙකුත් භාරහාර කරන්නේය. නමුත් පිටට කියන්නේ දෙවියන්ට වඩා මිනිසා ශ්‍රේෂ්ට බවය. බුදුන් වහන්සේ දෙවියන්ට පුද පුජා කිරීමක් කර නැති බවය. බුදුන්ගේ පිලිමයටවත් පුද පුජා නොකළයුතු බව ඔවුන්ම පවසන්නේය.)

2. ඔවුන් දිනකට පස් වතාවක් අල්ලාහ් සමග සංවාදයක යෙදිය යුතුය. මෙහිදී ඔවුන්ට භේද නැත. දුප්පත් වුවත් පොහොසත් වුවත් කුමන පවුලකට අයත් වුවන් වුවත් ලගම තිබෙන පල්ලියකට ගොඩවී එකම පේලියේ සිටගෙන ආගම කියන්නෝය. තමන්ව දුශ්ශීල හා පාපක්‍රියාවලින් ඈත්කර තබන ලෙස දෙවියන්ට කන්නලව් කරන්නෝය. මෙය බලන සමහර බෞද්ධයන්ට ඇස්වලින් දුම් යන්නේය. ඒ ඔවුන් මසකට සැරයක් එන පෝයටවත් පන්සල් යන්නේ නැති නිසාය.

3. මුස්‌ලිම අය තමන්ගේ වස්තුවෙන් අවුරුද්දකට වරක් සියයට දෙකාහාමාරක් (2.5%) දුප්පතුන්ට දිය යුතුය. මේ නිසා මුස්ලිම් අය දියුනුවන්නේය. මේ දියුණුව බලන සමහර බෞද්ධයන්ට තරු පෙනෙන්නේය. මුස්‌ලිම ව්‍යාපාර වර්ජනය කලයුතුයි හඬ නගන්නෝය.

4. මුස්ලිම් අය අවුරුද්දට සම්පුර්ණ මාසයක්ම උපවාසයේ සිටින්නෝය. බඩගින්න හෝ තිබහව පමණක් නොව තමන්ගේ සිත හා කය සියල්ල උපවාසයේය. මේ මාසය දුප්පතුන්ට සතුටු දායක මාසයකි. උපවාසයේ සිට ශ්‍රද්ධාව බලා පොරෝතුවන මුස්ලිම් භක්තිකයා දකින දකින තැන දුපපතුන්ට සලකනු ලබන්නේය. නැත කියා කියන්නේ නැත.

5. මුස්ලිම් අය තමන්ගේ ආයුෂ කාලයෙන් එක වතාවක් හෝ ඒ ශුද්ධවූ මක්කමේ ඇති අල්ලාහ්ගේ නිවස දර්ශනය කල යුතුය. ලක්ෂ ගණන් ලෝකයේ සෑමමුල්ලකම සිට මුස්ලිම් ජනතාව ජන ගඟක් සේ මක්කමට ගලා එන්නෝය. උස් පහත් ලොකු කුඩා සුදු කළු භේදයක් නැත. මහා රජා වුවත් රටේ ජනාධිපතිවුවත් එකම පාට සුදෝ සුදු පාට රෙදි කෑලි දෙකක් පමණක් ඔතාගෙන සිටින්නෝය. දෙවියන් ඉදිරියේ සියල්ලෝම සමානය. මෙහිදී අල්ලාහ් වෙනුවෙන් පරිත්‍යාග කරන්නෝය. සතෙක් කැප කර ඒ සියලු මාංශ කෑමට කිසිවක් නැති, හාමතේ මැරී මැරී උපදින අප්‍රිකානු රටවල් වලට පටවන්නෝය. අඩුමගනනේ අප්‍රිකානු දුප්පත් ජනයින් සති කිහිපයක් හෝ බඩ පුරවා ගන්නෝය.

Mecca Masjid

කොපමණ පැහැදිලි කලත් සමහරුන්ට මේවා බිහිරි අලියාට වීනාව වාදනය කලාක් මෙන්ය. මේ සියල්ල අසා ඊළඟ ප්‍රශ්නය ත්‍රස්තවාදියාය. මුස්ලිම් මිනිහෙක් වැරදි කල විට ඔහු මුස්ලිම් ජාතික අහවලාය. සිංහල මිනිහෙක් නම් පුද්ගලයකු විසිනි.

(දෙසැම්බර් 31 වැනිදා මධ්‍යම රාත්‍රියේ වේදිකා නිලියක් ගුවන් හමුදා භටයන් දෙදෙනකු හා තවත් දෙදෙනකු එක්වී දුෂණය කරයි. නමුත් මුස්ලිම් ජාතිකයකු පාන්ගෙඩියක් හොරකම් කලොත් මුස්ලිම් ජාතික අහවලා යනුවෙන් සඳහන් කරනු අනිවාර්යය.)

එතකොට මේ රට ඉංග්‍රීසින් පාලනය කරන කාලේ බොහොමයක් බෞද්ධයන් ත්‍රස්තවාදින්ය. වීරපුරන් අප්පු අපේ පාසල් පොතේ ජාතික වීරයාය. නමුත් සුද්දට ඔහු ත්‍රස්තවාදීය. නමුත් ඉරාකයේ තමන්ගේ රට වෙනුවෙන් කරලිගැසූ විට ඔවුන් ත්‍රස්තවාධීන්ය. ත්‍රස්තවාදය අර්ථ නිරුපනය කරන්න එක්සත් ජාතීන්ගේ සංවිධානයට සියලු රටවල් එකතු කරගෙන සතිගණන් සාකච්චා පැවැත්වුවද නොහැකි විය. ළඟදී අපේ පාර්ලිමේන්තුවටද ත්‍රස්තවාධියා අර්ථ නිරුපනය කරන්න බැරිවූ බව විපක්ෂය රටපුරා හඬ බේර ගැසුවෝය. මේවා බලන අපේ රටේ සමහර අයට මුස්ලිම් මිනිහෙක් කුමක් හෝ කියූ විට ඔහු අන්තවාදිය ත්‍රස්තවාදීය. නමුත් කරන සියලුම දේ කරන්නේ මොවුන්ය. එල් ටී ටී එක අවසාන කාලයේ සිංහල කොටිද මතුවිය. එල් ටී ටී දෙමළ ත්‍රස්ත වාදීන්ය. දෙවන ලෝක යුද්ධයේ දී බෞද්ධ රටවල් දෙකක් වන ජපානය හා චීනය ඔවුන් එකිනෙකාට ත්‍රස්තවාධීය. බෞද්ධ ජපන් ත්‍රස්තවාදය මට්ටුකරන්න ඇමරිකන් ත්‍රස්තවාදියා හිරෝෂිමා නාගසාකි නගරවලට පරමාණු බෝම්බ හෙලුවේය. ලක්ෂ පහක් ජපනුන් ඝාතනයට ලක් වුහ. දැන් ඕවා පළවන හා දෙවන ලෝක යුද්ධයන්ය.  ත්‍රස්තවාදය අහලකවත් නැත.

තව කියන්න කරුණු රාශියක් තිබුනත් ඒ සියල්ල ලියන්න අපට කාලයක් තිබුනත් එය කියවන්න ඔබට කාලයක් නැත. හේතුව මොකින් මොනවා කිව්වත් වැඩක් නැත. හිතේ මුද්‍රා තබා ගත්ත කොටසක් අපි අතරේය. අලුතින් යමක් සොයා මුසල්මානුවා රිදවිය යුතුය. ඒ ඔවුන්ගේ මෝඩ චුන්ය. මේක කියවන ඒ අයියලාට දැන් තරු විසිවෙන්නේය. මේ ලියපු මගේ හත්මුතු පරම්පරාවටම දෙයියන්ගේ පිහිටය. කුනුහරුපු වැසි වලාකුළු හා හෙන පාත්වෙන්නේය. මොනවා කිව්වත් මොළය වෙරළු ඇටයක් තරම්වත් තියෙන අයට කල්පනා කරන්නට යමක් ඉතුරු කර ඇත්තෙමු.

මෙයට මුසල්මානුවෙක් අම්භයෙක් සහ තම්බියෙක්.

Read more »

Posted in: ISLAMOPHOBIA,Jihad,ඕපාදූප කතාකිරීම,කොපි පේස්ට්. ප්‍රවේසම්වන්න,ප්‍රවේසම්වන්න

කුකුළු මස්‌ ගැහැනු දරුවන්ට අගුණයි කීම පට්‌ටපල් බොරුවක්‌...

.

කුකුළු මස්‌ ගැහැනු දරුවන්ට 

අගුණයි කීම පට්‌ටපල් බොරුවක්‌...

හෘදයාබාධවලට හොඳම බීම "තේ"

අපේ ආහාර සංස්‌කෘතිය තුළ ඇති වැරැදි පුරුදු හා වැරැදි මත මෙන්ම වැරැදි විශ්වාස ගැන පසුගිය සති කිහිපය පුරා අපි කතා බහ කළෙමු. එහිදී කාබෝහයිඩ්රේට, ප්‍රොaටීන, මේද අම්ල හා අනෙකුත් විටමින් ඛනිජ ද්‍රව්‍ය ගැන මෙතෙක්‌ කලක්‌ සමාජයේ මුල් බැහැගෙන තිබූ වැරැදි මත හා විශ්වාස මෙන්ම පුරුදු නිවැරැදි කර ගන්නට උත්සාහ කළ යුතු ආකාරය ගැන අපි කතා කර සාකච්ඡා කළෙමු.

ඒ ඔස්‌සේ අද අපි උත්සාහ කරන්නේ ඊළඟට මතුවන ප්‍රශ්නයකට උත්තර සොයන්නටය........ එහෙනම් අපි කොහොමද නිවැරැදි ආහාර වේලක්‌ සකසා ගන්නේ? දවසේ අපි ගන්නා ආහාරය කෙසේ විය යුතුද......?

එම ප්‍රශ්නවලට උත්තර දෙමින් ආචාර්ය ආනන්ද චන්ද්‍රසේකර මෙසේ පිළිවදන් දෙන්නට පටන් ගත්තේය.

මෙන්න මෙතැනදී අපට යම් සංකීර්ණ ප්‍රශ්නයකට මුහුණ දෙන්නට වෙනවා. මොකද අපි ගත යුතු ආහාර වට්‌ටෝරුව මෙන්න මේකයි කියල නිශ්චිතවම කියන්න අපි කිසිවෙකුට පුළුවන්කමක්‌ නැහැ. ඒ මොකද පුද්ගලයාගෙන් පුද්ගලයාට ඒ වට්‌ටෝරුව වෙනස්‌ වෙනවා. වෙනස්‌ වෙන්නේ ඔහු තුළ තියෙන වයස, උස, බර, ක්‍රියාකාරීත්වය, රැකියාව, ආහාර පුරුදු, සංස්‌කෘතිය, දේශගුණය වගේ සාධක රැසක්‌ මත.

හොඳම දේ තමයි තනි තනිව පෝෂණවේදියෙක්‌ හමුවෙලා තමන්ට නිසි ආහාර වට්‌ටෝරුව සාදා ගැනීම. නමුත් ලංකාවේ තියෙන ප්‍රශ්නය පෝෂණවේදියෝ හිඟයි. හැමකෙනෙක්‌ටම පෝෂණවේදියෙක්‌ව හමුවන්න අවස්‌ථාවක්‌ නැහැ.

මෙන්න මේ නිසා අපි හැමෝම කරන්න ඕන දේ තමයි ආහාර ගත යුතු රටාව ගැන අවබෝධයක්‌ ඇති කර ගැනීම. මේ සඳහා අපි සාමාන්‍ය සරල දිවි පෙවෙතක්‌ ගෙවන පුද්ගලයකුට අවශ්‍ය ආහාර රටාව ගැන සලකා බලමු.

කිsසි බර වැඩක්‌ නොකරන මධ්‍යම ප්‍රමාණයේ ශරීරයක්‌ ඇති අයෙකුට දිනකට අවශ්‍ය වන ශක්‌තිය කැලරිවලින් 2000 ක්‌ කියා හිතමුකෝ. ඒ කැලරි 2000 අපි, අපි ගන්නා ආහාර වර්ගවලින් ලැබෙන කැලරිවලට අනුව බෙදා ගත යුතුයි.

එම කැලරි 2000 න්a 40% සිට 60% අතර ප්‍රමාණයක්‌ කාබෝහයිඩ්රේට ආහාරවලින් සපයා ගන්න වගබලාගන්න ඕන. 15% ත් 25% ත් අතර ප්‍රමාණයක්‌ තෙල් සහ මේදවලින් ලබාගන්න ඕන. 20% ත් 25% ත් අතර ප්‍රමාණයක්‌ ප්‍රොaටීන්වලින් ලබා ගන්න ඕන.

ඒ වගේම ඊට අමතරව ශරීරයට අවශ්‍ය වෙනවානේ ඛනිජ ලවණ, විටමින්, ජලය, කෙඳි වගේ දේවල්. ඒවා අවශ්‍ය ප්‍රමාණයට එකතු කර ගත යුතු වෙනවා. මේ සරල රටාව හුඟ දෙනෙක්‌ අද දකිනවා. හැබැයි භාවිතාවට ගියාම තම ශරීරයට අවශ්‍ය පරිදි නිසි ප්‍රමාණ සකසා ගැනීමේදී තමයි අපේ ජනතාව වැරැදි පුරුදුවලටයි මිථ්‍යා මතවලටයි නොයෙක්‌ විශ්වාසවලටයි වහල් වෙන්නේ........ අපි පුළුවන් තරම් දැනුවත්වෙලා එම තත්ත්වය වළක්‌වා ගන්නයි අවශ්‍ය වෙන්නේ.

මෙන්න මේ සියලු දේවල් ඇරුණා ම ශරීරයට ඉතාම සුළු ප්‍රමාණවලින් අවශ්‍ය වන ශාක රසායනික ද්‍රව්‍ය කිහිපයකුත් අපි ආහාරවලට එකතු කරගත යුතු වෙනවා. අපි මේවාට පයිටෝ කෙමිකල්ස්‌ (phytochemicals) කියලා කියනවා.

ඉස්‌සර නම් මේවා ගැන කවුරුවත් වැඩි තැකීමක්‌ කළේ නැහැ. නමුත් මේවා ඉතාම වැදගත් වෙනවා. මේවායින් අපට ලැබෙන්නේ ශාක රසායන ද්‍රව්‍ය තුළ තියෙන ප්‍රති ඔක්‌සිකාරකයි. (Antioxidants)

ඇයි අපිට මේ ශාක රසායන ද්‍රව්‍ය ප්‍රතිඔක්‌සිකාරක අවශ්‍ය වෙන්නේ. ඒ තුළ තියෙනවා විශේෂ හැකියාවන් ගණනාවක්‌ම. හෘදයාබාද වළක්‌වන ගුණයක්‌ තියෙනවා. පිළිකා කාරකයන්ට ප්‍රතිරෝධීව ක්‍රියා කරනවා. ශරීරයේ ප්‍රතිවෘත්තීය ක්‍රියාකාරිත්වය නිසි පරිදි හැඩ ගස්‌වනවා. අමතක වීම වළක්‌වා ස්‌මරණ ශක්‌තිය ඇති කරවා දෙනවා.

මෙන්න මේ ප්‍රතිඔක්‌සිකාරක තියන ආහාර තමයි පලතුරු. පලතුරුවල විශාල වශයෙන් තියෙනවා. පාට එළවළු ජාතිවල තියෙනවා. ඒ වගේම තක්‌කාලිවල තියෙනවා.

අපේ රටේ අපිට ප්‍රතිඔක්‌සිකාරක ලබා ගැනීම සඳහා තියෙන ලාභම හා පහසුම මාර්ගය තමයි තේ. ගී්‍රන් ටී ගැන සමහරු කියවනවනේ. ගී්‍රන් ටීවල විතරක්‌ නොවෙයි. හොඳ පිරිසිදු තේවලත් තියෙනවා. ලෝකයේ හොඳම ගුණවත්ම තේ තියෙන්නේ අපිටයි. අපෙන් තේ අරගෙන ගිහින් පිටරැටියෝ නිවැරැදි යහගුණ ගන්නවා. නමුත් අපි අපේ හොඳම තේවලට පිටි දාල සීනි දාල තියෙන යහ ගුණය විනාශ කර ගන්නවා. අපි තේ බොන්නේ වැරැදි ක්‍රමයටයි.

ඇත්තම කියනවා නම් ප්‍රංශයේ රතු වයින්වල තියෙන ප්‍රතිඔක්‌සිකාරක ගුණයට සමාන ගුණයක්‌ තේවලත් තියෙනවා. කතාවට කියනවානේ මධ්‍යධරණි මුහුද අවට කලාපයේ හා ප්‍රංශයේ අයට හෘදයාබාද අඩු රතු වයින් බොන නිසා කියලා. ඔලිව්වලත් මේ ගුණය තිබෙනවා. ඒ ගුණය තේවලත් තියෙනවා. හෘදයාබාද තියෙන අයට හොඳම බීම තමයි තේ....

ඊළඟට අපි සැලකිලිමත් විය යුතුයි කාබෝහයිඩ්රේට්‌, ප්‍රොaටීන්, තෙල් සහ මේද ගන්නා ආකාරය ගැන. දෛනික ආහාර වේලෙන් භාගයක්‌ කාබෝහයිඩ්රේට්‌ ගත්තාට කමක්‌ නැහැ. හැබැයි ඒ ගන්නා කාබෝහයිඩ්රේට්‌ සරල සීනි වශයෙන් නොගෙන සංකීර්ණ කාබෝහයිඩ්රේට්‌ ලෙස ගන්න වග බලා ගන්න ඕන. (complex-carbohydrate) මම කලිනුත් කිව්වා. මේ සඳහා තම්බාපු රතුහාල් ඉතාම ගුණයි. තම්බාපු සුදු හාල් වුණත් ප්‍රශ්නයක්‌ නැහැ. හැබැයි සුදු හාල්, කුරුට්‌ට ඉවත් කළ රතු හාල්, පාන්, ඉඳිආප්ප ගැනෙන්නේ අඩු වැඩි වශයෙන් සරල සීනි සපයා දෙන ආහාරවලටයි... මම මේ ගැන කලින් කියල තියෙනවා.. පුළුවන් තරම් රතු තම්බාපු හාල් කන්න පුරුදු වෙන්න ඕන. හැබැයි ශරීරයට අවශ්‍ය ප්‍රමාණයට විතරක්‌.

ඊළඟට අපි ප්‍රොaටීන් ගැන සැලකිලිමත් විය යුතු වෙනවා. ප්‍රොaටීන් තියෙනවා. සත්ව ප්‍රොaටීන් හා ශාක ප්‍රොaටීන් ලෙස වර්ග 2 ක්‌. ශාක ප්‍රොaටීන් වර්ග තියෙනවානේ පරිප්පුවල, මුංකව්පි, කඩල ආදී ධාන්‍යවල හා සෝයා ආදි රනිල කුලයේ ශාක ආහාර හැම එකකම වගේ. නමුත් ප්‍රශ්නයක්‌ තියෙනවා.

සත්ව ප්‍රොaටීන්වල වගේ ශාක ප්‍රොaටීන්වල අත්‍යවශ්‍ය ඇමයිනෝඅම්ල හැම දෙයක්‌ම අනර්තගත වෙලා නැහැ. මස්‌, බිත්තර, මාළු, කිරිවල අත්‍යවශ්‍ය ඇමයිනෝ අම්ල සියල්ල තියෙනවා. නමුත් ශාක ප්‍රොaටීන්වල සමහර අත්‍යවශ්‍යම දේවල් නැහැ. ඉතින් ඒවා අපි වෙන වෙන දේවල්වලින් ලබා ගන්න ඕන. ඒ සඳහා හොඳ මිශ්‍රණයක්‌ ලෙස ගැනීම අවශ්‍යයි.

ඒකයි අපි කියන්නේ ශාක ප්‍රොaටීන්වලට වඩා අත්‍යවශ්‍ය ප්‍රොaටීන් ලබන්න තියෙන හොඳම මග සත්ව ප්‍රොaටීන් කියලා. බිත්තර සුදුමඳය තුල තියෙන ප්‍රොaටීන් ඉතාම විශිෂ්ටයි. කිරිවලත් තියෙන්නේ හොඳම ප්‍රොaටීන්. හැබැයි කිරිවල විතරයි. කිරි පිටිවල ඇති මඟුලක්‌ නෑ...... කිරිපිටි කියන්නේ වංචාවක්‌. සියලු යහ ගුණය උදුරා ගන්න රොඩ්ඩක්‌ අපි ගෙනැල්ලා දිය කරලා බීල අපි අපිවම රවට්‌ටා ගන්නවා.

මම එක පාරක්‌ ඔස්‌ටේ්‍රලියාවේ ගිහින් බොන්න කිරිපිටි හෙව්වා සුපර්මාකට්‌ එකක. මිනිස්‌සු කන බොන ආහාර සමග ඒවා තිබුණේ නැහැ. මම එයාලගෙන් ඇහුවා. කේක්‌ හදන බඩු තියෙන තැන තියෙනවා කියල කිව්වා. ඒ රටවල කිරිපිටි ගන්නේ කේක්‌ වගේ රස කැවිලි හදන්න මිස පානය කරන්න නෙවෙයි. මම මේ කියන්නේ ළදරු කිරිපිටි (ෙෆdaමියුලා) ගැන නොවෙයි. හැබැයි ඉතින් පව් පින් අහිංසාවාදය වගේ දේවල් ගැන හිතලා කිරි, බිත්තර, මස්‌, මාළු නොකනවා නම් එයාලා ශාක ප්‍රොaටීන් ලබා ගත්තාට වරදක්‌ නැහැ. ඉතින් අපට හොඳම ආහාරය සත්ව ප්‍රොaටීන්....

කුකුළු මස්‌ ඉතා හොඳයි. හම ඉවත් කරල ගත්තාම කුකුළු මස්‌වල තෙල් තට්‌ටුවත් ඉවත් වෙනවා. කුකුළු මස්‌වල තියෙන්නේ ඔමේගා 3, ඔමේගා 6 වගේ අත්‍යවශ්‍ය මේදයයි.

කුකුළු මස්‌ ගැන කතා කරන කොට මිනිස්‌සුන්ගේ වැරැදි මතයක්‌ තියෙනවා ගැහැනු දරුවන්ට හොඳ නැහැ කියලා. කුකුළු මස්‌වල හෝර්මෝනයක්‌ නිසා පුංචි දරුවෝ ඉක්‌මනට මල්වර වෙනවලු. මේක විද්‍යාත්මක පදනමක්‌ නැති හිතලුවක්‌ විතරයි. මල්වර වීමයි කුකුළු මසුයි අතර කිසිම සම්බන්ධයක්‌ නෑ....

හැබැයි හොඳ කෑම බීම වැඩිපුර ලැබිලා සැපට හැදෙන ළමයින්ගේ පෝෂණය ඉහළයි. එහෙම ළමයි ඉක්‌මනට මල්වර විය හැකියි. පෝෂණය වැඩි වුණාම මල්වර වීම ඉක්‌මන්. මන්දපෝෂණය, මල්වර වීම පමා කරන බව මම විද්‍යාත්මකව දන්නවා.

මස්‌ වර්ග වැඩිපුර තැම්බීම තුළ යහගුණය නැති වෙනවා කියල සමහරු කියනවා. වැඩිපුර බැදීම හොඳ නැහැ කියලත් කියනවා. ඒවත් මිනිස්‌සුන්ගේ වැරැදි විශ්වාස විතරයි.

එළවළු වර්ග නම් තැම්බීමෙන් විටමින් වර්ග, ඛනිජ වර්ග, ප්‍රති ඔක්‌සිකාරක විනාශ විය හැකියි. නමුත් මස්‌ තැම්බීම තුළ වන්නේ අනවශ්‍ය මේද ඉවත් වීමයි. ඒක හොඳයි. මස්‌ බාබකිව් කිරීම තුළත් ඒකම වෙනවා.

වැඩිපුර බැදීම තුළ මස්‌වල තියෙන යහගුණය නම් විනාශ වෙන්නේ නැහැ. නමුත් ගැඹුරු තෙලේ බැදීමේදී එම තෙල්වල තත්ත්වය මත ප්‍රශ්න ඇතිවිය හැකියි. එම තෙල් දෙතුන් වතාවක්‌ පාවිච්චි කරලා ට්‍රාන්ස්‌ෆeට්‌ හැදිච්ච තෙල් නම් බදින ආහාර (මස්‌) වලට ට්‍රාන්ස්‌ෆට්‌ ඇතුළු වෙනවාමයි.

ඒක හෘදයාබාධවලට අහිතකරයි. ඒ වගේ දේවල් දැනගෙන ඉන්න ඕන.

මස්‌ පිච්චීම හොඳයි. අනවශ්‍ය තෙල් ඉවත් වෙනවා තමයි. නමුත් වැඩිපුර පිච්චීම හා දුම් ගැසීම තුළ සමහර පිළිකා කාරක දේවල් මස්‌වලට එකතු විය හැකියි. ඒවා දැනගෙන කරන්න ඕන.

මස්‌ වර්ග වැඩිපුර කෑම අහිතකර ද කියලා හිතන අයත් ඉන්නවා. නමුත් අපි දන්නවානේ මස්‌ වර්ග ප්‍රධාන ආහාරය කරගත් අය ඉන්න සංස්‌කෘති ලෝකයේ තියෙනවා. එයාලට කිසි ප්‍රශ්නයක්‌ නැහැ. විවිධ සාධක ආහාරවලට බලපානවා කියල මම කිව්වේ ඒකයි.

සමහරවිට වකුගඩුවල, අක්‌මාවේ ආබාධ තියෙන අය මස්‌ වර්ග වැඩිපුර කෑම අහිතකර විය හැකියි. එහෙම නැත්නම් කොච්චර මස්‌ මාළු කෑවත් ඒ අමතර ශක්‌තිය ශරීරයට ලොකු ප්‍රශ්නයක්‌ නොවෙයි. වැඩි කොටස මුත්‍රා සමග පිටවී යනවා...

ඒත් ඉතින් අත්‍යවශ්‍ය ප්‍රමාණය ඉහත කී ගණනය කිරීම් අනුව කෑමට ගැනීම තමයි ඉතාම සුදුසු දේ......

සමහරු හිතනවා මේදය, ප්‍රොaටීන් ගන්න සල්ලි වැඩිපුර තියෙන්නම ඕන කියලා. ඒකත් මිථ්‍යාවක්‌. ඔය වෙල් මාළුවල, වැව් මාළුවල තියෙන යහ ගුණය මේකට හොඳ උදාහරණයක්‌.

වැව් මාළු, වෙල් මාළු, පලා, කරවල, පලතුරු කන කෙනා මේ ඔක්‌කෝටම වඩා පොහොසත්..... ගමේ වැවෙන අල, බතල වර්ග හරිම වටිනවා. ඉතාම හොඳ ආහාර වේලක්‌ ගමේ ගෙවත්තෙන් සපයාගත හැකියි. ඒකට වැඩිපුර සල්ලි ඕන නැහැ.

හොඳම දේ තමයි සරල වීම. අපි දන්නවා විවිධ සාධක මත එක එක්‌කෙනාගේ ආහාර වට්‌ටෝරුව එක එක විදියයි. නමුත් තමන් සරල වුණොත් බුද්ධිමත්ව කල්පනා කළොත් තමන්ට අවශ්‍ය ආහාරවේල තමන්ටම සකසා ගත හැකියිs. සමබර වන ලෙස හැකිතරම් කාබෝහයිඩ්රේට අවම කරලා. ගන්නා කාබෝහයිඩ්රේට පුළුවන් තරම් සංකීර්ණ සීනි සහිත කාබෝහයිඩ්රේට අරන් ප්‍රොaටීන හා මේද අවශ්‍ය ප්‍රමාණයට අරන් එළවළු පලා වර්ග සහිත සරල ආහාරයක්‌ ගෙන ඉන්පසු සුදුසු පලතුරක්‌ ගැනීමයි හොඳම ආහාරවේල. මස්‌, මාළු ගන්න එක හොඳයි. නමුත් වෙනත් විකල්පවලට ගියත් ප්‍රශ්නයක්‌ නැහැ.

ඒත් මේ ඔක්‌කොම කළත් තවත් අත්‍යවශ්‍ය දෙයක්‌ තියෙනවා. ඒ තමයි ව්‍යායාමය. තමන් කරන රැකියාව ශරීරය වෙහෙස වන රැකියාවක්‌ නොවෙයි නම් ඉතින් නිරෝගීව ඉන්නත් ශරීරයේ නිසි ක්‍රියාකාරීත්වය පවත්වාගෙන යන්නත් ව්‍යායාම නම් කළ යුතුම දෙයක්‌. මේ අතර තියෙන සරලම ව්‍යායාමය තමයි ඇවිදීම...

මේ ගැන විවිධ අයගේ විවිධ මත තිබිය හැකියි. හැබැයි මම මගේ විද්‍යාත්මක මතය වෙනුවෙන් සංවාදයට ලෑස්‌තියි.

anandachandrasekara@gmail.com
සාකච්ඡා කළේ බුලිත ප්‍රදීප් කුමාර

http://www.divaina.com/2013/02/24/feature15.html

Read more »

Posted in: ඕපාදූප කතාකිරීම,ජනවහර,බොරු නොකියනු

බුද්ධ ප්‍රතිමා‍වට තහනමක් ඉරානය පනවා නැතැයි එම රජය කියයි

2013 පෙබරවාරි 20 02.10 p.m

බුද්ධ ප්‍රතිමා අලෙවිය සහ ප්‍රදර්ශනය තහනම් කිරීමට ඉරාන රජය තීරණය කර ඇති බවට පළ වූ ජනමාධ්‍ය වාර්ථාවන් හී කිසිදු සත්‍යතාවක් නොමැති බව ඉරාන රජයේ සංස්කෘතික දෙපාර්තමේන්තුව අවධාරණය කරයි. මෙවැනි වාර්ථා පළවීම පිළිබඳ තමා දැඩි ලෙස කණගාටුවට පත්වන බවත්, මෙම අසත්‍ය වාර්ථා තුළින් ලොව පුරා ජනතාව නොමග ගොස් ඇති බවත් ඉරාන රජයේ සංස්කෘතික දෙපාර්තමේන්තු  කාර්‍යාලයේ ලේකම් සහීඩ් ජාබර් අන්සාරි මහතා ජනමාධ්‍ය වෙත අද (20) ප්‍රකාශ කළ බව ශ්‍රි ලංකාවේ ඉරාන තා‍නාපති කාර්‍යාල ආරංචි මාර්ග පවසයි. රේගු නීති උල්ලංඝනය කරමින් නීති විරෝධි ලෙස ඉරානයට ගෙන එන සංස්කෘතික හා පෞරාණික වටිනාකමින් යුක්ත බුදු පිළිම ඇතුළු පෞරාණික භාණ්ඩ අත්අඩංගුවට ගන්නා ලෙස පමණක් තමා නියෝග කළ බවත්, මෙම නියෝගය වැරැදි ලෙස ජනමාධ්‍ය ඔස්සේ වාර්ථා වී ඇති බවත් අන්සාරි මහතා අවධාරණය කර ඇත. කිසිදු ආගමකට එරෙහිව ඉරානය කිසිදාක කටයුතු නොකරන බවත් ඒ මහතා පවසයි.

පැතුම් වික්‍රමරත්න

Read more »

Posted in: ඕපාදූප කතාකිරීම,ජනවහර,බොරු නොකියනු,සමගිය සහජීවනය සහයෝගය සාමය

"එහෙම තහනමක්‌ නෑ" ඉරානයේ ශ්‍රී ලංකා තානාපති කියයි

   

"එහෙම තහනමක්‌ නෑ"

ඉරානයේ ශ්‍රී ලංකා තානාපති කියයි

ඉරානයේ බුදු පිළිම ප්‍රදර්ශනය කිරීම සහ විකිණීම තහනම් කිරීම සම්බන්ධයෙන් කිසිදු තීරණයක්‌ ගෙන නොමැති බව එරට නිලධාරීන් වාර්තා කර ඇතැයි ඉරානයේ ශ්‍රී ලංකා තානාපති ෆයිසාල් රශීන් මහතා නිවේදනයක්‌ නිකුත් කරමින් කියා සිටී.

එම නිවේදනය සම්පූර්ණයෙන් මෙසේය.

පසුගිය දිනවල සමහර මාධ්‍යවලින් සමහර පුද්ගලයන් ඉරානයේ බුදුපිළිම ප්‍රදර්ශනය කිරිම සහ විකිණීම තහනම් කර ඇති බවට ප්‍රචාරය කළත් ඒ පිළිබඳව සොයාබැලීමේදී එය දැනට ගොඩනැගී එන රටවල් දෙක අතර සහ ජාත්‍යන්තර ආගමික සහයෝගීතාවලට බලපාන ලෙස කුමන්ත්‍රණකරුවන් විසින් ප්‍රචාරය කරනු ලබන අසත්‍ය කරුණු බව සඳහන් කළ හැකිය.

මේ සම්බන්ධව ඉරාන බලධාරීන් විමසීමේදී ඉරාන රජය විසින් මෙවැනි කිසිදු තීරණයක්‌ ගෙන නොමැති බවට වාර්තා කර ඇත.

මහින්ද චින්තනය ලොවෙහි ප්‍රචලිත වන මොහොතක සහ විශේෂයෙන් ශ්‍රී ලංකා - ඉරාන නව සබඳතා ගොඩනැගෙමින් පවතින මොහොතක මෙවැනි ප්‍රචාරයන්ගෙන් අප නොමග නොයායුතු බවත් දෙරටේ සබඳතාවන් තවදුරටත් දැඩි කිරීමට මෙම මඩ ප්‍රචාර පන්නරයක්‌ කර ගත යුතු බවටත් ෆයිසාල් රශීන් මහතා ප්‍රකාශ කරන ලදී.

මේ පිළිබඳව තානාපති කාර්යාලයේ නිලධාරීන් සහ සේවකයන් අමතමින් ෆයිසාල් රශීන් මහතා ප්‍රකාශ කළේ ඊයේ දින උදැසන ඔහුගේ කැමරාවෙන් ගත් ඉරානයේ ප්‍රසිද්ධ ස්‌ථානයක ප්‍රදර්ශනය කර තිබෙන බුදු පිළිම වහන්සේ නමක ඡායාරූපයක්‌ ඔහු සතුව පවතින බවය.

http://www.divaina.com/2013/02/21/news02.html

Read more »

Posted in: ඕපාදූප කතාකිරීම,ජනවහර,ප්‍රවේසම්වන්න,සමගිය සහජීවනය සහයෝගය සාමය

යටියන්තොට විදුහල්පතිවරයෙකු මුස්ලිම් දැරියකගේ මුලික අයිතිවාසිකම් කඩ කරලා ශ්‍රේෂ්ඨාධිකරණය තීන්දු කරයි!

වයස අවුරුදු දොලොහක මුස්ලිම් පාසැල් දැරිවියකගේ (ශිෂ්‍යාවකගේ) මුලික අයිතිවාසිකම් පෙත්සමක් (FR No. 688/2012) විභාගයට ගත් ත්‍රිපුද්ගල ශ්‍රේෂ්ඨාධිකරණ විනිසුරු මඩුල්ලක් විසින් මෙම දැරිවියට තමන්ගේ සම්ප්‍රදායික සුදු ගවුම, සුදු දිගු කලිසම හා උතුරු සළුව (සාටකය) ඇඳ පාසැලේ අධ්‍යාපනය හැදෑරීමට ඇතුල් වීම තහනම් කිරීමෙන් යටියන්තොට ප්‍රදේශයේ විදුහලක විදිහල් පති වරයෙකු විසින් ඇයගේ මුලික අයිතිවාසිකම් කඩ කර ඇතැයි 2012-02-19 දින තීන්දු කරණ ලදී.  

  

පෙත්සම්කාර ෆාතිමා සාබිරා ශියාම් ශිෂ්‍යාවට යටියන්තොට සිරිවර්ධන මහා විද්‍යාලයේ විදුහල්පති විසින් ශිෂ්‍යාවන් සඳහාවූ සම්ප්‍රදායික මුස්ලිම් ඇඳුම පැළඳ පාසැලට ඇතුලත් වීම තහනම් කර ඇත්තේ පාසැලේ ‘බෞද්ධ’ අනන්‍යතාවය සමග ගැටීමක් ඇති බව පවසමිනි.  

පෙත්සම් කාර ශිෂ්‍යාව වෙනුවෙන් පෙනී සිටි හිජාස්‌ හිස්බුල්ලා නීතිඥවරයා අධිකරණය වෙත දන්වා සිටියේ අධ්‍යාපන අමාත්‍යංශය විසින් 1980 දෙසැම්බර් 12 වැනි දින නිකුත් කරණ ලද චක්‍රලේඛනයක් අනුව මුස්ලිම් ශිෂ්‍යාවන්ට සුදු ගවුම, සුදු දිගු කලිසම හා උතුරු සළුවක් සහිතව පාසැලට ඇතුලත් වී අධ්‍යාපනය ලබන්නට අනුමැතියක් ලබා දී ඇති බවය. විදුහල්පති වරයා වෙනුවෙන් අතිරේක සොලිසිටර් ජෙනරාල් බිම්බා ජයසිංහ පෙනීසිටි අතර වගඋත්තර පාර්ශවය වෙනුවෙන් පෙනීසිටි ජනාධිපති නීතිඥ හා රජයේ නීතිඥ ආචාර්ය අවන්ති පෙරේරා අධිකරණය අමතමින් වගඋත්තර කරුට එරෙහිව ඉදිරිපත් කොට ඇති මුලික අයිතිවාසිකම් උල්ලංඝනය කිරීමේ චෝදනාව පිළිබඳව බලවත් අවධානය යොමු කොට ඇති අතර මේ පිළිබඳව වගඋත්තර කරුට  දැඩි ලෙස අවවාද කොට තිබෙන බවත් මින් ඉදිරියට ශ්‍රී ලංකා ප්‍රජාතන්ත්‍රීය සමාජවාදී ජන රජයේ ව්‍යවස්ථා වේ 12(2) හා  14 (1) e යන ඡේද මගින් සහතික කොට ඇති මුලික අයිතිවාසිකම් උල්ලංඝනය නොකරන බවට සහතිකයක් ලබා දෙන බවද දන්වා සිටියේය.  12(2) ඡේදය අනුව කිසිවෙකුට තම දහම හේතුවෙන් කිසිම අසාධාරණ කමක් නොකළ යුතු බවත්, 14 (1) e යන ඡේදය මගින් සැමට ප්‍රසිද්ධ හා අප්‍රසිද්ධ  තන්හි තම දහම විදහා දැක්වීමේ අයිතිය සහතික කොට ඇත.  

ශ්‍රේෂ්ඨාධිකරණය විසින් රජයේ නීතිඥ වරයාට, අධ්‍යාපන අමාත්‍යංශය  මගින් මුස්ලිම් ශිෂ්‍යාවන්ට තම සම්ප්‍රදායික ඇඳුමින් සැරසී පාසැල් අධ්‍යාපනය ලැබීමට අයිතිය ලබා දී ඇති 1980 දෙසැම්බර් 12 වැනි දිනැති චක්‍රලේඛනය පිළිබඳව නිසි ප්‍රසිද්ධියක් ලබා දෙන ලෙස උපදෙස් ලබා දෙන ලදී. තවද අවිස්සාවේල්ල සහකාර පොලිස් අධිකාරී වරයාට පෙත්සම්කාර ශිෂ්‍යාවගේ පියා ගෙන් තමන්ගේ හා පෙත්සම් කාරියගේ ආරක්ෂාව පිළිබඳව කටඋත්තරයක් සටහන් කර ගන්නා ලෙසත් දන්වා සිටින ලදී. රජයේ නීතිඥ අධිකරණයට දන්වා සිටියේ පෙත්සම් කාර ශිෂ්‍යාව කැමැති නම් මෙම පාසැලට නැවත ඇතුලත්වී අධ්‍යාපනය ලැබීමට ඇයට සියළු නිදහස ඇති බවය. පළමුවැනි වගඋත්තරකරු අධිකරණයට ලබා දෙන ලද පොරොන්දු කඩ කලේ නම් රටේ නීතිය උල්ලංඝනය කිරීමේ වරදට ඔහුට එරෙහිව ඉතා දැඩි ලෙස ක්‍රියා කරන්නට සිදුවන බව විනිශ්චයකාර මඬුල්ල විසින් දන්වා සිටින ලදී.         

ශ්‍රේෂ්ඨාධිකරණ විනිශ්චය මඬුල්ලට විනිශ්චය කාර ශිරානි තිලකවර්ධන, එස්. අයි. ඉමාම්, සහ ඊවා වනසුන්දර යන අය ඇතුලත් විය. 

http://www.anvermanatunga.com/2013/02/20/muslim-pasal-dariange-wasthraya/#more-3343 

Read more »

Posted in: Islamic ethics,ඕපාදූප කතාකිරීම,ජනවහර,බොරු නොකියනු,සමගිය සහජීවනය සහයෝගය සාමය

හලාල් වාර්තාව මසකින් කැබිනෙට්ටුවට

හලාල් වාර්තාව මසකින් කැබිනෙට්ටුවට LAKBIMA NEWS PAPER 20/02/2013

හලාල් ගැටලුව සම්බන්ධයෙන් ජමයිතුල්උලමා සංවිධානය සහ බොදුබල සේනා සංවිධානය මෙන්ම හලාල් ලාංඡනය ලබාගෙන ඇති ව්‍යාපාරිකයන් හමුවී සාකච්ඡා කොට මාසයක් තුළ ඇමැති මණ්ඩලයට වාර්තාවක් සැපයීමට මේ සම්බන්ධයෙන් සොයා බැලීමට පත් කළ පක්ෂ නායක කමිටුව ඊයේ (19) තීරණය කර ඇත. සියලු පාර්ශ්ව කැඳවා වෙන් වෙන් වශයෙන් මේ පිළිබඳ සාකච්ඡා කිරීමට ඇමැති මණ්ඩලය පත් කළ ආණ්ඩුවේ පක්ෂ නායක කමිටුව තීරණය කර තිබේ.
‍‍‍ජ්‍යෙෂ්ඨ ඇමැති රත්නසිරි වික්‍රමනායක මහතා මෙම කමිටුවේ සභාපති වන අතර ඒ මහතාගේ ප්‍රධානත්වයෙන් පාර්ලිමේන්තු සංකීර්ණයේදී මෙම පක්ෂ නායක කමිටුව රැස්විණි. මෙම රැස්වීමට ‍‍‍ජ්‍යෙෂ්ඨ ඇමැතිවරුන් වන ඒ.එච්.එම්. ෆවුසි, ඩිව් ගුණසේකර, ඇමැතිවරුන් වන රිසාද් බදියුදින්, විමල් වීරවංශ, පාඨලී චම්පික රණවක, ඒ.එල්.එම්. අතාවුල්ලා, වාසුදේව නානායක්කාර සහ දිනේෂ් ගුණවර්ධන යන මහත්වරු සහභාගි වී ඇත.
මෙහිදී රත්නසිරි වික්‍රමනායක මහතා ප්‍රකාශ කර ඇත්තේ හලාල් ප්‍රශ්නයෙන් ආගමික සහජීවනයට හානියක් වේ නම් ඒ ගැටුම නැවැත්වීමේ වගකීමක් මෙම කමිටුවට ඇති බවයි.
ඩිව් ගුණසේකර මහතා හලාල් ප්‍රශ්න ඇතිවූයේ කෙසේදැයි කළ විමසුමට පිළිතුරු දෙමින් ෆවුසි මහතා ප්‍රකාශ කර ඇත්තේ වසර 10ක සිට මෙරට හලාල් ක්‍රියාත්මක වූ බවයි. හලාල් සහතිකය නැතිනම් විදේශයන්ට භාණ්ඩ යැවීමට ව්‍යාපාරිකයන්ට නොහැකි බවත්, හලාල් ලාංඡනය සිංහල, දෙමළ ව්‍යාපාරිකයන් ලබාගතහොත් ඔවුන්ගේ භාණ්ඩ මුස්ලිම් ජනතාව ලබා ගන්නා බවත් ෆවුසි ඇමැතිවරයා කියා ඇත.
එහිදී ඇමැති විමල් වීරවංශ කියා ඇත්තේ, රට වැසියන් ඉවසීමෙන් මේ සංවේදී කාරණය දෙස බැලිය යුතු බවයි. එසේම හලාල් සහතිකය ලත් භාණ්ඩ මුස්ලිම් ජනතාව ලබා ගත්තද අනෙක් පැත්තෙන් ආගමික ප්‍රමිතීන් අන්‍යාගමිකයන් මත බලෙන් පැටවීම සාධාරණ නොවන බවද ඇමැතිවරයා පවසා ඇත.
උලමා සංවිධානය පිහිටුවා ඇති පනත යටතේ ඔවුනට ආගමික ලාංඡනයක් පාරිභෝගික භාණ්ඩවලට නිකුත් කිරීමේ නීතිමය බලයක් නැති බවද ඇමැතිවරයා කියා තිබේ. පාඨලි චම්පික රණවක මහතා හලාල් සහතිකය බලෙන් පැටවිය නොහැකි බවත් තීන්තවලට පවා හලාල් ගත යුතු තත්ත්වයක් උද්ගතව ඇති බවත් ප්‍රකාශ කර තිබේ. අනතුරුව අදහස් දැක්වූ රාවුෆ් හකීම් මහතා ඉතිහාසයේ සිට හලාල් සහතිකය තිබෙන නිසා මුස්ලිම් අපට රිදෙන ලෙස මේ ප්‍රශ්නය දෙස නොබලන්නැයි ඉල්ලීමක් කර තිබේ. ඇමැති දිනේෂ් ගුණවර්ධන මහතා කියා ඇත්තේ පාරිභෝගික අධිකාරියේ බලතල උලමා සංවිධානයට බලෙන් ක්‍රියාත්මක කළ නොහැකි බවයි. අවසානයේ සියලු පාර්ශ්ව කැඳවා මසක් තුළ මේ කටයුතු අවසන් කිරීමට තීරණය කර ඇත.

ලසන්ත වීරකුලසූරිය

http://www.lakbima.lk/news/index.php

Read more »

Posted in: ඕපාදූප කතාකිරීම,ජනවහර,ජාතික සමඟිය,හලාල්

දේශයේ සැබෑ මිතුරන් හඳුනා ගනිමු!

ශ්‍රී ලංකාවේ මුස්ලිම්වරුන්ට විරුද්ධව යම් යම් මතවාදද මුස්ලිම් රටවල් විරෝධී යම් යම් මතවාදද මේ දිනවල පැන නැගෙමින් පවතී. සැබවින්ම එය එසේ විය යුතුද?මේ සඳහා පළමුව සලකා බැලිය යුතු වන්නේ ශ්‍රී ලංකාවට වඩාත්ම හිතවත් මිතුරන් සිටින්නේද? සිටින්නේ නම් ඒ කවර රටවල්ද යන්නයි.

සැබෑ විපතකදී යුරෝපය සහ ඇමෙරිකා එක්සත් ජනපදය ශ්‍රී ලංකාවේ සැබෑ මිතුරන් ලෙස ඉදිරියට නොආ බව අද වන විට ඔප්පු වී තිබේ. 1970 ට පෙර යුරෝපිය රටවල් ශ්‍රී ලංකාවේ ආරක්ෂකයන් බවට පත්ව සිටියද මෑත කාලීන වර්ධනයත් සමග එය කලාපීය මුස්ලිම් රටවල් කරා මාරු වී තිබේ.

1947 පාකිස්තානය බිහි වූ දා සිට පාකිස්ථානය අපේ මිතුරු රටකි. ඇත දිග හැර  වියදම් කරන හිතවතෙකි. ඉරානය, ලිබියාව, සෞදී අරාබිය, බංගලාදේශය, ඉන්දුනීසියාව, මැදපෙරදිග බහුතරයක් වූ සෙසු රටවල් ඒ හිත මිතුරු ලයිස්තුවේ මුලටම වේ.

ප්‍රභාකරන්ගේ දමිල ඊලාම් විමුක්ති කොටි සංවිධානය ඊලාම් සටන අරඹා රට දෙකඩ කරන  ව්‍යාපාරය උච්ච මට්ටමට පත් කල පසු ශ්‍රී ලංකාවේ උදව්වට ආවේ මෙම මුස්ලිම් රාජ්‍ය පෙළයි.

හැත්තෑ ගණන්වල ඇරඹි රට බෙදන ඊලාම් ව්‍යාපාරය ඔවුන්ගේ පැත්තෙන් බිහිසුණු හා සාර්ථක මට්ටමට ගෙනගියේ ප්‍රභාකරන් විසිනි. එතෙක් යම් තරමකට හෝ වාමාංශික මුහුණුවරක් ගත් කුට්ටුමනී, උමා මහේෂ්වරන්, ආදීන් පැත්තකට කර සටන අතට ගත් ප්‍රභාකරන්  මේ පොලව ලේ ගංගාවක ගිල්වද්දී දමිල ඊලාම් න්‍යායවාදීන් උත්සහ කලේ උතුරු නැගෙනහිර ප්‍රදේශවල ජීවත් වන මුස්ලිම් ප්‍රජාවද සටනේ පංගුකාරයන් කර ගැනීමටය. එහෙත් මුස්ලිම්වරුන් කිසිදු අවස්ථාවක බෙදුම්වාදී උවමනාවන් පසුපස ගියේ නැත. යම් යම් පුද්ගලයන් එල්.එල්.ටී.ටී.ඊ හිතවාදීන්ව සිටියා වුවද බහුතර මුස්ලිම් ජනතාවද මුස්ලිම් ආගමික නායකයන්ද ශ්‍රී ලංකා රජය සහ ශ්‍රී ලංකා හමුදාව සමග මිත්‍රත්වයෙන් යුතුව කටයුතු කළහ. ඔවුන්ද තම පොදු සතුරා ලෙස සැලකුවේ ඊලාම් ත්‍රස්තවාදයයි.

1970 තරම් ඈත කාලය වන විට ඉන්දියාව ඊළාම් සංවිධානවල ප්‍රධාන ආරක්ෂකයා වී තිබු අතර අප සමග තිබු හමුදා සම්බන්ධතා ටිකෙන් ටික ඈත් කරමින් පැවතින. ඒ වන විට ඉන්දියාවේ කොටි පුහුණු කදවුරු 12ක් තිබු අතර නවීන මෝටාර්, මැෂින් තුවක්කු ආදියෙන් සන්නන්ධ වූ ත්‍රස්තවාදීන්ගේ ප්‍රහාර හමුවේ අපේ ආරක්ෂක හමුදා යම් පීඩනයකට හසු වෙමින් තිබිණි. මේ අවස්ථාවේ අපේ උදව්වට ආවේ පාකිස්ථානයයි.

ජනරාල් සියා උල් හක් ජනාධිපතිවරයා ශ්‍රී ලංකාවට පැමිණ උතුරේ ඇති වෙමින් තිබු තත්වය පිළිබද සැබෑ තත්වය දැක බලා ගත්තේය. අනතුරුව ජනරාල්වරයා එවකට පාකිස්ථාන යුධ හමුදාවේ විශේෂ බලකා ප්‍රධානි බ්‍රගේඩියර් තාරික් මොහොමඩ් මහතාගේ ප්‍රධානත්වයෙන් යුතු  යුතු විශේෂ හමුදා කණ්ඩායමක් මෙරටට එව්වේ අපේ හමුදාව පුහුණු කිරීම සදහාය. අනුරාධපුර සාලියපුර කදවුරේදී පාකිස්ථාන හමුදා ප්‍රධානීහු අපේ හමුදාව සදහා පුහුණුවීම ආරම්භ කලහ. මෙම පුහුණුව ලබා දුන්නේ අපේ හමුදාවේ නිලධාරින් නොවන සෙසු නිලයන්ට වීම විශේෂත්වයක් වෙයි.

එයට හේතුව ඒ වන විට අපේ නිලධාරීන්ට මිස සෙබළුන්ට විදේශ පුහුණුව ලැබෙන ක්‍රමවේදයක් නොතිබීමයි. ජේෂ්ඨතම හමුදා නිලධාරීහු කිහිප දෙනෙක් බ්‍රිතාන්‍යයේ යේ සන්ධර්ස්ට් ආරක්ෂක පීඨයේද තවත් පිරිසක් ඉන්දියාවේද පුහුණුව ලැබුහ. එහෙත් නැග එන ගරිල්ලා ත්‍රස්තවාදයට එරෙහිව කාලීන යුද උපක්‍රම ඉගැන්වීම් මේවායේ සිදු නොවීය.

බ්‍රිගේඩියර් තාරික් අසිස් ජනරාල් සීයාගේ සමීපතමයෙකු වූ අතර අසීස්ට අන දුන්නේ සෘජුවම පාකිස්ථාන ජනාධිපතිවරයාය. එවකට ශ්‍රී ලංකා හමුදාවට ආගන්තුක වූ මෝටර් හා රොකට් ලෝන්චර් පාකිස්ථානයෙන් ගෙනවීත් මෙම පුහුණුව ලබා දීමට තරම් රටවල් දෙකේ මිත්‍රත්වය ශක්තිමත් වී තිබිණි. පුරා මාස තුනක් බ්‍රගේඩියර්වරයා හා කණ්ඩායම ලංකාවේ නැවතී මෙසේ අපේ හමුදාවට පුහුණුව දුන්හ. ඉන්පසු මෙම පුහුණුව පාකිස්තානයේදී ලබා දීම සිදු කෙරිණි. හමුදා උපකරණද, අවි ආයුධද, පාකිස්ථාන අයි.එස්.අයි. රහස් ඔත්තු සේවයේ තොරතුරු හුවමාරුවද දිගින් දිගටම අපේ රටට ලැබිණි. පාකිස්ථාන හමුදා නායකයෝ ඊලාම් ත්‍රස්තවාදී අරගලය පුරාම ලංකාවේ සමීප මිතුරන්ව සිටියහ. 1985 දී ඉන්දියාව අපේ හමුදාවට ලබා දුන් පුහුණුව සම්පුර්ණයෙන් නතර කල පසු නිලධාරීන් සහ සෙබළුන් පුහුණු කිරීමේ තනි බර පාකිස්ථානය අතට ගත්තේය. එයට බංගලාදේශයද හවුල් විය. 1987න් පසු ඉන්දියාව යලි අපේ හමුදාවේ කණ්ඩායම් කිහිපයක් පුහුණු කිරීම ඇරඹිය.

විටින් විට වෙනස් වන කලාපිය දේශපාලන තත්වයන් හමුවේ වුවද පාකිස්ථානයත් බංගලාදේශයත් ශ්‍රී ලංකාව සමග මිත්‍රත්වය අත හැරියේ නැත.

අලිමංකඩ යුද හමුදා කදවුර බිද වැටී කොටි ත්‍රස්තවාදීන්ගේ කාලතුවක්කු බලය පලාලි යුද හමුදා හදවත වෙත විහිදෙන්නට පටන් ගත් 2000 අඳුරු සමයේදී අපේ ආරක්ෂාවට ආවේ පාකිස්ථානයයි. දෙරටේ රාජ්‍ය නයක හා හමුදා නායකයන්ගේ ක්ෂණික දුරකථන සංවාද මත පාකිස්ථාන ගුවන් යානා කිහිපයක් කොළඹ බලා පියාසර කළේය. ඒවායේ තිබුනේ හොදම ජංගම ප්‍රහාරක බලයවූ මල්ටි බැරල් රොකට් විදින යන්ත්‍රයයි. එම මල්ටි බැරල් රොකට් ලෝන්චර් ඒ වන විට පාකිස්ථාන හමුදා කඳවුරු වලින් එකතු කරගෙන කොළඹට ගෙන එන ලදී.

ඒවා ක්ෂත්‍රයේ පහර දෙමින් තිබු ඒවා විය. මෙමගින් ප්‍රභාකරන් නොසිතු ප්‍රහාරයක් එල්ල කිරීමට ශ්‍රී  ලංකා හමුදාවට පුළුවන් වූ අතර මල්ටි බැරල් යන්ත්‍ර ක්‍රියාත්මක කලේද පාකිස්ථාන සෙබළුන්ය. චෙකොස්ලෝවකියාවෙන් ඇනවුම් කර තිබු මල්ටි බැරල් යන්ත්‍ර මෙරටට ගෙන එන තුරු මෙම ගිනි බලය යොදා ගනිමින් ප්‍රභාකරන්ගේ යාපනය අල්ලා ගැනීමේ සිහිනය බොද කරලීමට හැකි විය.

ජනරාල් පර්වේස් මුෂාරෆ් පාකිස්ථාන ජනාධිපති ධුරයට පත් වූ විට දෙරට අතර සම්බන්ධතා අතිශය ශක්තිමත් විය. ජනරාල් ශ්‍රී ලාල් වීරසුරිය මුෂාරෆ් ජානධිපති සමග බ්‍රිතාන්‍ය නැෂනල් ඩිෆෙන්ස් කොලේජ්හි එකට අධ්‍යාපනය ලැබීම සලකා එවක රජය ශ්‍රී ලාල් වීරසුරිය විශ්‍රාම ගිය පසු පාකිස්ථාන මහා කොමසාරිස් ලෙස පත් කළේය. ඔහුට හිතවත්කම් මත තවත් බොහෝ දේ කල හැකි විය.

මාවිල්ආරු සොරොව්ව වසා ප්‍රභාකරන් තම අන්තිම ගමන යාමට සැලසුම් කල අවස්ථාවේ අපේ පිහිටට ආවේද පාකිස්ථානයයි. මහා ප්‍රහාරයකට සරිලන කාලතුවක්කු උණ්ඩ හා මල්ටි බැරල් උණ්ඩ සිය දහස් ගණන් පිරවූ නැව් විශාල ප්‍රමාණයක් පාකිස්ථානයෙන් මෙරටට එව්වේ ආයුධ සදහා මුදල් පසුව ලබා ගැනීමේ පදනමිනි. එම මුදල් අදටත් ගෙවනවා විය යුතුය. පාකිස්ථාන ආයුධ සහය නොතිබුනේ නම් මාවිල්ආරු සොරොව්ව මුදා ගෙන මුලතිව් දක්වා එතරම් ඉක්මනින් යාමට නොහැකි වනු ඇත. පාකිස්ථානය මෙම මහා මානුෂිය මෙහෙයුම් පිටුපස දැවැන්ත කාර්යභාරයක් කළේය. ඊලාම් ත්‍රස්තවාදී අරගලය මැඩලන ශ්‍රී ලංකා රාජ්‍යයේ සමස්ත අරගලය පුරාම පාකිස්ථානය දැවැන්ත සෙවනැල්ලක්ව නැගී සිටියේය. ශ්‍රී ලංකාවේ සාමකාමී ජනතාව තම නිදහස දිනා දුන් රණවිරුවන්ගේ අරගලයට දායක වූ මෙම  මුස්ලිම් රාජ්‍ය පන්තියට සදාකාලිකවම ගරු බුහුමන් කල යුත්තෝය. කිට්ටුම අසල්වැසියා පිටුපාද්දී උදව්වට ආවෝ ඔවුහු වෙති.

1984-85 සහ 86 ඊලාම් ත්‍රස්තවාදය නැගෙනහිර පළාතේ පතුරුවා හැරීමට ඊලාම් සංවිධාන උත්සහ කල කාලය විය. එම කාලයේ නැගෙනහිර පළාතේ ත්‍රස්තවාදී සාමාජිකයන් හා උතුරේ සාමාජිකයන් අතර බරපතල සමාජීය වෙනස්කම් තිබිණි. මුස්ලිම් ජනයාගෙන් තම ශක්තිය වැඩි කර ගැනීමට එල්.එල්.ටී.ටී.ඊය උත්සාහ දැරුවද නැගෙනහිර මුස්ලිම්වරු එසේ නොගියහ. අවසානයේ මුස්ලිම් නම් යොදවා ත්‍රස්ත නායකයන් පත් කර එව්වද ඔවුන් දමිල බව පසුව හෙළිදරව් විය. අම්පාර දිස්ත්‍රික්කයේ පානම සිට පොතුවිල්, අක්කරපත්තුව, කාරතිව්, කල්මුනේ, කාතන්කුඩි, වාලච්චේන යන ප්‍රදේශ දක්වාම බහුතර ගම්බිම් මුස්ලිම් ප්‍රදේශ විය. මෙම ප්‍රදේශවල එල්.ටී.ටී.ඊ ක්‍රියා සිදු නොවූ අතර බිම් බෝම්බ පහරදීම් ආදිය බහුලව සිදු නොවීය. කාත්තන්කුඩි මුස්ලිම් වැසියන්ට 1986 දි යුද හමුදාව තුවක්කු පවා සැපයුවේ ඔවුන්ගේ ආරක්ෂාවටය. මේ පිරිස තම ගම්බිම් සතුරාගෙන් රැක ගත්හ. සිංහල ගම්මානවල ආරක්ෂාවට තුවක්කු සැපයීම ආරම්භ වුයේත් මේ කාලයේය. මඩකලපුවේ සිංහල ගම්මාන නොවුයෙන් යුද හමුදා කදවුරු අලුතෙන් ඇතිවුයේ මේ ගම්මාන වලය.

1990 දි දෙවැනි ඊලාම් අරගලය ඇතිවීමෙන් පසු එල්.ටී.ටී.ඊය මෙම මුස්ලිම් ගම්මානවලට පහර දුන්නේය. තමන්ට නැගෙනහිර ශක්තිමත් වීමට ඉඩ නොලැබුණේ මොවුන් නිසා බව එල්.ටී.ටී.ඊය තේරුම් ගෙන තිබිණි. කාතන්කුඩි පල්ලියේ යාඥා කල බැතිමතුන්ට පහර දී 147 ක් අලන්චිපොඨාන, 69ක්ද පල්ලියගොඩැල්ල 171ක්ද යන ලෙස මහා සංහාර සිදු වුයේ මුස්ලිම් ජනතාව ශ්‍රී  ලංකාවේ ඒකීය රාජ්‍යයට සහයෝගය දැක්වූ නිසාය. මෙම ගම්මාන නොතිබුනේ නම් ඊලාම් අරගලය ඇරඹෙනු ඇත්තේ පොළොන්නරුවේ සිටය. පොළොන්නරුවට දිඹුලාගල අසරණ සරණ සරණංකර නාහිමියන් අයෝමය පලිහක් වුවා සේම මෙකී මුස්ලිම් ගම්මානද නැගෙනහිර රැක ගැනීම පිණිස ශ්‍රී ලංකා රජයට අයෝමය පලිහක් විය. අදටද මුස්ලිම්වරු විශාල පිරිසක් ත්‍රිවිධ හමුදාවේ සේවය කරති. රට වෙනුවෙන් දිවි දුන් උත්තුංග ශ්‍රී ලංකා පුත්‍රයන් අතර මුස්ලිම්වරුද විශාල පිරිසක් වෙති. මුලතිව් කදවුර බේරා ගැනීම සදහා වික්‍රමාන්විතව සටන් වැද මිය ගිය එවකට 1 වැනි විශේෂ බලකා ප්‍රධානි කර්නල් ෆස්ලි ලෆීර්, බුද්ධි අංශයේ මේජර් තුවාන් මුතාලිෆ් ආදීහු ඒ දීර්ඝ ලැයිස්තුව සරසති. එල්.ටී.ටී.ඊ ත්‍රස්ත සාමාජික ලයිස්තුවේ මෙවෙනි නම්ගම් විරලය. එක්කෝ ඇත්තෙම නැත.

එහෙත් ඇතැම් මුස්ලිම් දේශපාලකයන් සතුරාගේ පැත්ත ගෙන ජාතිබේදය වැපිරූ බව ජනතාවට මතකය. කල යුත්තේ ඔව්න් හදුනාගෙන හුදෙකලා කිරීම මිස සමස්ත මුස්ලිම් ජනතාවට පහර දීම නොවේ.

දැන් යුද්ධය අවසන්ව තිබේ. සාමකාමිව තමන්ගේ පාඩුවේ ජීවත් වන සිංහල දෙමල මුස්ලිම් තුන් වර්ගයාටම තවත් බිහිසුණු යුද සමයක් අවශ්‍ය  නොවනු ඇත. ඒ සදහා සියලුම ජනවර්ගවල පටු අරමුණු ඉවත් කර ගැනීමට කාලය උදා වී තිබේ.

රංග පෙම්කිත්

සතියේ කතාව

ඉරිදා ලංකාදීප 2013 පෙබරවාරි 03 ඉරිදා

Read more »

Posted in: ISLAMOPHOBIA,ඕපාදූප කතාකිරීම,ජනවහර,බොරු කීම,සමගිය සහජීවනය සහයෝගය සාමය

කාන්තාව පිටරට ගොස් සොයන මුදලට වඩා විශාල හානියක් ඇගේ පවුලට සිදුවෙනවා

කැලණිය විශ්ව විද්‍යාලයේ සිංහල අධ්‍යයන අංශයේ කථිකාචාර්ය ස්වර්ණා ඉහළගම

කාන්තාව විදේශගත වීම අද වන විට සමාජ පුරුද්දක් බවට පත්ව තිබෙනවා. ශ්‍රී ලංකාවට ලැබෙන විදේශ විනිමය ප්‍රමාණයෙන් වැඩිම මුදලක් උපයන්නේ විදේශ රැකියා සඳහා යොමු වී සිටින අපේ කාන්තාවන් විසින්. එම නිසා කාන්තාව විදේශගත වීම ආර්ථික වශයෙන් ප්‍රධාන ආදායමක් බවට පත්ව තිබෙනවා.
නමුත් සාම්ප්‍රදායික පෙරදිග සමාජ ක්‍රමය අනුව දරුවන්ගේ අනාගතය සුරක්ෂිත කිරීමේ කාර්යයේදී කාන්තාව සතු වගකීම වැඩියි. පවු‍ලේ ප්‍රධානියා පුරුෂයා වුවත් දරුවන් හැදීමේ කාර්යයේදී කාන්තාවට වැඩි වගකීමක් තිබෙනවා. එම නිසාම කාන්තාව විදේශ ගතවීම පවුල් ඒකකයේ පරිහානියට ප්‍රධාන වශයෙන් බලපා තිබෙනවා. පවුල පරිහානියට පත්වීම නිසා විශාල සමාජ පරිහානියකුත් සිදු වෙනවා.
කාන්තාවන් සම්බන්ධයෙන් තොරතුරු සොයා බලන විට පෙනී යන ප්‍රධාන කාරණයක් වන්නේ වැඩි ප්‍රතිශතයක් ඉහළ අධ්‍යාපනයක් නොලැබූ කාන්තාවන් බවයි. සමහර කාන්තාවන් උපාධිය තිබියදීත් රජයේ රැකියා අවස්ථා නොලැබිම හේතුවෙන් විරැකියාවට මුහුණ දෙනවා.
මෙවැනි තත්ත්වයන් මධ්‍යයේ ආර්ථික දුෂ්කරතා හමුවේ අසරණ වන බොහෝ කාන්තාවන් මැදපෙරදිග රැකියා සඳහා යොමුවීම සාමාන්‍යයි. නිසි පුහුණුව, උගත්කම හා පළපුරුද්ද පිළිබඳව සුදුසුකම් ගෘහ සේවය සඳහා නොසලකා හැර තිබිමත්, වැඩි වැටුපක් ලබා ගැනීමට හැකිවීමත් මෙයට ප්‍රධාන වශයෙන් බලපා තිබෙනවා.
අනෙක් පැත්තකින් කරුණු සෙවීමේදී විදේශගත ශ්‍රී ලාංකික කාන්තාවට එම රටවලදී ලංකාවේ රැකියාවක නිරතවන විට තිබෙන ආරක්ෂාව ලැබෙන්නේ නැහැ. තමුන්ට සුපුරුදු පරිසරය, කෑම බිම, සංස්කෘතිය පැවැත්ම ආදී සියල්ලටම වඩා වෙනස් පරිසර තත්ත්වයක රැකියාවක නිතරවන කාන්තාව ඉතා අසරණයි.
ඒ වගේම යම් පවුලක මව, බිරිඳ, සහෝදරිය විදේශගතවීම නිසා පවුලකට විශාල හානියක් සිදුවෙනවා. විදේශගතවීම මගින් හරි හම්බ කරන මුදලට වඩා විශාල හානියක් පවුලට සිදුවිය හැකියි.
විශේෂයෙන් වියළි කලාපයට අයත් හොරොව්පතාන, අනුරාධපුරය වැනි ප්‍රදේශවල කාන්තාවන් ආර්ථික අපහසුතාවයන්ට පත්වන අවස්ථාව වැඩියි. කෘෂිකර්මාන්තය ප්‍රධාන ආදායම් මාර්ගය බවට පත්කර ගත් එම ප්‍රදේශවල නියඟය හෝ ගං වතුර වැනි තත්ත්වය ඇති වුවහොත් සියලු වගා හානියට පත් වෙනවා. සමහර අවස්ථාවන්වලදී ඔවුන්ගේ ගේදොර උකස් තබා බිජ වී ‍පොහොර ආදිය මිලදීගෙන වගා කටයුතු කරගෙන ආවත් හදිසි තත්ත්වයක් මත වගාව විනාශ වූවොත් ඔවුන් ඉතාම අසරණ වෙනවා. මෙවැනි අවස්ථාවලට මුහුණ දෙන නිසාම වියළි කලාපයේ බොහෝ කාන්තාවන් විදේශ ගත රැකියාවන්වල නිරත වීමට උත්සාහ දරන බව පෙනෙනවා.
විදේශගත කාන්තාව විසින් පවු‍ලේ දියණුවට කියා එවන මුදල් නිකරුනේ නාස්ති වන අවස්ථා අපි දකිනවා. ස්වාමියා තැබෑරුම්වලට ලෝබ නැතිව වියදම් කරනවා. එවැනි විදේශගත කාන්තාව මුහුණ දෙන, ඒ කාන්තාවගේ පවුලට විය හැකි ගැටලු, දුවා දරුවන් මුහුණ පාන අනපේක්ෂිත සිදුවීම් සම්බන්ධයෙන් කතා කරන නවකතා, කෙටිකතා, රූපවාහිනී නාට්‍ය, සිනමා බිහි කළ හැකියි.
හරසුන් ටෙලි නාට්‍ය මේ දිනවල ඕනෑ තරම් රූපවාහිනී මාධ්‍යයෙන් දැක ගැනීමට හැකියාව තිබෙනවා. ඒ හරසුන් නාට්‍ය වෙනුවට මෙවැනි සමාජයට බලපෑම් කරන මිනිසුන්ට දැඩිව බලපාන මාතෘකා තේමා කරගනිමින් නිර්මාණ බිහි කළ හැකියි.
විශේෂයෙන් වියළි කලාපයේ පවුල් මුහුණ පාන ප්‍රබල ප්‍රශ්න දෙකක් තිබෙනවා. ඉන් එකක් වන අලි ප්‍රහාරයන්ට නිරන්තරයෙන් මුහුණ දීමට සිදුවීම, අනෙක පවු‍ලේ ප්‍රධාන කාර්යභාරයක් ඉටුකරන මව විදේශගතවීම.
මෑතකදී රූපවාහිනී නාට්‍යයක කාන්තාව විදේශගතවීම නිසා පවුල විනාශ වන ආකාරය තවත් පැති කිහිපයක් ඔස්සේ කතා කරමින් විකාශනය කෙරුනා. නමුත් ඊට වඩා ප්‍රබල විදියට මෙම මාතෘකාව පිළිබඳව කතා කළ යුතුයි.
විදේශගත වන කාන්තාව වෙනුවෙන් කාන්තාවගේ පවු‍ලේ ආරක්ෂාව හා කාන්තාවගේ ආරක්ෂාව සම්බන්ධයෙන් දැඩි නීති රීති යෙදීම වගේම කලාකරුවන්ගේ දායකත්වයෙන් ඒ ප්‍රශ්න නිවස ඇතු‍ලේදීම ඔවුන්ට දැනෙන්නට සැලැස්විය හැකියි.
මැද පෙරදිග ගෘහ සේවයට ගිය රිසානා අද හොඳ මාතෘකාවක්, අඩු වයසේ සිටියදීත් වැඩි වයස් යොදා සියලු සහතික හොරාට නිර්මාණය කරන විදේශ රැකියා නියෝජිත ආයතන, මුහුණ පාන ගැටලුව සිනමාව ඔස්සේ කතා කළ හැකියි.
රිසානා අඩු වයස් දැරියක් වශයෙන් විදේශගත වීමත්, ඇයට මරණ දඬුවම වැනි අමානුෂික තත්ත්වයක් හිමිවීමත් නිසා ජනතාවගේ සිත් දැඩි ලෙස කම්පා කළා. නමුත් මැදපෙරදිග ගෘහ සේවය සඳහා විදේශගත වන බොහෝ කාන්තාවන්ගේ ඉරණම කණගාටුදායකයි.
අපේ කාන්තාවන් සෑහෙන වද හිංසාවලට මුහුණ දෙනවා. ඇණ ගසනවා. ගුටි කනවා. බොරු චෝදනා මත ‍පොලීසි ගෙන යනවා. සමහර කාන්තාවන්ට කන්න බොන්න දෙන්නෙත් නෑ. කිසිදු අනුකම්පාවකින් තොරව උදේ පාන්දර සිට මහ රාත්‍රිය වන තුරු පැය 18ක් පමණ සේවය කරන්න සිදු වෙනවා. රිසානාගේ සිදුවීම තරම් මෙම සිදුවීම් වාර්තා වන්නේ නැහැ. මේ සිදුවීම් වාර්තාවීම සිදුවුනා නම් සමහර විට කාන්තාව විදේශගත වීමට පෙර දෙවරක් සිතීමට පෙළඹිය හැකියි.
අත දරුවන් සිටින කාන්තාවන් මෙන්ම වැඩිවියට පත් දැරියන් සිටින කාන්තාවන් විදේශගත වීමට පෙර දෙවරක් සිතිය යුතුයි. ආර්ථිකමය වාසිය තකා විදේශගත වුවත් නැවත ලංකාවට පැමිණෙන විට තමන්ගේ දරුවන් වැරදි කටයුතු සඳහා යොමු වී තිබුණොත්, හිරගෙවල්වල දඬුවම් විදිනවා නම් හෝ තමන්ගේ දියණිය පියා අතින්, ඥාතියෙකු අතින් හෝ අසල්වැසියෙකු අතින් අතවරයට පත්ව තිබුණොත් මවකට දරාගත නොහැක. මිල මුදල් කොපමණ හරි හම්බ කරගෙන පැමිණියත් ඒවායින් කිසිදු ඵලක් නැති වෙනවා.
මෙවැනි තත්ත්වයන් අවධානයට ගනිමින් මැද පෙරදිග හෝ වෙනත් රටක ගෘහ සේවය සඳහා පිටත්වන කාන්තාවන්ගේ ජීවිත ආරක්ෂාවට අදාළව නීතිමය ප්‍රතිපාදන, රක්ෂණ ආවරණ, වගකිව යුතු නිලධාරීන් හා ආයතන විසින් සකස් කිරීමට පියවර ගත යුතුයි.
ඒ වගේම අඩු වයස් දැරියන් හා විවාහ ජීවිතයට ඇතුළත් නොවූ කාන්තාවන් විදේශගත වීමේදීත් දැඩි නීතිරීති අවශ්‍යයි. විශේෂයෙන් තමන්ගේ ආදායම ගැන පමණක් සිතා කාන්තාවන් විදේශගත වීමට ‍පොළඹවන, අනුබල දෙන විදේශ රැකියා නියෝජිත ආයතන, තැරැව්කරුවන් සම්බන්ධයෙන්ද දැඩි නීති රීති යෙදිය යුතුයි.
එවැනි තත්ත්වයන් සමාජයේ සුබ සිද්ධියට සහ යහපැවැත්මට අවශ්‍යයි. පෙරදිග රටක් වශයෙන් කාන්තාව පවුලෙන් වෙන්වීම සුදුසු බව කෙසේවත් කිව නොහැකියි.
ඒ වගේම ශ්‍රී ලංකාවේ දුප්පත් පවුල් නගා සිටුවීම සඳහා සුදුසු වැඩපිළිවෙලක් සකස් විය යුතුයි. ගෘහ ආශ්‍රිත ස්වයං රැකියා ව්‍යාපාර ඇති කිරීමට අවශ්‍ය දැනුම, උපකරණ හා ප්‍රාග්ධනය ලබා දී නිරන්තර අධීක්ෂණය යටතේ ඔවුන් නගා සිටුවිය යුතුයි.
කාන්තාව මුහුණ දෙන ආර්ථික ගැටලු නිරාකරණය නොකර විදේශගත වීම වැළැක්විය නොහැකියි. ආර්ථික ගැටලු නිරාකරණය වුවහොත් කාන්තාව විදේශගත වීමත් වැළැක්වෙනවා. දුවා දරුවන්ට හොඳ අධ්‍යාපනයක්, ඔවුන්ට හොඳ ආරක්ෂාවක් තිබිම නිසා පවුල් සංස්ථාව ශක්තිමත් වෙනවා. ඒ වගේම අනෙක් පසින් සමාජය පරිහානියට පත්වීම වෙනුවට ජීවත්වීමට සුදුසු පරිසරයක් ගොඩනැගීමත් සිදු වෙනවා.

සෑම කාන්තාවන් හතර දෙනෙකුගෙන්ම අයෙක් වධ හිංසාවට ලක්වෙනවා

නිදහස උදෙසා කාන්තා ව්‍යාපාරයේ සභාපතිදිමුතු ආටිගල

කාන්තාවන් මැද පෙරදිග යාම ප්‍රධාන තැනකට ඇවිත්. නමුත් ඔවුන් විදේශ ගතවන්නේ ඇයි යන්න සිතිය යුතුයි. ඈත ගම්වල ජීවත්වන කාන්තාවන්ට තමන්ගේ නිශ්චිත රැකියාවකට යොමුවිය හැකි මාර්ගයක් නැහැ. අධ්‍යාපනයකුත් නැහැ.
අපේ රටේ ප්‍රධාන ආදායම් මාර්ගය වී තිබෙන්නේ විදේශගත ශ්‍රමිකයන් මාර්ගයෙන් උපයන විදේශ විනිමය. ඔවුන් මැදපෙරදිග රටවල විනෝදයෙන් සහ පහසුවෙන් කරන රැකියාවක් මගින් නොවෙයි මේ ආකාරයට විදේශ විනිමය සොයන්නේ. විදේශගත ශ්‍රමික ප්‍රජාවෙන් 2/3ක් කාන්තාවන්. මෑතකදී කළ සමීක්ෂණයකට අනුව තහවුරු වී තිබෙනවා විදේශගත සෑම කාන්තාවන් හතර දෙනකුගෙන්ම එක් අයෙක් ශාරීරික වද හිංසනයට ලක්වෙනව බව.
ඒ වගේම විදේශගත කාන්තාවන්ගෙන් සියයට තිහක ප්‍රමාණයක් සඳහා වැටුප් ලැබෙන්නේ නැහැ. 2005 වසරේ සිට 2013 වනතුරු සිර ගෙදරට වී සිටි රිසානාට ඒ කාලය තුළ ඩිනාර් 1ක් ලැබුණේ නැහැ. අපි නොදන්න අපට වාර්තා නොවන තවත් ඕනෑතරම් සිදුවීම් අප අතර තිබෙනවා.
ඒ දේවල් ගැන කතා කරන්න කිසිසේත් ඉදිරිපත් වෙන්නෙ නැහැ. මෙය සුළුකොට තැකිය නොහැකි බරපතළ තත්ත්වයක්. නිෂ්පාදන ආර්ථිකය වැඩි කරනවා යන්නෙන් අදහස් වන්නේ භාණ්ඩ නිෂ්පාදනය වැඩිකිරීමයි. අද වනවිට ඇඟලුම්
නිෂ්පාදන කෝටාවක් අපට අහිමි වෙමින් තිබෙනවා.
එවැනි වටපිටාවක ආදේශකය වශයෙන් කාන්තාව යොදාගෙන විදේශ විනිමය සෙවීමට උත්සහා කිරීම අනුමත කළ නොහැකියි.
අපේ ජනාධිපතිවරයා අයවැය කතාවේදී කියනවා ඩොලර් බිලියන 6ක් වන විදේශ විනිමය ප්‍රමාණයක් විදේශගත ශ්‍රමිකයන් විසින් උපයන බව සහ 2014 වර්ෂය වනවිට එය ඩොලර් මිලියන 10ක් බවට පත්කරගැනීම ඉලක්කය බවත්.
ආණ්ඩුව එය කරන්න හිතාගෙන සිටින්නේ තවතවත් අපේ රටේ සිටින කාන්තාවන් පිටරට වහල් සේවය සඳහා යෙදවීම මගින් ආණ්ඩුවේ සංදර්ශනවලටත්, පාරවල් නිර්මාණයට පිහිණුම් තටාක ඉදිකිරීමටත් මුදල් සොයන්නේ අපේ කාන්තාවෝ විසින්. ආණ්ඩුව මෙහි තිබෙන ඛිෙදජනක තත්ත්වය ගැන හොඳින්ම දැන සිටියත් පියවර ගැනීමට පසුබට වන්නේ ඒ නිසයි.අපේ රටටත් වඩා දුප්පත් ඉතියෝපියාව, බංගලාදේශය, සුඩානය වැනි රටවල් පවා සෞදියට කාන්තාවන් රැකියා සඳහා යැවීම සිදු කරන්නේ නැහැ. ඒ වගේම පිලිපීනය, ඉන්දියාව, ඉන්දුනීසියාව වැනි රටවල කාන්තාවන්ද ගෘහ සේවය සඳහා සෞදියට යැවීමක් කරන්නේ නැහැ.
පිලිපීන ජාතික කාන්තාවකට මැදපෙරදිග රටක ගෘහ සේවයේ යෙදී සිටියදී එහි ගෙහිමි ස්වාමියා විසින් අතවර කිරීමට උත්සාහ කිරීමේදී ඊට විරුද්ධ වන කාන්තාව විසින් පිහියකින් ඇන එම ස්වාමියාව මරණයට පත්කරනවා. එම සිදුවීමේදී පිලිපීනය වහා මැදිහත් වී සටන් කර තම රටෙන් ගිය ගෘහ සේවිකාව ඉක්මනින්ම ගෙන්වා ගත්තා. ඒ වගේම ඔවුන් ඇයට විශාල වන්දියකුත් ලබාගත්තා.
නැවතත් ඉන්දුනීසියානු කාන්තාවකගේ හිස ගසා දැමීමක් සෞදියේදී සිදුවුණා. ඒ අවස්ථාවේ ඉන්දුනීසියාවේ රටේ පාලකයා වහාම ඉදිරියට ඇවිත් ඉන්දුනීසියානු කාන්තාවන් නැවත ගෘහ සේවය සඳහා සෞදියට යැවීම නොකරන බව කියනවා. ඒ වගේම අදත් ඉන්දුනීසියානු කාන්තාවන් ගෘහ සේවය සඳහා සෞදියට යන්නේ නැහැ.
නමුත් අපේ රටේ රිසානා වෙනුවෙන් බලධාරීන් මැදිහත් වුණේ නැහැ. හොර ඒජන්සිකරුවන්ට රිසානා රට යවන්න හොර ලියවිලි හදන්න හැකි වාතාවරණය රටේ බිහිවීමට මේ වගකිව යුත්තන් වගකිව යුතුයි.
රිසානා මරා දමා තිබියදීත් අපේ රටේ වගකිව යුතු අමාත්‍යවරයෙක් පාර්ලිමේන්තුවේ කියනවා අපි රිසානා මුදාගන්නවා කියලා. තර්කානුකූල බුද්ධියක් තිබෙන ඕනෑම කෙනෙකුට අවබෝධ වෙනවා මෙතැන ක්‍රීඩාවක් සිදුවෙන බව. රිසානාට තමන්ගේ ප්‍රකාශය තමන්ගේ භාෂාවෙන් කරන්නවත් මැරෙන තුරු තමන් මැරෙන බවවත් දැනගැනීමට නොහැකි වුණා.
රිසානා කියන්නේ මේ ඛිෙදවාචකයේ එක පැතිකඩක් පමණයි. තවදුරටත් කාන්තා ශ්‍රමය මගින් මුදල් සෙවීමට සිතන ආණ්ඩුවක් පවතින තුරු රිසානාලා මියයාම, ආරියවතීලාට ඇණ ගැසීම, සුරේඛලාගේ මිනිය මෙරටට ඒම සිදුවීම වළක්වන්න බැහැ. 2012 වර්ෂයේදී මැදපෙරදිග ගෘහ සේවයේ යෙදී සිටි කාන්තා මළ සිරුරු 436ක් මෙරටට ආවා. විදේශගත වන කාන්තාවගේ වයස අවුරුදු 25ට වැඩිවිය යුතුයි කී පමණින් ආණ්ඩුවට ඇඟ බේරාගැනීමට බැහැ. අවුරුදු 25ට වැඩි කාන්තාව සෞදි ගියත් කාන්තාවන් ලක්වන පීඩාවන්වල වෙනසක් සිදුවෙන්නේ නැහැ.
1988 ලෝක ළමා අයිතිවාසිකම් ප්‍රඥප්තියට අනුව ළමයින් සඳහා මරණ දඬුවම ක්‍රියාත්මක නොකිරීමට සෞදි රජය එකඟවී තිබියදීත් රිසානා ළමා වියේදී මරණ දඬුවමට ලක්වෙනවා. අපේ බලධාරීන්ට බැරි වුණා රිසානාගේ පාස‍ලේ තිබුණු උප්පැන්න සහතිකය රැගෙන ඒ රටට ගිහින් රිසානාගේ වයස ඔප්පු කරගන්න.
කාන්තාවන් විදේශගත වන්නේ ඇයි කියන ප්‍රශ්නය අපි ආණ්ඩුවෙන් අසනවා. ඒ වගේම කාන්තාවන් විදේශගත වන්නේ ඇයි කියන හේතුව සොයා බලා විසඳුම් ලබාදිය යුතුව තිබෙන බවත් අප පෙන්වා දෙනවා. තවදුරටත් කාන්තා ශ්‍රමයෙන් ජීවත් නොවී මිනිසුන්ගේ ජීවිත සාර්ථක කරන වැඩපිළිවෙළක් අවශ්‍යයි.
අපේ රටේ යහපාලනයේ සැබෑ ස්වරූපය මෙයින් හෙළිදරවු වෙනවා. විදේශ ශ්‍රමිකයන්ගේ අවධානය හා රැකවරණය කෙරෙහි ඔවුන්ගේ ජීවිත කෙරෙහි තිබෙන අවතක්සේරුව මින් පිළිබිඹු වෙනවා.

මැදපෙරදිගින් සෙවූ මුදලින් සතුටින් ජීවත්වන පවුල් තිබෙනවා

පේරාදෙණිය විශ්වවිද්‍යාලයේ සමාජ විද්‍යා අධ්‍යයන අංශයේ මහාචාර්ය දයා අමරසේකර

කාන්තාවන් මැදපෙරදිග සේවයට යාම නිසා ඔවුන්ගේ පවුල්වල පවතින ආර්ථික දුෂ්කරතා මගහැරී සතුටින් ජීවත්වන අවස්ථා තිබෙනවා. එවැනි පවුල් පිළිබඳව වාර්තා වන්නේ නැහැ. නමුත් මැදපෙරදිග රටවලට සේවයට ගොස් නොයෙක් වදහිංසාවලට ලක්වන කතුන් සම්බන්ධයෙන් විශාල වශයෙන් වාර්තාවීමට පටන්ගෙන තිබෙනවා.
තමන්ගේ පෞද්ගලික ආර්ථික
දුෂ්කරතා හේතුවෙන් මැදපෙරදිග ගෘහ සේවය සඳහා කාන්තාවන් යොමු වුවත් එමගින් විශාල සමාජයීය ප්‍රශ්න සංඛ්‍යාවක් උද්ගතවීමට පටන්ගෙන තිබෙනවා. නුපුහුණු, භාෂා දැනුමකින් තොර ශ්‍රමිකයෙකුට සිය ආර්ථික දුෂ්කරතාවලට පිළියමක් වශයෙන් තෝරාගත හැකි එකම විකල්පය බවට පත්ව තිබෙන්නේ මැදපෙරදිග ගෘහ සේවයට යොමුවීමයි.
තමන්ගේ දරුවෝ බඩගින්නේ සිටින විට, පාසල් උපකරණ නැතිව පාසල් යැවීමට නොහැකිවූ විට, ලස්සනට අඳින්න ඇඳුමක් නැති වුණාම, හිසට වහලක් තනාගන්න තියන ඕනෑකම වැනි තත්ත්වයන් නිසා කාන්තාවන් ගෘහ සේවය සඳහා යොමුවෙනවා.
මැදපෙරදිග රටවල ගෘහ සේවිකාවන් වශයෙන් සේවය කිරීමට කැමැති කාන්තාවන් වෙනුවෙන් හොඳ ඉල්ලුමක් පවතිනවා. කාන්තාවන් මැදපෙරදිග සේවය සඳහා යොමුවීම එකවරම නුසුදුසුයි කියන තීරණයට එළැඹීම සුදුසු නැහැ.
තමන්ගේ එදිනෙදා අවශ්‍යතාවන් ඉටුකරගැනීමටවත් නොහැකි තත්ත්වයක් උදාවූ විට එම කාන්තාවන් වෙනුවෙන් ඔවුන් නගාසිටුවීමේ විකල්ප ක්‍රමවේදයක් සකස්කර නැතිනම් හැකි එකම ක්‍රමයට ඔවුන් යොමුවීම සාමාන්‍යයි. ආර්ථික තත්ත්වය පිරිහීම නිසා ජීවිත අවදානම ගැන පවා නොසිතා කටයුතු කිරීමට
පෙළඹෙනවා.මැදපෙරදිග ගෘහ සේවය සඳහා කාන්තාවන් යොමු කිරීමට පෙර විදේශ සේවා නියුක්ති කාර්යංශය මගින් සිදුකෙරෙන වැඩපිළිවෙළ ප්‍රමාණවත් නැහැ. තමන් ගෘහ සේවයට පිටත් වන රටේ පවතින නීතිය, ඔවුන් සේවය කරනතුරු වගකීමට බැඳෙන ගිවිසුම ගැන මෙන්ම සේවය කරන අතරතුර සිදුවන අනතුරකදී හෝ හදිසි තත්ත්වයක් මත ගතයුතු ක්‍රියාමාර්ග පිළිබඳවත් දැනුවත් කළ යුතුයි.විශේෂයෙන් කාන්තාව මැදපෙරදිග සේවය කර උපයා ගන්නා මුදල්, ආර්ථික සවිමත් භාවය ගැන වගේම ඔවුන් මැද පෙරදිග ගෘහ සේවයට යාම නිසා ඔවුන්ගේ පවුල්වල ඇති විය හැකි තත්ත්වයන් පිළිබඳව දැනුවත් කළ යුතුයි.
සාමාන්‍යයෙන් වැඩිවිය පත් දියණියක් පියා සමග තනිකර යාම නිසා ඇතිවිය හැකි තත්ත්වය, ස්වාමියා වෙනත් කාන්තාවන් ඇසුරට යොමුවීම, දරුවන්ගේ අධ්‍යාපනය කඩාකප්පල් වීම, දරුවන් නොයෙකුත් නීතිවිරෝධී ක්‍රීඩාවලට යොමුවීම, දරුවන්ගේ භාරකරුවන් විසින් දරුවන්ට තාඩනපීඩන සිදුකිරීම ආදිය සිදුවිය හැකි බවට ඇයට ඒත්තු ගැන්විය යුතුයි. එවැනි සිදුවීම් ඕනෑතරම් වාර්තා වන නිසා පුවත්පත් සිරස්තල යොදා ගනිමින් ඔවුන්ගේ සිත්තුළ තම පවුල පත්විය හැකි අවදානම පිළිබඳ දැනුවත් කළ යුතුයි.
එවැනි දැනුවත් භාවයක් ලැබිම නිසා සමහර විට කාන්තාවන් විදේශගත වීම වෙනුවට වෙනත් විකල්ප ආර්ථික වැඩපිළිවෙළකට යොමුවිය හැකියි. නොඑසේ නම් තමුන් තම රටෙන් බැහැරව සිටින තුරු පවු‍ලේ ආරක්ෂාව දරුවන්ගේ ආරක්ෂාව සහ එකිනෙකා අතර බැඳීම් දුරස්ථ නොවන ආකාරයෙන් කටයුතු කිරීමට පෙළෙඹෙයි.
මැදපෙරදිග ගෘහ සේවයට යන කාන්තාවන්ට වසරකට වරක් හෝ නැවත තම මව්රටට පැමිණ යාමට හැකිවන ලෙස කටයුතු යෙදිය හැකි නම් එය වඩාත් සුදුසුයි. එවැනි ක්‍රමවේදයක් යෙදීමෙන් පවුල් අතර සබැඳියාව බිඳී යනවා වෙනුවට සබැඳියාව වැඩි විය හැකියි. ස්වාමියාත් දරුවාත් සිය භාර්යාව, මව ඉතා ඉක්මනින් තමන් වෙත එන බව දැන සිටින නිසා සමාජයේ අද පවතින තත්ත්වයට වඩා වෙනස් තත්ත්වයක් දැකගැනීමට හැකියාව උදාවිය හැකියි. කාන්තාවන් මැදපෙරදිග ගෘහ සේවයට යොමුවුණු බොහෝ පවුල් අද වනවිට බිඳුණු පවුල් බවට පත්ව තිබෙනවා.මෙහිදී සමාජ සේවා අමාත්‍යංශය සමග සම්බන්ධ කර මව, බිරිඳ මැදපෙරදිග ගෘහ සේවයට පිටත් වුණු පවුල්වල තත්ත්වය නිරන්තරයෙන් සොයා බැලෙන ක්‍රමවේදයක් සකස් කෙරෙනවා නම් එයද වැදගත් විය හැකියි. තමන්ගේ රටේ ජීවත්වීම සඳහා සුදුසු ආර්ථික තත්ත්වයක් ගොඩනංවාගැනීමට නොහැකි නම් ඔවුන්ට වෙන ගත හැකි පියවරක් නැහැ.
නගරබද ප්‍රදේශයෙන් තරමක් ඈතට යනවිට හමුවන නිවෙස්වල සිටින සමහර කාන්තාවන් පවසන්නේ හිසට වහලක් ඇතිව ඉන්නේ මැදපෙරදිග ගෘහ සේවයට ගිහින් සොයා ගත්ත මුදල් නිසා බවයි.රිසානා නෆීක් තරුණිය දරුණු ඛිෙදවාචකයකට මුහුණපෑවේ අරාබි නීතියේ තිබෙන දැඩි දරදඬු ස්වභාවය නිසයි. තමන් සේවය කරන රටේ නීතිය ගැන විශේෂයෙන්ම දැනුවත් භාවය තිබිය යුතුයි. අපේ සමහර කාන්තාවන් ගෘහ සේවය සඳහා වෙනත් රටකට පිටත්ව ගිය අවස්ථාවල ඒ රටවල අනාචාරයේ යෙදෙනවා. ඔවුන්ගේ පවුල් අමතක කර දමා තමන් ජීවත්වූ සංස්කෘතිමය වටපිටාව සම්පූර්ණයෙන්ම අමතක කර දමනවා. තවත් සමහරෙක් මැදපෙරදිග රටවල වසර ගණනක් ගෘහ සේවයේ යෙදී නැවත ලංකාවට පැමිණීමෙන් පසු අවුරුදු ගාණක් තමුන් ජීවත් වූ වටපිටාව අමතක කර වසර කිහිපයක් සේවය සඳහා ගොස් සිටි රටේ ජීවන රටාව අනුව ජීවත්වීමට උත්සාහ කරනවා. වෙනස්ම සංස්කෘතියක් අපේ සංස්කෘතිය තුළ අනුකරණය කිරීමේ උත්සාහයක යෙදෙනවා.මෙවැනි තත්ත්වයන් නිසාත් සමහර කාන්තාවන්ගේ පවුල් ජීවිත විනාශ වෙනවා. වැටුප ගැන පමණක් දැනුවත් නොකර මැදපෙරදිග රටකට යාමට පෙර ඒ නිසා ඇතිවිය හැකි තත්ත්වයන් දැනුවත් කළ යුතුයි.විශේෂයෙන් මැදපෙරදිග ගෘහ සේවයට යවන කාන්තාවන් වෙනුවෙන් සමාජ ආරක්ෂණ
වැඩපිළිවෙළක් ක්‍රියාත්මක වීම අත්‍යවශ්‍යයි.




http://lakbima.lk/index.php?option=com_content&view=article&id=6729:2013-01-30-05-33-46&catid=48:2012-04-02-08-50-52&Itemid=75

Read more »

Posted in: ඕපාදූප කතාකිරීම,ජනවහර,ප්‍රවේසම්වන්න.

Gossip9.com - බුද්ධ බාර් වැටලීම ප්‍රවෘතිය සම්බන්ද විමසුමක්

Gossip9.com - බුද්ධ බාර් වැටලීම ප්‍රවෘතිය සම්බන්ද විමසුමක්

සහෝදර බෞද්ධ ජනතාවනි,

බුද්ධ බාර් කියන මතය නැත්නම් සංකල්පය වැරදි අසොබන් දෙයක්. හේතුව බුදුරජානන් වහන්සේ සුරාව සුදුව හා කාමයේ වරදවා හැසිරීම මහා පාපයක් ලෙස නිර්වචනය කරතිබෙන අතර බෞද්ධයින් එයින් වැලකී සිටීමට සැමදාම උදේ පහන් පත්තුකර පන්සිල් පදවලින් එසේ නොකරන බව බුදුන් ඉදිරියේ සහතිකවේ. එසේ තිබියදීත් සමහර නින්දිතයින් මුදල් පමණක් ජීවිතය කර ගත් අමන පුද්ගලයින් මේ උත්තම ගෞතම බුදු රජාණන් වහන්සේට අගෞරව වන පරිදී මෙවැනි දේවල් සංවිධානය කිරීම් නැවැත්වීමට බොදුබල සේනාව කල ක්‍රියාව පැසසුමට ලක් කල යුතුමය.

ඒ වගේම මෙම හෝටලය අයත් වන්නේ යුරෝපා ආයතනයකටවන අතර  ලංකාවේ මේ සඳහා හවුල් වී කටයුතු කරන්නේ ජෝන්ස් කීල්ස් ආයතනයයි. ඔවුන් දැනටමත් එහි වගකීම මෙම හොටලේයේ කළමනා කරුවන්ගේ කර මත දමා ඇතිබව පැහැදිලිය. එයින් ලැබෙන ලාභය පමණක් භුකිතිවිදීමට දන්නා මොවුන්ට මේ පිළබඳව කිසිවක් නොදන්නා බව පැවසීම විශ්වාස කල හැකිද යන්න ඔබම සිතා බැලිය යුතුය.
ඊළඟ වඩාත් වැදගත් දේ මෙම හෝටලයේ කාර්ය මණ්ඩලයෙන් 80% සිංහල බෞද්ධයන්ය. මොවුන් සියලු දෙනා එක්ව මෙයට විරුද්ධ විය යුතු නොවේද? එසේ ඔවුන් විරුද්ධවූ බවක් දක්නටනට නැත.

එකම එක මුස්ලිම් නමක් ඇති පුද්ගලයෙක් කළමනා කරුවකු වූ පලියට මුස්ලිම් සමුහය වෙත ඇඟිලි දික්කිරීම සාධාරණද යන්නත් ඔබට තීරනය කරන්න ඉඩ හරින අතර මෙම ප්‍රදේශයේ මුස්ලිම්වරු වැඩිවශයෙන් ජීවත්වීම මුස්ලිම්වරුගේ වැරැද්දක්ද යන්නත් ඔබම තීරණය කරගන්න.


ඉස්ලාම් ධර්මය අනුව වුවද  සුරාව සුදුව හා කාමයේ වරදවා හැසිරීම මහා පාපයක්වන අතරම ඒ සඳහා උපරිම දඬුවම් ද නියම කර ඇත.

"(නබි මුහම්මද්) සුරාපානය හා දු කෙළිය පිලිබඳව ඔවුහු නුඹගෙන් විමසති. ඒ දෙකෙහිම අතිමහත් අනර්ථයන් ඇත. මිනිසුන්ට එහි යම් ප්‍රයෝජනද ඇත. එහෙත් එම දෙකෙහිම ඇති අනර්ථය දෙකෙන්ම සිදුවන ප්‍රයෝජනයට වඩා ඇති විශාලයැයි පවසනු." (අල්කුරානය 2:219)

"සුරාව, සුදුව මගින් නුඹලා අතර වෛරය හා ද්වේශය වැපිරීමටත් අල්ලාහ් සිහි කිරීම හා නැමදුම ඉටු කිරීමෙන් නුඹලා වළක්වාලීමටත්ය, නියතවශයෙන්ම ශෛතාන් ප්‍රිය කරන්නේ" (අල්කුරානය 5:91)


නමුත් ලංකාවේ පවතින වාතාවරණය හා අක්‍රමිකතාවන් හේතුකොටගෙන මෙම අපරාධ වර්ධනය ඉතා සීග්‍රයෙන් ව්‍යාප්තවෙමින් පවතී. මෙයට සමස්තයක් වශයෙන් ලංකා වාසී සියලුම අය වගකිවයුතුය. (හේතුව පාර්ලිමේන්තුවට නියෝජේතයන් යවන්නේ අප වන බැවිනී.)


බුද්ධ බාර් හි එකම එක නාමික මුස්ලිම් වරයකු (මුස්ලිම්වරුන් වන අපට සුරාව සම්පුර්ණයෙන් තහනම් වන අතර ඒ සඳහා උදව් කිරීම, ගණන් බැලීම ප්‍රවාහනය කිරීම යනාදී සියල්ලක්ම හරාම් හෙවත් තහනම්වේ) සිටීම මුල්කරගෙන ඉතා අසෝබන ලෙස අසික්කිත ලෙස ආගමික නායකයාට හා ආගමට අවලාද කිරීම බුද්ධියට මුල්තැන දිය යුතු මධ්‍යස්ථභාවය උගන්වාදුන් බුදුන්ගේ මාර්ගය තමන්ගේ මාර්ගය කරගත් අයට ඔබින දෙයක්ද යන්නත් ඔබම තීරණය කල යුතුය.



ලෝකයේ බුද්ධා බාර් තිබෙන සමහර ස්ථානයන්

Parague : http://www.buddhabarhotelprague.com/en/
Landon : http://www.buddhabarlondon.com/
France : http://www.last.fm/music/Buddha+Bar



සමහර මුස්ලිම් අය ඉස්ලාමයට කළු පැල්ලම් ඇතිරන අකාරයෙන් ක්‍රියාකිරීම නිසා සියලුම මුස්ලිම්වරුන්ට හා ඔවුන්ගේ විශ්වාසයට ගැරහීම බුද්ධිගොචරද යන්නත් ඔබම තීරණය කර ගත යුතුව ඇත.


යම් කෙනෙකු කියූ පලියට පත්තරයක දැකපු පලියට හදිසිතිරණ ගැනීමට වඩා ඒ පිළිබඳව වැඩි දුර අධ්‍යයනය කර කරුණු අවබෝධ කර ගැනීම ඉතා වටිනා අතර නිවැරදි තීරණ ගැනීමටද එය රුකුලක්වේ.තවද සමහර කොපි පේස්ට් වීරයන්ගේ ක්රියාදමයන්ද මෙහි විශාල වශයෙන් දැක ගත හැකිය.


(වැඩි විස්තර සඳහා අපගේ කොපි පේස්ට් ලිපිය කියවා බලන්න http://islaamaya.blogspot.com/2012/11/cut-paste-copy-paste.html)

ඔබ සැමට දෙවියන්ගේ ආශීර්වාදය කරුණාව හා දයාව ලැබේවායි ප්‍රර්ථනා කරමු.

මෙයට

islamaamaya.blog. spot

සටහන : කවුරු හෝ කෙනෙකු අපගේ බ්ලොග් අඩවියේ තිබු ලිපියක කොටසක් කොපිකර gossip 9 මෙහි පේස්ට් කල බැවින් අපගේ බ්ලොගයට පැමිණි සමහරු ඉතාමත් නින්දිත ලෙස අසැබි වචන පාවිචි කර අපට බැනවදින්නට පටන්ගෙන ඇත. මොවුන්ට ආගමක් ධර්මයක් නැති බව හා මොවුන් මන්ද බුද්ධිකයන් බව අපි දනිමු.

Read more »

Posted in: ඕපාදූප කතාකිරීම,ජනවහර,බුද්ධ බාර්,බොරු නොකියනු

කට් පේස්ට් සහ කොපි පේස්ට් (Cut Paste & Copy Paste)

කට් පේස්ට් සහ කොපි පේස්ට් 

  (Cut Paste & Copy Paste)

" නුඹලා ඔවුන් (මුෂ්රීක් වරුන් ) දුටු තැන මරා දමනු "

"මුසල්මානුවන්ගේ ශුද්ධවූ කුරානය මුස්ලිම් නොවන්නන් දුටුතැන මරා දමන්න නියෝග කරයි" (අල්කුරණය 9 පරිච්ඡේදය 5 වන වාක්‍යය) මෙයට -  කට් පේස්ට් සහ කොපි පේස්ට් 

මෙම ලිපිය ලියන්නට මා අදහස් කලේ වර්තමානයේ විශාල පිරිසක් කිසිම අනුදැනුමකින් තොරව මුහුණු පොතේ හෝ වෙබ් අඩවිවල පලවන ඕනෑම දෙයක් එලෙසින්ම විශ්වාස කර එය පතුරුවා හැරීමට පටන්ගෙන් ඇති නිසාය.
අද මෙය විලාසිතාවක් (Fashion) නැත්නම් ලැදිකමක් (Trend) බවට පත්වී අවසන්ය. මෙහි ඉතාම භයානක තත්වය වන්නේ සමහර ආගම්බේදවාදීන් මෙය අවස්ථාව කර ගෙන ඔවුන්ගේ සුපුරුදු සුදුව තව දුරටත් දෙගුණ තෙගුණ කර ඔවුන්ගේ පිලට මැටි ඔළුගෙඩි එකතු කරමින් සිටීමයි.
මෙවැනි කට් පේස්ට් සහ කොපි පේස්ට් (Cut Paste & Copy Paste) කාරයන්ගේ ගොදුර බවට  අද පත්ව ඇත්තේ මුස්ලිම් වරුන්ගේ මාර්ගෝපදේශකය වන ශුද්ධවූ අල්කුරානයයි. ශුද්ධවූ කුරානයේ සමහර වාක්‍යයන්වලින් කොටසක් කපා ගන්නා මොවුන් එය තමන්ගේ වෙබ් අඩවියේ හෝ මුහුණු පොතේ අලවා එයට තමන්ගේම වැරදි අදහස් එකතු කර ඉතා ශුක්ෂම ලෙස අල් කුරානය අභියෝගයට ලක් කරයි. මේවා දකින අපේ කාඩ්බෝඩ් වීරයන් ඒ ආකාරයෙන්ම එය අනුකරණය කර තමන්ගේ මුහුණු පොතේ අලවති.  මෙහි ඉතාම සෝචනීය තත්වය වන්නේ සමහර විශ්වවිද්‍යාල සිසුන් පවා මෙය තමන්ගේ විනෝදාංශයක් හැටියට කරගෙනයාමයි.

එනම් ඉහත අල්කුරණයේ 9 පරිච්ඡේදය 5 වන වාක්‍යය දෙස අවදානය යොමු කරමු. මෙය යුධමය අවස්ථාවක පහලවූ පරිච්ඡේදයේ කොටසකි. රෝමානුවන්ට විරුද්ධව මුස්ලිම් හමුදාවක් සුදානම් පිටත් වූ අවස්ථාවකි. මෙයට තබුක් යුද්ධය යනුවෙන් කියනු ලැබේ. එනම් මුස්ලිම් හමුදාව තබුක් නැමැති ස්ථානයේ රෝම හමුදාව සමඟ යුධ කිරීමට සැරසුණු අවස්ථාවයි.

මෙම පරිච්ඡේදය "අත්තව්බා" යනුවෙන් හඳුන්වනු ලැබේ. මෙහි සිංහල පරිවර්ථනය පසුතැවිල්ල, පශ්චාත්තාපය යන්නවේ. එනම් යම් පුද්ගලයකු යම් පවක් කලවිට ඒ පිළිබඳව පසුතැවිලි වී එය නැවත නොකරන ලෙසට අල්ලාහ්ට දිවුරා පශ්චාත්තාපවීම මෙයින් කියවේ.

මුස්ලිම් වරුන් අන්ත අසරණ තත්වයේ සිට ජයග්‍රාහී මාවත කරා ලඟා වූ අවදියයි මේ. මුළු අරාබිකරයම ඔවුන්ගේ අණසකට නතුවිය. යම් කෙනෙකු ජයග්‍රහණය කල අවස්ථාවක ඔහු තුල උඩඟු භාවය ඇතිවීම ස්වභාවිකය. සමහර විට ඔහු තමාව අධි තක්සේරු කරගනී. නීතියට ඉහලින් කටයුතු කිරීමට එය අවස්ථාවක් කර ගනී. එදා අරාබිකරය තම අධිපත්‍යයට යටවූ අවස්ථාවක මුස්ලිම් වරුන්ව නීති ගරුක හා නිහතමානී පුද්ගලයන් කිරීමට අල්ලාහ් මෙම පරිච්ඡේදය මගින් පුහුණුවක් ලබා දුන්නේය.

අරාබිකරයේ ඉස්ලාමීය අධිරාජ්‍යයක් ගොඩනැගුණ මෙම කාලවකවානුවේ මුස්ලිම් වරුන් සමඟ ගිවිසුම් ඇතිකළ සමහර ගෝත්‍ර ඒ ගිවිසුමට පිටුපා, මුස්ලිම් වරුන්ගේ සතුරන්ට උදව් උපකාර කරන්නට වුහ. සමහරු ඉස්ලාමය වැළඳ ගත්තා සේ පෙන්වා සතුරු හමුදාවට මුස්ලිම් වරුන්ගේ රහස් හෙළිකරන්නට වුහ.

මෙය මෙම කුතුහලයට ලක්වූ වාක්‍යයට පෙර වාක්‍යය එනම් 4 වැනි වාක්‍යයේ ඉතා පැහැදිලිව කියවේ.

"මුෂ්රීක් වරුන් (ආදේශ තබන්නන් )ගෙන් නුඹලා ගිවිසුම් ඇති කර ගත් පසුව ඔවුන් නුඹලාට (එය සුළුවෙන් වුවත්) කඩකර නොමැති හා නුඹලාට විරුද්ධව කිසිවකුටත් උපකාර කර නැති අය හැර. (ඔවුනට) නියමිත කාලය තෙක් ඔවුන්ගේ ගිවිසුම නුඹලා ඉටු කරනු. නියත වශයෙන්ම අල්ලාහ් දැහැමි ජනයා ප්‍රිය කරයි." 
(අල්කුරාණයේ 9 පරිච්ඡේදය 4 වන වාක්‍යය).

මෙහිදී අප කල්පනා කල යුතු වැදගත් දේ නම්, ගිවිසුම් කඩ කලඅය වුවත් ඔවුන්ටත් එක්තරා කාල වකවානුවක් ලබාදී ඔවුන්ව නැවත නිවැරදි මාර්ගයට යොමු කිරීමට අවස්ථාවක් සලසා දී සාධාරණය  ඉටු කිරීම මෙම වාක්‍යයේ අරමුණයි. එම නිසා මොවුන්ට මාස පහක් ලබා දෙන ලදී.

තවද මුස්ලිම්වරුන්ට දෙන උපදෙස නම්, මෙවැනි අවස්ථාවන් වලදී. ඔබ ගිවිසුම් කඩ කිරීම දැහැමි බවට පටහැනි නිසා ගිවිසුම් කඩ නොකර එවැනි ජනයා සමඟ ඔබ ඇති කරගෙන තිබෙන ගිවිසුම් පිළිපැදිය යුතුය යන්නය. අල්ලාහ් දැහැමි ජනයා පමණක් ප්‍රිය කරන නිසා සියලු අවස්ථාවන් යටතේ මුස්ලිම්වරු දැහැමිව සිට කටයුතු කල යුතුය.

 ඉහත  සඳහන් කුතුහලයට තුඩු දී ඇති අල්කුරණයේ 9 පරිච්ඡේදය 5 වන වාක්‍යය සම්පුර්ණයෙන්ම මෙසේය.

"(සටන් කිරීම) තහනම් මාස අවසන් වුවාට පසුව නුඹලා ඔවුන් (මුෂ්රීක් වරුන් ) දුටු තැන මරා දමනු. තවද ඔවුන් අත් අඩංගුවට ගනු. ඔවුන් වටලනු. තවද ඔවුන් සැඟවී සිටින සෑම තැනකින්ම ඔවුන් අසුකර ගැනීමට රැක සිටිනු. නමුත් ඔවුන් පසුතැවිලිවී සලාත් (නැමදුම) ඉටුකර සකාත් (දුගීබද්ධ) ගෙවනවා නම් ඔවුනට ඔවුන්ගේ මාර්ගයහි ඉඩ හරිනු නියත වශයෙන්ම අල්ලාහ් ක්ෂමාශීලී සහ අසමසම කරුණාන්විතය."

මෙසේ මුස්ලිම්වරුන් සමඟ ගිවිසුම් ඇති කර පිටුපා මුස්ලිම්වරුන්ට විරුද්ධව ඔවුන්ගේ සතුරන්ට උදව් කරන ආදේශ තබන්නන් පමණක් මෙම වාක්‍ය මගින් කියවෙන අතර මෙහි සඳහන් වන

"නමුත් ඔවුන් පසුතැවිලිවී සලාත් (නැමදුම) ඉටුකර සකාත් (දුගීබද්ධ) ගෙවනවා නම් ඔවුනට ඔවුන්ගේ මාර්ගයහි ඉඩ හරිනු" 

යන්නට හේතුව උදෙක් ඔවුන් පසුතැවිලි වීම පමණක් ප්‍රමාණ වත් නොවන අතර එය ඔප්පු කිරීමට ඔවුන් (නැමදුම) ඉටුකර සකාත් (දුගීබද්ධ) ගෙවිය යුතුය.

ඕනෑම යුදමය වාතාවරණයකදී තම සතුරාට විරුද්ධව හැකි සෑම දෙයක්ම කිරීම ලොව පිළිගන්නා ධර්මතාවයකි. නමුත් කාරුණික අල්ලාහ් දෙවියන් වහන්සේ හතුරාට ඔවුන්ගේ ක්‍රියාව වැරදි බව ඒත්තු කරදී ඔවුන්ට යහමඟ පැමිණීමට අවස්ථාවක් ද ලබාදේ. මෙයට පසුව එන 6 වැනි වාක්‍යය දෙස අවධානය යොමුකර බැලීමේදී තවත් වටිනා යුද්ධමය අවස්ථාවකදී ඉතා සුවිශේෂ මානුෂික ක්‍රියාමාර්ගයක් පිලිබඳ කියවෙයි.

"මුෂ්රීක් වරුන් (ආදේශ තබන්නන්)ගෙන් කෙනෙකු නුඹගෙන් ආරක්ෂාව පතනවා නම් ඔහු අල්ලාහ්ගේ වචනයට සවන්දෙන තුරු ඔහුට ආරක්ෂාව සලසා දෙනු. ඉන්පසුව ඔහුගේ ආරක්ෂක ස්ථානය වෙත ඔහුව ගෙන යනු මන්ද යත්, ඔවුන් නියත වශයෙන්ම සත්‍ය නොදන්නා ජනයින් වන නිසාය." (අල්කුරණයේ 9 පරිච්ඡේදය  6 වන වාක්‍යය).

සටනක සාමය අගයන අයෙක් සිටී නම් ඔවුන්ට සාමය ලබා දීම පමණක් නොව ඒ පිළිබඳව සහතිකයක් ලබාදී ඔවුන්ව ආරක්‍ෂිත ස්ථානයකට ගැන ගොස් ඉස්ලාමය කියාදිය යුතුය. ඉන්පසු ඔවුන් ඉස්ලාමය වැලඳ ගන්නේ නොමැති නම් ඔවුන්ව ආරක්‍ෂිතව ඔවුන්ගේ ස්ථානයකට රැගෙන යා යුතුය. ඉස්ලාමය හැර ලොව කිසිම ධර්මයක මෙවෙනි මානුෂික ක්‍රියාදාමයන් දැකිය නොහැක.

 මෙම කොපි පේස්ට් කාරයන් ගැන බැලීමේදී ඔවුන්ගෙන් බොහෝ දෙනකු මුහුණු පොත්වල තමන්ගේ රූපය වෙනුවට සිංහයකුගේ රූපයක් දමාගෙන ගොරවන මන්දබුද්ධිකයන් නැත්නම් මානසික රෝගයෙන් පෙළන අය ලෙස ඉතා පැහැදිලිය. නමුත් මේ කාඩ්බෝඩ් වීරයන් බියගුළු කමට සිංහයකුගේ රූපයක් දමාගෙන කරන්නේ බලු කෙඳිරියක් බව මෙය මධ්‍යස්තව හා බුද්ධිමය වශයෙන් බලන අයට පැහැදිලිව පෙනීයන කරුණකි.

සිංහයා ලොව ඇති කම්මැලි සතා වන අතර සිංහයා යැපෙන්නේ තනිකරම උගේ ගැහැණු සතාගෙනි. ඌ ඉතාම භයානක මුර්ගයකි. මෙම සතකුගේ රූපයෙන්  පෙනී සිටින මොවුනුත් තමන්ගේ බිරිඳ පරදේශක්කාරයන්ගේ රටවල්වලට මෙහෙකම් කිරීමට යවා සිංහ නාද දෙන අයවන අතරම සමහර අය තමන්ගේ අහිංසක දෙමව්පියන්ගේ මුදලින් ඔවුන්ගේ ඕනෑ එපාකම් කරගන්නා අයයි. සමහරු පිටරටවල් වල සිට ලාංකිකයන්ගේ අසරණ භාවයෙන් වීරයන් වෙන්න හදන කොටසකි.  මෙහිදී මා විසින් අන්‍ය ආගමිකයින්ගේ හැඟීම් වලට පහරදීමක් කිසිසේත් නොකරන අතරම උදෙක් ලාංකික ජනතාවගේ අවබෝධය අවදි කිරීම සඳහාම සඳහන් කර ඇත්තෙමි.

සමහර අවස්ථාවාදීන් මෙය ප්‍රයෝජනයට ගෙන රටතුල ලොකු විනාශයක් ඇතිකිරීමට මානබලමින් සිටී. දැනටමත් දමිල ත්‍රස්තවාදීන්ගේ බලල් අතක් එක්සත්ජාතීන්ගේ මානවහිමිකම් කමිටුවට අප රටගෙන බොරුචෝදනා එල්ලකර එය බටහිර රටවල්වල අනුසාරයෙන් උප්පුකිරීමට පිඹුරු පත් සකස්කරමින් සිටින මෙවන් අවස්ථාවක මෙවැනි කට් පේස්ට් සහ කොපි පේස්ට් අඥාණයන්ට අසුනොවී බුද්ධිමත්ව ක්‍රියා කරන ලෙස බුද්ධිමත් පාඨකයන්ගෙන් හා මුහුණු පොතේ මිත්‍රයන්ගෙන් මා ඉතා කාරුණිකව ඉල්ලා සිටිමි. එමෙන්ම මේවා බලන මුස්ලිම් සහෝදර සහෝදරියන් දැහැමිව හා ඥාණාන්විතව ක්‍රියාකළ යුතුය. අන්‍ය ආගම් වලට හෝ ඔවුන්ගේ දේවත්වයට පාත්‍රවූ චරිත අපහස නොකළ යුතය.

අවසන් වරට මුස්ලිම් සහෝදර සහෝදරියන් වෙනුවෙන් අල්කුරානයේ පාඨයක් මතක් කර දීමට කැමැත්තෙමි. එනම්

"දීන්හි (අල්ලාහ් විසින් පහළ කරන ලද ජීවන මාර්ගය වන ඉස්ලාම්හි) බල කිරීමක් නොමැත. වැරදි මාර්ගයේ (අවිශ්වාස භාවයේ) සිට නිවැරදි මාර්ගය (විශ්වාස භාවය) පැහැදිලිය. එබැවින් තාඝුත්ව (සාතාන්ව) ප්‍රතික්ෂේප කොට අල්ලාහ් ගැන විශ්වාස කරන කවරකු හෝ වේවා ඔහු (කිසිම කලක) නොසැලන, මිට මොලවා ගත්තේ වෙයි. එය නොබිඳුණු ඇත. අල්ලාහ් සර්වඥය, සර්වඥානීය." 

(අල්කුරණයේ 2 පරිච්ඡේදය 256 වන වාක්‍යය).

Read more »

Posted in: ISLAMOPHOBIA,අල් කුරානය,ඉස්ලාම් දහම,ඕපාදූප කතාකිරීම,ප්‍රවේසම්වන්න,බොරු නොකියනු

සත්‍යය කුමක්ද? ඔබ ඔබේ හෘද සාක්ෂියට එකඟද??????

සත්‍යය කුමක්ද? ඔබ ඔබේ හෘද සාක්ෂියට එකඟද??????

අද ලොව ඉතා වේගයෙන් වර්ධනය වන ආගම ඉස්ලාම් වන අතර එහි අනුගාමිකයන් මුස්‌ලිම්වරුවේ. ලොව සාමය ස්ථාපීත කිරීමට ඇති එකම මග ඉස්ලාම් බව කවුරුත් දන්නා සැඟවුණු සත්‍යවේ. ඉස්ලාමය අද විශාල ශක්තියක් ලෙස නැගී සිටීම නොරුස්සන වැඩිදෙනා ඉස්ලාමයට මඩ ගැසීමට භවිතා කරන්නේය ත්‍රස්තවාද හා කාන්තා නිදහසයි. ලංකාවේ නම් මෙයට තවත් අතුරු චෝදනා දෙකක් ඇතුලත් කර ඇත. එනම් සත්ව ඝාතනය හ හලාල් කරණයයි.

අද ලොව ප්‍රබල මාධ්‍ය ආයතන අසුරන ඇමරිකාව විසින් මුස්ලිම්වරුන්ට එල්ල කරන ප්‍රධාන චෝදනාව නම් ත්‍රස්තවාදයයි. නමුත් එය සත්‍ය නොවේ. ත්‍රස්තවාදී ක්‍රියා හොදින් හඳුනන ඒ සඳහා හොඳ නිපුනත්වයක් තිබෙන්නේ ඇමරිකාවටය.

අද ඉතා භයානක ත්‍රස්තවාදී කාණ්ඩයම් ලෙස ඔවුන් විසින් හදුන්වාදෙන අල් කයිඩාව සහ තලිබාන් ඔවුන්ගේම නිෂ්පාදනයන්ය. සෝවියට් දේශය අපහසුතාවයට පත්කිරීමටත් ඔවුන්ට එරෙහිව යුද්ධ කිරීමටත් මොවුන්ව පුහුණු කරන ලදී. බින්ලාඩන් යනු ඇමෙරිකානු මායාවකි.

ලොව සියලුම රටවල් කූට උපක්‍රම යොදා යටපත්කල ඇමරිකාවට ඉස්ලාමය යටපත් කිරීමට නොහැකිවී ඇත. හේතුව මෙය මිනිස් හැගීම් හා සම්බන්ධ බැවිනී. මේ නිසා ඔවුන් මිනිසුන්ගේ හැගීම්වලට පහර දීමේ අසාර්ථක වෑයමක යෙදී සිටීයි.

බින්ලාඩන් පෙන්වා ඉස්ලාමයට පහර ගැසූ ඔවුන්ට විශාල ප්‍රශ්නයකට මුහුණ පාන්න සිදුවිය. එනම් ඊජුප්තුව හා ට්යුනේශීයාව තුල ප්‍රජාතන්ත්‍රවාදීව හා අවිහිංසාවාදීව ඉස්ලාමිය රජයන් බිහිවීමයි. හදිසියේ සිදුවූ මෙම සිදුවීම නිසා කම්පාවූ මොවුන් මෙම පරාජය වසා ගැනීමට කිලෝ දහස් ගණන් බෝම්බ දමාවත් මරා දැමීමට නොහැකි වූ බින්ලාඩන් කවුරුත් නොසිතු මොහොතක මොවුන්ගේ කීකරු, ඩොලර්වලට ගිජු වූ පාලකයන් සිටින පාකිස්ථානයෙන් මතුවිය. 

විශේෂ මෙහෙයුමක් ජනාධිපති තුමාගේ එනම් බරක් ඔබාමාගේ අධීක්ෂණය යටතේ සජීවී චිත්‍රපටියකින් බින්ලාඩන් මරා දමන ලදී. ඉතාම ලෝ බජෙට් චිත්‍රපටියේ අධ්‍යක්ෂණ තිළිණය ආරක්ෂක ලේකම් හිලරි ක්ලිටන් මහත්මියටම හිමිවිය යුතුය. කෙසේ වෙතත් ඔවුන්ගේ දෙබෙඩි පිළිවෙත පහත විස්තරකර ඇත්තෙමු

1. ඇමරිකානු FBI දත්තවලට අනුව 1980 වේ සිට 2005 දක්කවා ඇමරිකානු භුමිය තුල ත්‍රස්තවාදී ප්‍රහාර 318ක් සිදුවී තිබේ. එයින් බෝම්බ ප්‍රහාර 209ක්ද දේපල ගිනිතැබීම් 43කි. මෙයින් 42%ක් ලතින් ඇමරිකානු කණ්ඩායම් විසින්ද, 24% සමාජවාදී අන්තවාදීන් විසින්ද, 7% යුදෙව් අන්තවාදීන් විසින්ද? 6% මුස්ලිම් අන්තවාදීන් විසින්ද, 5% කොමුනිස්ට් කණ්ඩායම් විසින්ද දියත්කල ඒවාය.

2. A RAND Corporation [funded by the U.S. government] නම් ආයතනය විසින් නිකුත් කරනු ලැබූ “Would-be Warriors” යන වාර්තාව තවත් විෂ්මජනකයි. 

එනම් 2001 සැප්තැම්බර් මාස 11 වැනි දින දක්වා කිසිම ඇමරිකානු පුරවසියෙක්වත් මුස්ලිම් අන්තවාදීන්ගේ ප්‍රහාරයකින් මරණයට පත්වී නොමැත.  

2009යේ සිට 2001 සැප්තැම්බර් මාස 11 වැනි දින දක්වා සිදුවූ ත්‍රස්තවාදී ක්‍රියාවන් 83න් මුස්ලිම් අන්තවාදීන් කල බවට සැක කරන්නේ ත්‍රස්තවාදී ක්‍රියාවන් 3ක් පමණී. මෙයින් වැඩි ප්‍රමාණයක් සිදුකර ඇත්තේ පරිසර හා සත්ව ක්‍රියාකාරීන් විසින්ය.

3. 1970 ගණන්වල  ඇමරිකානු භුමියතුල  සිදුවු ත්‍රස්තවාදී ක්‍රියා, 21ක් වන සියවසට වඩා ඉතාමත් වැඩි ප්‍රමාණයකි. සෑම වසරක් පාසාම බෝම්බ පිපිරීම් විශාල ප්‍රමාණයක් සිදුවී ඇත. අඩුමතරමින් ත්‍රස්තවාදී ක්‍රියා 60ක් පමණ වාර්තාගතවී  ඇත. වර්තමානය හා සසඳන කල මෙය 15 සිට 20 දක්වා වැඩිවාර ගණනක වර්දනයකි.

4. Europol’s report titled “EU Terrorism Situation and Trend Report” - යුරෝපා සංගමය මගින් එළිකළ වාර්තාවකට 2006-2008 යන කාලවකවානුව තුල සිදුවූ ත්‍රස්තවාදී ක්‍රියාවලින් මුස්ලිම්වරු සම්බන්ධ බවට වාර්තාවන්නේ 0.4%කී. ඒ අනුව 99.6%ක්ම සිදුකර ඇත්තේ අන්‍ය ආගමිකයින් විසින්ය. 

ඇමෙරිකානු භුමියතුල ක්‍රියාත්මකවන ත්‍රස්තවාදී සංවිධාන 

අල් කාඉඩා හැර ඉතා ප්‍රබල ත්‍රස්තවාදී සංවිධාන පහක් නම් කරන ලෙස ඔබෙන් අසනු ලැබුවහොත්, ඔබෙන් කීදෙනාටද පිලුතුරු දිය හැක්කේ? බොහොමයක් දෙනාට නම් කල හැකි වන්නේ  එකක් හෝ දෙකක් පමණී. පහත සඳහන් සංවිධාන කොතරම් භායනක වුවත් මාධ්‍ය ඒවා වසන් කරනු ලැබ ඇත.

* Animal Liberation Front නිදහස් සත්ව පෙරමුණ.

සත්ව පරීක්ෂණ පහසුකම් ඇති ස්ථාන වැඩිවශයෙන් මොවුන්ගේ ප්‍රහාරයන්ට ගොදුරුවී ඇති අතර මොවුන් ඉතා භායනක ගෘහස්ථ ත්‍රස්ත කල්ලිය ලෙස FBI විසින් නම් කර ඇත.

* Alpha 66 and Omega 7: ඇල්ෆා 66 ඔමේගා 7 :

මෙය කියුබානුවන්ට පක්‍ෂපාති සංවිධානයකි. බොහොමයක් බෝම්බ ප්‍රහාර මොවුන් විසින්ම ක්‍රියාත්මක කල බවට ප්‍රකටය.

* Army of God දෙවියන්ගේ සේනාව.

සමලිංගිකත්වයට හා ගබ්සාවට විරුද්ධව ක්‍රියා කරන්නන්ය. අඩුම තරමින් ගබ්සාවන් සිදුකරන ආරෝග්‍ය ශාලා දෙකකට බෝම්බ ප්‍රහාර එල්ල කර ඇති අතර සමලිංගික රාත්‍රී සමාජ ශාලාවකට බෝම්බ ගස විනාශ කර ඇත.

* Aryan Nations උසස් ජාතිය.

සුදු ජාතික, ජර්මානු නාසින්ට පක්ෂපාති ක්‍රිස්තියානු කණ්ඩායමකි.  ඉහත සඳහන් කල RAND ආයතනයට අනුව මොවුන්  හඳුන්වනු ලබන්නේ "ප්‍රථම සත්‍යවූ ජාතික  ත්‍රස්තවාදී ජාලය" (the “first truly nationwide terrorist network.”) යනුවෙනි.

* Black Liberation Army - නිදහස් කළු හමුදාව :

බෝම්බ පිපිරවීම් රැසක් මොවුන් සිදු කර ඇති අතරම මංකොල්ලකෑම් සහ සිරගෙවල්වලට ප්‍රහාර එල්ලකර ඇත.

* The Covenant, the Sword, and the Arm of the Lord -  කපාහරින, අසිපත සහ දේව හමුදාව :

තවත් ක්‍රිස්තියානි ත්‍රස්තවාදී කණ්ඩායමකි.

* Earth Liberation Front - ලොව නිදහස් පෙරමුණ :

ඉතා භායනක ගෘහස්ථ ත්‍රස්ත කල්ලිය ලෙස FBI විසින් නම් කර ඇත

* Jewish Defense League - යුදෙව් ආරක්‍ෂිත ගිවිසුම.

රබ්බි මෙඉර් කහනේ යන පුද්ගලයා මෙහි ආරම්භකයා වන අතර මොවුන් විසින් ත්‍රස්තවාදී ප්‍රහාර 15කත වඩා දියත්කර ඇත. අල් කාහිදා සංවිධානයට වඩා වැඩි ප්‍රමාණයක් එනම් බෝම්බ ප්‍රහාර 60කට වඩා දියත් කර ඇත.  

තවත් විශාල සංඛ්‍යාවක් ත්‍රස්තවාදී කණ්ඩායම් ඇති අතර සමහර ඒවා පහත ඉංග්‍රීසියෙන් සඳහන් කර ඇත

* Ku Klux Klan: A white supremacist, anti-Communist, anti-Semitic, and anti-Catholic group.

* Militia Movement: An anti-government movement. One common tactic is to explode pipe bombs at government facilities. They have about 20,000-60,000 members in the U.S.

* Phineas Priesthood: Another Christian Identity movement that is against interracial intercourse, homosexuality, abortion, and multiculturalism.

* Symbionese Liberation Army: A far left organization.

* United Freedom Front: A Marxist organization responsible for at least 20 bombings and 9 bank robberies.

* The Weather Underground: A far left organization responsible for at least 45 bombings between 1970 – 1977.

* Ejercito Popular Boricua [Boricua People’s Army]: They have been demanding independence of Puerto Rico from U.S. imperialism.

* New World Liberation Front: A far-left organization responsible for at least 70 bombings in the Bay Area alone.

ඇමැරිකාව තුල සිදුවූ ත්‍රස්තවාදී ප්‍රහාර 

ඇමරිකාව තුල සිදුවූ ත්‍රස්තවාදී ප්‍රහාර පහත ඉතා කෙටියෙන් සඳහන් කර ඇති අතර ඔවුන්ගේ දෙබඩි පිළිවෙත මානව පැහැදිලිවේ.

1910 : L.A. ටෛම්ස් ගොඩනැගිල්ලට එල්ලවූ බෝම්බ ප්‍රහාරය. පුවත්පත්   

          සඳහා කම්කරු ප්‍රතිපත්තියක් ඇතිකිරීම සඳහා ජේම්ස් සහ ජෝන් 

          යන අය විසින් මෙය දියත් කරන ලදී.  

1920 : වෝල් වීදිය බෝම්බ ප්‍රහාරය. 38 දෙනකු මරමුවට පත් අතර 400 දෙනකු තුවාල ලැබුහ. 

1927 :  බාත්, මැචිගන් බෝම්බ ප්‍රහාරය. රජයේ බදු ක්‍රමයට විරෝධයපෑමට මෙම ප්‍රහාරය එල්ලකරන
            ලදී. 45 දෙනෙකු ජිවිතක්ෂයට පත්වූ අතර එයින් පාසැල් සිසුන් 38 දෙනෙකි.

1971 : ලාහෝස් ආක්‍රමණයට විරුද්ධව යු.එස්. කැපිටල් ගොඩනැගිල්ලට එල්ලවූ බෝම්බ ප්‍රහාරය.

1971 : හනොයි ආක්‍රමණයට විරුද්ධව පෙන්ටගන් එල්ලවූ බෝම්බ ප්‍රහාරය. 

1975 : වියට්නාම් ආක්‍රමණයට විරුද්ධව රාජ්‍ය කටයුතු දෙපාර්තුමේන්තුවේ ගොඩනැගිල්ලට එල්ලවූ  
           බෝම්බ ප්‍රහාරය.

1976: කියුබානු 455 දරන යානාව පැහර ගැනීම හා යානාව තුල සිටී මගීන් 73 දෙනාවම ඝාතනය කරනු 

         ලැබීය.

1978-1995 : රට පුරා වැදගත් ස්ථානයන්ට හා පුද්ගලයන්ට තැපෑලෙන් බෝම්බ ප්‍රහාර එල්ල කිරීම 

1995 : ඔක්ලොහොමාවලට එල්ලවූ බෝම්බ ප්‍රහාරය. 168 දෙනෙකු මරණයට පත්විය.

1996 : සෙන්ටෙන්නියන් ඔලිම්පික් පාර්ක් යන ස්ථානයට එල්ලවූ බෝම්බ ප්‍රහාරය. ඇමරිකානු ඉත්හාසයේ එකදිගට එල්ලවූ විශාලම බෝම්බ ප්‍රහාරය මෙයවේ.  

2001 : අන්ත්රෙක්ස් ක්ෂුද්‍ර ජීවී ප්‍රහාරය. බ්රුස් අදවාර්ඩ් අයිවින් නැමැත්තා විසින් දියත් කරන ලදී. 

2007 : විර්ජීනිය ටෙක් ප්‍රහාරයෙන් 32 කු ජීවිතක්ෂයට පත්විය.

2010 : අහස යානාවකින් අයි.ආර්. එස්. ගොඩනැගිල්ල ප්‍රහාර එල්ල කිරීම. 

2011 : ටෝච්සෝන්හී 19 දෙනෙකුට වෙඩිතබා ඝාතනය කිරීම.

ඉහත සිදුවීම් මුස්ලිම් ජාතිකයකු හෝ මුස්ලිම් සංවිධානයක් විසින් දියත් කර ඇත්නම් මාධ්‍ය තුලින් එය රසකර උලුප්පා පෙන්වීම නො අනුමානය.

Read more »

Posted in: ඉස්ලාමයේ විරෝධීන්,ඕපාදූප කතාකිරීම,කට් පේස්ට්,බොරු නොකියනු