ඉතිහාසය තුල බොහොමයක් ආගම් ගොඩ නැගී ඇත්තේ ඔවුන් ජීවත් වන වටා පිටාවට සරිලන ලෙස ඔවුනගේ ජනයාට වඩා නිවැරදි දේ කිරීම සඳහා අනුබල දීම වස් ක්‍රමවේදයක් සැකසීමේ පරමාර්ථයෙන්. එම සියලුම දහම් තුල ඔවුනටම ආවේනික වූ යම් යම් නීති පද්ධතින් ක්‍රියාත්මක වනු දක්නට පුළුවන්. එලෙසම ඒ ඒ ආගම් ක්‍රියාත්මක කිරීම සඳහා පූජකවරු කොටස්ද සිටිනු දක්නට හැකියි. ගස්, ගල්, පිළිම, කඳු වැටී මෙන්ම ඉර, හඳ, තාරකා, බොහොමයක් දේවත්වයෙන් පිදීම බොහෝ ආගම් වල දක්නට ලැබෙන විශ්වාසයන්. එලෙසම බොහෝ ආගම් ඉලක්ක කරනු ලැබුයේ ඔවුනගේ වපසරිය තුල සිටින ජනතාව ඇමතීම සඳහා පමණයි.
යම් ආගමක් මෙලොව උන්නතිය උදෙසා, ලොව වෙසෙන සියලු දනන්, එනම් මනුෂ්‍යත්වය ඉලක්ක කරගෙන ඔවුනගේ නිවැරදි මග පෙන්වීම සඳහා පවසනු ලබන්නේනම්, එම දහම මේ ලොව පවතින තාක් සියලුම දනන් හට මග පෙවීම කල යුතුවේ. එම දහම මුළු ලොව පුරා අස්සක් මුල්ලක් නෑර සිටින සියලුම දනන් ආමන්ත්‍රණය කරනු ලබූ දහමක් විය යුතුයි. එනම් නිවර්තන, සමක කලාපයන්හි සදාහරිත වනාන්තර වල ජීවත් වන ජනයාට මෙන්ම, ආක්ටික්, ඇන්ටාක්ටික් හෝ ශීත කලාප වල ජීවත් වන සදාහරිත වනාන්තර නොමැති, පළවැල් පමණක් ආහාරයට ගෙන ජීවිත් විය නොහැකි මෙන්ම කාන්තාර වල ජීවත් වන ජනයාටද එක සේ පිළිපැදිය හැකි දහමක් විය යුතුයි.
එලෙසම එම දහමේ අමතක කරනලද ජන කොටස් තිබිය නොහැක. නොසලකා හල ජන කොටස් තිබිය නොහැක. කුඩම්මාගේ සැලකිලි ලබන ජන කොටස් තිබිය නොහැක. විශේෂ වරප්‍රසාද ලත් ජන කොටස් තිබිය නොහැක. අමතක කරනු ලැබූ මිනිස් අවශ්‍යතා තිබිය නොහැක. අමතක කරනු ලැබූ සමාජ අවශ්‍යතා තිබිය නොහැක. අමතක කරනු ලැබූ ප්‍රදේශ තිබිය නොහැක. එපමණක් නොව එම ආගම් සෑම කාලෙකටම ඔබින ලෙස පවසනු ලැබූ දහම් විය යුතුයි. ආගම අනුගමනය කරන හෝ පවත්වාගෙන යනු ලබන පූජක වරුන් විසින් සමාජ අවශ්‍යතා මත වෙනස් කිරීමට සිදුවන දහමක් නොවිය යුතුයි. නවීන තාක්ෂනය හමුවේ, නව ලොව හමුවේ බිඳ වැටෙන ආගමක් විය නොහැකියි.
ආගමක් නව ලොව හමුවේ වෙනස් කිරීමට සිදු වීම එම ආගම අදහන්නන් නොමග යැවීමක්. එනම් ඒ
වන තෙක් එම ආගම ඇදහු සියලුම දෙනා නොමග යැවීමක්. ඊයේ පෘථිවිය පැතලි යයි පැවසූ දහමක්, එලෙසම ලොව ගෝලාකාර යයි පැවසූ සියලුම දෙනා සිරගෙවල් වල ගාල් කර වදහිංසා පැමිණු ආගමක්, නවීන තාක්ෂණයෙන් පරාජය වී, අන්දමන්දව ලොව හමුවේ ලොව ගෝලාකාර පිළිගැනීම, එම දහමේ යම් ගැටළු කාරී තත්වයක් ඇති බව එම ආගම අනුගමනය කරන්නන්ට අවභෝධවීම නොවැලැක්විය හැකියි. ලොවෙහි සියලු කාලයන්ට ඔබින ලෙස, සියලු සමාජයන්හට ඔබින ලෙස දෙවියන් විසින් ඉදිරිපත් කල දහමක්, මෙලෙස බිඳ වටෙනම්, එම දහමේ දේව ඉගැන්වීම අද වනවිට විකෘති තත්වයේ පසුවන බව අවභොඩ වීම නොවැලැක්විය හැකියි. ආගම පිලිබඳ අපේක්ෂා භංගත්වයට පත්වීම නොවැලැක්විය හැකියි.
යම් සමාජයකට මග පෙන්වීම සඳහා බොහෝ කලක සිට ඉදිරිපත් වූ දහමක්, නවීන තාක්ෂනය හමුවේ බිඳ වැටුණු කළ, එම දහම ඇදහු දනන් හට අපේක්ෂා භංගත්වය ඇතිවීම වැළැක්විය නොහැක. එලෙස පත් වූ සමාජයක් තුලින් අපට දක්නට හැක්කේ පාලනය කල නොහැකි අපචාරයන්වේ. විනය පිරිහීමක් වේ. වැඩිහිටියන් ගරු නොකරන, මනුෂ්‍යත්වය ගරු නොකරන, අශීලාචාර මිනිසුන් ගොන්නකි. ඔවුන් කිසිවෙකුත් කියන දෙ නොඅසන, කිසිවෙකුට පාලනය කල නොහැකි සමාජයක් වනු ඇත. එම සමාජයේ දුරාචාරය රජ කරනු ඇත. මිනීමැරීම් රජ කරනු ඇත. දූෂණ, වංචා රජ කරනු ඇත. ගබ්සා කිරීම්, කුඩා දරුවන් කෙලසීමේ සිට මහලු වයසේ සිටින්න ද ඉතා නින්දිතව සැලකීම මෙම සමාජයෙන් සිදු වනු ඇත. ඔවුන් මිනිසත් බව කෙලෙසනු ඇත. මනුශ්යත්වයට නිගා දෙන හිංසනයන්හි නියුතු වනු ඇත. දකින දකින දෙ ගරහමින්, දකින දකින දෙ සමග උරණව, කරන කියන සියලු දේ කිසිඳු පරමාර්ථයක් රහිතව සිදු කරන ජනතාවක් බිහිවනු ඇත.
යම් ආගමකින් එම සමාජය නිසි මගට යැවිය නොහැකි නම්, එම දහමේ යම් ගැටලුවක් තිබේ. එම දහමින් සමාජ උන්නතිය උදෙසා මග පෙන්විය නොහැකි නම්, ජනගහනය වර්ධනය වෙනුවෙන් නිසි දැක්මක් ජනතාවට ලබා දීමට අපොහොසත් නම්, දුරාචාරයන්, අපචාරයන් වැළැක්වීම සඳහා ක්‍රියාකල නොහැකිනම්, එම දහම සමාජයට ගැටළු ගොන්නකි. සමාජය විනාශ කිරීම සඳහා මග පෙන්වන්නකි. මිනිසත් කම විනාශ මුඛයට තල්ලු කිරීම සඳහා දිරිය දෙන දහමකි. මනුෂ්‍යත්වය කෙලෙසීම සඳහා ක්‍රියා කරන දහමකි. මිනිස් උන්නතිය නැති කිරීම සඳහා ක්‍රියා කරන දහමක් වේ.
බුද්ධිමත් ඔබට, ලොව පවතින සියලු දනන් හට පිළිගත හැකි ප්‍රායෝගික දහමක් ඉදිරිපත් කල හැකිද ?
නොඅනුමානවම එය ඉස්ලාම් වනු ඇත.
Posted in: 
.jpg)
.jpg)
.jpg)
2 comments:
මේ ලෝකය මැවූ දවස හෝ කාල වකවානුව කුමක්ද ? විශ්වය ගැන ඔබේ මතය කුමක්ද දෙවියන් වැඩ ඉන්නේ කොහෙද දෙවියන් මේ ලෝකය මව පාලනය කරනවානම් ඒ දෙවියන්ම මිනිසුන්ට දුක සැප දෙකක් ලබා දුන්නේ ඊ මේ ලෝකයේ සිදුවන සියලු යහපත් ක්‍රියාවන්ට මෙන්ම තිරිසන් වැඩ වලට අනු බල දෙන්නේ දෙවියන්ද මිනිසුන් පාලනය කරනවානම් ලොව සියලු මිනිසුන් මුස්ලිම් නොකළේ ඇයි . මුස්ලිම් අගම අදහන්නන් කාන්තාර මුලික උනේ අයි ? අල්ලා දෙවියන්ට ටම අනුගාමිකයන් කාන්තාර වල නිර්මාණය කලේ ඇයි ? ලෝකයේ පරිසර විවිදත්වයක් ඇති උනේ කොහෙමද ? මිනිසුන් පිරිසක් සැපවත් කිරීමත් තවත් පිරිසක් දුකට පත්කිරීමටත් අල්ලා දෙවියන් තිරණය කලේ අයි
පියානන්ද සහෝදරයා,
මේ ලෝකය මැවු කාලය මේ විශ්වය සම්බන්ධ කරුණු දැනගැනීමට ප්‍රථම මනුෂ්ය් වර්ගයා යහපතින් ජීවත් වීම පිලිබඳ කරුණු සොයා බැලිය යුතුබවයි මේ ලිපිකරුගේ මතය. එය පහත පරිදී ලිපිකරු පෙන්වා දී තිබෙනවා, එනම්
උපුටා ගැනීම
" යම් ආගමකින් එම සමාජය නිසි මගට යැවිය නොහැකි නම්, එම දහමේ යම් ගැටලුවක් තිබේ. එම දහමින් සමාජ උන්නතිය උදෙසා මග පෙන්විය නොහැකි නම්, ජනගහනය වර්ධනය වෙනුවෙන් නිසි දැක්මක් ජනතාවට ලබා දීමට අපොහොසත් නම්, දුරාචාරයන්, අපචාරයන් වැළැක්වීම සඳහා ක්‍රියාකල නොහැකිනම්, එම දහම සමාජයට ගැටළු ගොන්නකි. සමාජය විනාශ කිරීම සඳහා මග පෙන්වන්නකි. මිනිසත් කම විනාශ මුඛයට තල්ලු කිරීම සඳහා දිරිය දෙන දහමකි. මනුෂ්‍යත්වය කෙලෙසීම සඳහා ක්‍රියා කරන දහමකි. මිනිස් උන්නතිය නැති කිරීම සඳහා ක්‍රියා කරන දහමක් වේ." - උපුටා ගැනීම අවසන්
මිනිස්සු සියල්ලන්ම පොහොසත් නම්, මිනිස් සංහතියේ සියල්ලන්ම යහපත් පුද්ගලයන් නම් මිනිස් සංහතියේ කිසිම අරමුණක් නැත. එවැනි පිරිසක් නිසා මේ ලොව අවශ්‍ය වන්නේද නැත. බෞද්ධ දර්ශනය අනුව යහපත්ව මිනිසා ජීවත්වන්නේ නම් ඔහුට නැවත ඉපදීමක් නැත. එසේ සියල්ලන්ම මෙලොවෙන් තුරන්වී මිනිස් සංහතියක් දක්නට නොලැබේ.
මිනිසා යහපත්ව ජීවත් වීම සඳහා පොළඹ වන ඉතා සාර්ථක මාර්ගයක් ලෙස ඉස්ලාම් ජීවන මාර්ගය මෙම ලිපිකරු තෝරා ගෙන තිබේ. එහි කිසිම වැරැද්දක් දක්නට නැත. ඒ ඔහුගේ අදහසයි.
විවිදත්වය ලොව අලංකාර කරයි. එකිනෙකා හඳුනාගැනීමේ මාර්ගයක් ලෙස විවිදත්වය හඳුන්වා දීමට පුළුවන්. අවසාන වශයෙන් මිනිසා මිනිසකු ලෙස ජීවත්වීමට සියලුම ආගම් මග පෙන්වීමට උත්සහ දරන අතර ඉතා සාර්ථක ප්‍රායෝගික මාර්ගය ඉස්ලාමය තුලින් පෙන්වාදී තිබෙන බව මෙම ලිපිකරුගේ තර්කයයි.
ඔබට සාමය දයාව හා අල්ලාහ්ගේ ආශීර්වාදය ලැබේවා!
Post a Comment