හජ් වන්දනා ගමන - සාරාංශය - ප්‍රතිපලය සහ උගතයුතු කරුණු

හජ් යනු කුමක්ද?

අරාබි භාෂාවට අනුව හජ් යන වචනාර්ථයේ තේරුම වන්නේ,

පිවිතුරු ස්ථානයක් කරා ගමන් කිරීම යන්න වේ.

ඉස්ලාමයට අනුව, නියමිත කාලයට, මක්කා නගරයට ගොස්, වතාවත් ඉටු කිරීම යන්න වේ.

ඉස්ලාමයේ ප්‍රතිපත්ති පහ

1. ශහාදා : ශාක්ෂි දැරීම
2. සලාත් : දිනකට පස් වතාවක් නමස්කාර කිරීම.
3. සකාත් :දුගී බද්ද
4. අස්සව්ම් : උපවාසය
5. හජ් : වන්දනා ගමන

අවසන් ප්‍රතිපත්තිය වන හජ් වන්දනාව තුලින් උගතයුතු පාඩම් හා එහි සාරාංශය පහත දෙක්වේ.

ü හජ් නමදුමකි - මෙය විනෝද චාරිකාවක් හෝ නැරඹීම සඳහා යන ගානක් නොවේ. මේ සඳහා මානසික 

හා කායික පෙර සුදානමක් අවශ්‍යයි.

ü තම විශ්වාසය අලුතික්රීමේ සංදිස්ථානයකි. ඉස්ලාම්හී අනිත් ප්‍රතිපත්ති මෙන්ම මෙහිදීද දේව භක්තිය මුහම්මද්තුගේ  ජීවිතය ආදර්ශයට ගැනීම, කරුණාව දයාව, පරස්පර සහෝදරත්වය වැඩි දියුණුවීම, යහපත   අයහපතෙන් වෙන් කර හඳුනා ගැනීමේ ස්වකීය ඥානය ඇතිවීම හා පාපයන්ගෙන් තොර පරිසිදු බිලිඳෙක්  ලෙස තමන්ව සකස් වීම.

ü මෙය පුහුණු කඳවුරකි  - දේවබිය භක්තිය, විනීත භාවය, යහපත් චරිතය එකිනෙකා අතර පරස්පර සම්බධය වැඩි දියුණුවීම.

ü සහෝදරත්වයේ සංකේතය - සමානාත්මතාවය සහ සමගිය, එකම ගැහෙ පැතිර පවතින අතු මෙන් ලොව සියලුම දෙනා එකම පවුලේ දරුවන් මෙන් එකට සංවිධාන වීම.සමගියේ ශක්තිය වර්ධනය කිරීම.

ü මුස්ලිම්වරුන්ගේ වාර්ෂික සම්මේලනය. - කළු සුදු, දුප්පත් පොහොසත්, පදවි තරාතිරම්, ජාති කුල භේද හා විවිධ භාෂා කතාකරන සියලු දෙනා එකට එක්වී උත්කර්ෂව සැමරීම, අදහස් උදහස් මරුකරගනීම, 

ü ඔවුන් සියලුදෙනා එක මධ්‍යස්ත ස්ථානයක් වටා රොක්වී ශ්‍රේෂ්ඨ අරමුණක් කරා තම අවධානය යොමු කිරීම.

Read more »

Posted in: ඉස්ලාම් සහ මුස්ලිම්හු,ජාතික සමඟිය,සමගිය සහජීවනය සහයෝගය සාමය

ඥානසාර චිවරදරියාගේ බොරු සහ සත්‍ය එළිදරව්ව

නොර්වේ කොටි ඩයස් පෝරාවෙන් මුදල් ලබාගෙන සිංහල මුස්ලිම් කොලාහලයකට වෙර දරන ඥාන සාර චිවරදරියා කටට එන හැම දෙයක්ම මාධ්‍ය ඉදිරියේ කියාන්නට පටන් ගෙන ඇත. ඒ වගේම තමන් කියන හැමදෙයටම මුස්ලිම් ජනතාව ප්‍රකෝපී වන ආකාරයේ වචන හසුරුවීමට වග බලා ගැනීමට ඔහු ඉතා දක්ෂයි. සාමකාමී අහිංසක සිංහල ජනතාව මුස්ලිම්වරුන්ට විරුද්ධව උසි ගැන්වීම ඉතා ශුක්ෂම ලෙස මෙහෙයවන මොහු එයට එරෙහි වන භික්ෂුන් වහන්සේලාටද තර්ජනය කරන තැනට පත්වී තිබේ. මොහුගේ බොරු පහත වීඩියෝවෙන් එළිදරව් කර ඇත. මෙය කිසිම ජාතියකට අපහස කිරීමක් අරමුණු කර නැති අතර සත්‍ය එළිදරව් කිරීමක් පමණක් බව අප ඉතා කරුණාවෙන් දන්වා සිටිමු.

Read more »

Posted in: ඉස්ලාමය හා කාන්තාව,ඉස්ලාමයේ විරෝධීන්,බොරු නොකියනු

ආබාධිත රණවිරු මන්ත්‍රීගෙන් ඥාණසර හිමියන්ට ප්‍රසිද්ධ අබියෝගයක්

ප්‍රසිද්ධ විවාදයකට එන්න 

බොදුබල සේනාව ත්‍රස්තවාදී සංවිධානයක් වහාම තහනම් කරන්න.

ජාතීන් අතර අසමගිය ඇති කරන බොදුබල සේනාව වහාම තහනම් කරන ලෙස තමන් ආණ්ඩුවෙන් ඉල්ලා සිටින බව පළාත් සභා මන්ත්‍රී අජිත් ප්‍රසන්න මහතා (එ.ජ.නි.ස) පැවසීය. ඒ මහතා මෙසේ පැවසුවේ පෙරේදා (27.08.2013) පළාත් සභා ශ්‍රවනාගාරයේදී සභාවේ නියෝජ්‍ය සභාපති චම්ලි විතාරානාච්චි මහතාගේ ප්‍රධානත්වයෙන් දකුණු පළාත් සැබෑව රැස්වූ අවස්ථාවේදීය.

Read more »

Posted in: ඉස්ලාමයේ විරෝධීන්,ප්‍රවේසම්වන්න,බොරු නොකියනු

භික්ෂු සේනාව නමින් The Global Mail වෙබ්අඩවියෙහි පලවු ලිපියෙහි සිංහල සංක්ෂිප්තය

මෙම ලිපිය වනාහී ‘භික්ෂු සේනාව’ (The Monks’ Army) යන ශීර්ෂ පාඨය යටතේ පළවූ The Global Mail ප්‍රවෘත්ති අඩවියේ ලිපියෙහි සංශිප්තයයි. ඉංග්රීකසියෙන් පළවූ මුල් ලිපිය මෙතනින් බලන්න: http://sri-lanka.theglobalmail.org/monks-army මෙම ලිපියෙහි දැක්වෙන්නේ බොදු බල සේනාවේ ප්‍රධානීන් දෙදෙනෙක් සමග කල සංවාදයකදී ඔවුන් සිය අදහස් ඉස්මතු කලආකාරයය.

කොළඹ පුරය ආර්ථිකමය වශයෙන් නැගී සිටීමට වෙර දරමින් සිටින යුගයකි. කොළඹ සහ දකුණ සම්බන්ධ කරන නව අධි-වේගී මාර්ගයක් නිමවී ඇති අතර, යුද්ධයෙන් තැලුණු උතුරේද දුම්රිය මාර්ග නැවත ඉඳි කෙරෙමින් පවතී. ජනපති රාජපක්ෂගේ ගම වන හම්බන්තොටහි, රටේ විශාලතම ඉඳි කිරීම් ව්‍යාපෘතියක් ක්‍රියාත්මක වන්නේය. ඇමරිකානු ඩොලර් බිලියන 1.5 ක් වටිනා එම සුදු අලියා නවීන වරායක්, අන්තර්ජාතික ගුවන් තොටුපලක් සහ ක්‍රිකට් ක්‍රීඩාංගනයක ස්වරූපයක් ගන්නා අතර එම ඉඳි කිරීම් තුනම ජනපති විසින් තමන්ගේ නමින්ම නම් කර ඇත.

මෙම ඉඳිකිරීම් පිටුපස සිටින්නේ බෙයිජින් නුවරය. මෙමගින් චීනයේ බලය ඉන්දියානු සාගරයේ තව දුරටත් සවි වී ඇත. ඉඳි කිරීම් ව්‍යාපෘතීන් සඳහා ප්‍රාග්ධනයට අමතරව සේවකයන්ද චීනයෙන් ගෙන්වා ඇත්තේ හම්බන්තොට එනම් රැකියා විරහිත භාවය අධික ප්‍රදේශයකටය.

කොළඹ යනු ආසියාවේ දිළිඳුතම අගනුවරක් වන නමුත් රාජපක්ෂ රජයට හවුල් ව්‍යාපාර විසින් නම් ණයට ගත් මුදලින් කොළඹ සුවිසල් ඉඳි කිරීම් කරගෙන යති. එම ඉඳි කිරීම් වලට ප්‍රතිලාභ අන්තර්ජාතික සුපිරි ධනවතුන් විසින් ලැබෙනු ඇති බවට පැතීමක් දක්නට ලැබෙයි. කැසිනෝ සුදුවේ සුපිරි ධනේශ්වරයෙක් වන ඕස්ට්රේටලියානු ජාතික ජේම්ස් පැකර් සහ රාජපාක්ෂියෙක් අතර ඇති ගිවිසුමක් අනුව ඇමෙරිකානු ඩොලර් මිලියන 350ක් වටිනා කැසිනෝ මන්දිරයක් කොලඹ නිම වීමට නියමිත වීම එයට උදාහරණයකි.

මෙවැනි ඉඳි කිරීම් රාශියක් ඇති නමුත් අන් ඉඳිකිරීම් වලට වඩා වැඩි වේගයකින් නිමවූ ගොඩනැගිල්ලක් ශ්‍රී සම්බුද්ධත්ව ජයන්ති මන්දිරය ලෙස නම් වේ. යුද්ධය නිමවී වසර දෙකකින් විවෘත්ත කෙරුණ මෙම ගොඩනැගිලි සංකීර්ණය ලොව විශාලතම බෞද්ධ පුස්තකාලය බව කියවේ. 2012 දී ආරම්භ කෙරුණ බෞද්ධ ක්‍රියාකාරී කණ්ඩායමක් වන බොදු බල සේනාවෙහි මූලස්ථානයද එම සංකීර්ණයේම පිහිටා තිබේ.

බො.බ.සේනාව පවසන ආකාරයට නම් දිවයිනේ බුද්ධාගමේ නියම රැකවල් කරුවෝ ඔවුන්ය. නමුත් බොහෝ දෙනෙකුට අනුව නම් බො.බ.සේනාව වනාහී නැති බෞද්ධ-විරෝධී හොල්මන් දකින කල්ලියකි. බොබසේ ට අනුවනම් ලංකාව සහ බුද්ධාගම අන් කවරදාකවත් නො අත්දුටු තර්ජනයකට මුහුණ පා සිටියි.

නීතිය අතට ගෙන ආගම් පොලීසියක් ලෙස ක්‍රියා කරන බො.බ. සේනාව මෑතකදී ලංකාවේ මුස්ලිම් සහ ක්‍රිස්තියානිට එල්ලවූ විවධ ප්‍රහාරයන්ට පිටුපසින් සිටිති. ඔවුන්ගේ ප්‍රහාරයන්ට පොලිසියෙන් බාධාවක්ද නැති තරම්ය. බො.බ.සේනාව මුසල්මානුවන්ට එරෙහිව විවිධ පදනම් විරහිත චෝදනා එල්ල කරති. ලංකාවේ ව්‍යාපාර මුසල්මානුවන් විසින් පාලනය වන බවත්, මුස්ලිම් අන්තවාදය ලංකාවේ පැතිරෙන බවත්, මුස්ලිම් වෛද්‍යවරුන් රහසිගතව සිංහල කතුන් වඳ කරන බවත් එම චෝදනා වලට උදාහරණයන්ය. ක්‍රිස්තියානි පල්ලි වලට එරෙහිව කරන චෝදනාවක් නම් බලෙන් බෞද්ධයන් ක්‍රිස්තියානි ආගමට හරවන බවය.

ඇමති වාසුදේව නානායක්කාර පවසා ඇති පරිදි බො.බ.සේනාව අන්තවාදී පිරිසකි. ප්‍රවීණ රාජ්‍යතාන්ත්‍රිකයකු වන දයාන් ජයතිලකට අනුව ඔවුන් සිංහල සමාජයේ අඳුරු කොටසකින් බිහිවූ ජාතිවාදී-ආගම්වාදී ෆැසිස්ට් ව්‍යාපාරයකි. රටේ ඉහල පෙලේ බුද්ධිමතෙකු වන පූජ්‍ය මහාචාර්ය බෙල්ලන්විල විමලරත්න අනුනායක විසින් බහුතර සංඝයා සහ බො.බ.සේනාව අතර සම්බන්ධයක් නැති බව පවසා ඇත. යාපනය විශ්වවිද්‍යාලයේ කථිකාචාර්ය කුමාර වදිවෙල් ගුරුපාරන් පවසන පරිදි අති-අන්තවාදී බො.බ.සේනාව වේදිකාගත වීමත් සමගම, අන්තවාදී ආණ්ඩුව මධ්‍යස්ථ මතධාරී ලෙස පෙනී සිටින සෙල්ලමක් කරති.

බො.බ.සේනාවේ මධ්‍යස්ථානයේදී එහි ගිහි නායකයා වන දිලන්ත විතානගේ සමග, ‘ද ග්ලෝබල් මේල්’ කණ්ඩායම (The Global Mail) මුන ගැසුණි. විතානගේට අනුව “බුද්ධාගමට දේශීය වශයෙන් සහ අන්තර්ජාතික වශයෙන් විශාල තර්ජනයක් එල්ල වී ඇති නිසාත්, බුද්ධාගම අනාරක්ෂිත තත්වයකට මුහුණ පා ඇති නිසාත්” බො.බ.සේනාව බිහි වීමට හේතු වී ඇත. දිලන්ත මෙසේ පවසන්නේ 75% ක් සිංහල-බෞද්ධයන් සිටින රටක් ගැනය.

බොහෝ ලාංකිකයන් පවසන පරිදි බො.බ.සේනාව ආරක්ෂක ලේකම් ගෝඨාභය රාජපක්ෂගේ නිර්මාණයකි. ඔහු විසින් මෙම සම්බන්ධතාවය ප්‍රතික්ෂේප කර ඇත. ඉන්දියාවේ භාරතීය ජනතා පක්ෂය සමග සබඳතා පවත්වන, ජාතිවාදී ‘ශිව සේනා’ කන්ඩායම සහ හින්දු අන්තවාදී ‘රාෂ්ත්‍රිය ස්වේච්ඡා සංගමය’ අතර බො.බ.සේනාවේ සමානකම් දක්නට ලැබේ. විතානගේ එසේ සංසන්ධනය කිරීම ප්‍රතික්ෂේප කරන අතර ඔහු පවසන පරිදි “අප හට දේශපාලනමය ශක්තියක් නැත”.

ජනපතිගේ සහෝදර ගෝඨාභය රාජපක්ෂ බො.බ.සේනාව නිර්මාණය පිටුපස නැතැයි සිතුවත් ඔහු එම සංවිධානය පෝෂණය කරන බවක් පෙනේ. පසුගිය මාර්තු මස ඔහු විසින් ගාල්ලේ බො.බ.සේනාව සඳහා මධ්‍යස්ථානයක් විවෘත කෙරුණි. විතානගේ පවසන පරිදි ගෝඨාභය විසින් විවෘත කෙරුණ එම ගොඩනැගිල්ල “ජර්මානු ජාතිකයෙකු” විසින් පරිත්‍යාග කරන ලද්දකි. එම ගොඩනැගිල්ල පුහුණු මධ්‍යස්ථානයක් ලෙස භාවිතා කිරීමට බො.බ.සේ. තීරණය කර ඇත.

අදාළ “ජර්මානු ජාතිකයාට” අනුවනම් කතාව තරමක් වෙනස්ය. මයිකල් ක්‍රයිට්මියෙර් නම් වන බෞද්ධයෙකු වන මොහු අපහට (The Global Mail) පැවසු පරිදි ඔහුගේ “මෙත් සෙවන” නම් වන පරිත්‍යාගය 2007 දී ආරම්භ කරන ලද්දකි. “මෙත් සෙවන” බො.බ.සේනාව සඳහා දුන් මධ්‍යස්ථානයක් නොවන බව මයිකල් පවසා සිටි.

සදාචාරය වෙනුවෙන් පෙනී සිටින බව බො.බ.සේනාව පවසා සිටින නමුත් ලංකාවේ බහුලව තිබෙන කැසිනෝ හල් පිළිබඳව ඔවුන් වැඩි ශබ්දයක් නගන බව නොපෙනේ. මෙම කැසිනෝ ශාලා පවත්වාගෙන යන්නන් රාජපාක්ෂිකයන් වීම එයට හේතුවක් වී ඇත්දැයි සිතෙන්නේය. ඇමෙරිකානු ඩොලර් මිලියන 350 ක් වන කැසිනෝ සංකීර්ණය ඉඳි කිරීමට නියමිතව ඇත්තේ කොලඹ පිහිටි පැරණිතම හින්දු කෝවිලට යාබදවය. මෙම නොගැළපීම සම්බන්ධයෙන් විමසු විට විතානගේ අප හට පැවසුවේ “රජවරුන් කරන දේ සම්බන්ධයන් වැලැක්වීමක් බුදුන් විසින් නොකළ බවයි”.

තව දුරටත් ඔහු මෙසේ පැවසීය. “ලංකාවේ කැසිනෝ ශාලා බොහොමයක් ඇති නමුත් කිසිවෙකුත් ඒ සම්බන්ධයන් විරෝධතා දැක්වුයේ නැත. දැන් මේ ඕස්ට්‍රේලියානු ජාතිකයා ආරම්භ කිරීමට යන කැසිනොව සම්බන්ධයෙන් සැවොම කතා කරති. අප පවසන්නේ එම කැසිනෝ කරුට විරුද්ධ වන්නේ නම් අනෙක් කැසිනෝ කාරයන්ටද විරුද්ධ විය යුතු බවයි.” “පුද්ගලිකව මා සූදුවට විරුද්ධයි. නමුත් සංවිධානයක් ලෙස එය (කැසිනෝ) අප හට ප්‍රශ්නයක් නොවේ.”

විතානගේ සමග අප කතා කරමින් සිටියදී ඥාණසාර සාදු අපගේ සාකච්ඡාවට එක් විය. ඔහු බො.බ.සේනාවේ නිර්මාතෘවරයෙක් වන අතර සංවිධානයේ ලේකම්ය. ඔවුන් ලංකාවේ බුද්ධාගමට ඇති අනතුරු පිළිබඳව කතා කල අතර, මම ඔවුන් වෙත පැනයක් නැගුවෙමි. ලංකාවේ ජනගහනයෙන් 75% ක් බෞද්ධයන් වන අතර අන් ආගම් පැහැදිලිවම සුළු ජාතීන්ව තිබියදී සහ රටේ නායකයා පැහැදිලිවම බෞද්ධයෙක් වී තිබියදී බෞද්ධාගම අනතුරට මුහුණ පා තිබෙන බව පවසන්නේ ඇයි?

එයට පිළිතුරු දුන් ඥාණසාර පවසා සිටියේ ලංකාවේ බුදු දහම පමණක් නොව ලෝකයේම බුදු දහම වෙනුවෙන් බො.බ.සේ. පෙනී සිටින බවය. මෑතකදී ලංකාවේ තහනම් කල ටයිම්ස් සඟරාව ඔහු උදාහරණයක් ලෙස ඉදිරිපත් කළේය. මෑත කාලයේදී මුස්ලිම් ආයතන වලට එල්ල වූ ප්‍රහාර සම්බන්ධයෙන් බො.බ.සේනාවට එල්ල වී තිබෙන චෝදනා සම්බන්ධයෙන් මම විමසුවෙමි. ඥාණසාර සහ විතානගේ එම චෝදනා ප්‍රතික්ෂේප කළහ.

මුස්ලිම් සහ ඉස්ලාම් යන්න හුදෙක් සඳහන් කිරීමම ඥාණසාර කෝප ගන්වන බව පෙනුනි. එය සාමාන්‍යයෙන් බෞද්ධ භික්ෂුවකගේ ලීලාව නොවේ.

“කතා කරන්න එපා, ” ඥාණසාර උස හඬින් ප්‍රකාශ කළේය. “මුස්ලිම් හැමෝම නරක මිනිස්සු. ඒ පිරිස මෙතන ප්‍රශ්න ඇති කරනවා”

“මුසල්මානුවන් සියලු දෙනාම?”, මම ඇසුවෙමි.

“ඔව්, ඔක්කොම එකයි!” ඥාණසාර උස හඬින් පැවසුවේය. “මුස්ලිම් අන්තවාදය නැවත්වීමට අපට අවශ්‍යයි. ඔවුන්ට අපේ සංස්කෘතිය විනාශ කරන්නට දෙන්න බැහැ.”

ඒ අතරතුර විතානගේ කතාවට මැදිහත් වන්නේය. කුපිත කිරීම් හමුවේ බෞද්ධයන් ඉතා ඉවසිලිව සිටින බව ඔහු පැවසීය. “මුස්ලිම්වරු සාමකාමීය ලෙස ජීවත් වෙනවා, ඔවුන් හට සියලු පහසුකම් තිබෙනවා. කොළඹ බහුතරය මුස්ලිම්. ඔබගේ රටේ මුස්ලිම්වරයෙකුට නගරාධිපති වෙන්නට ඉඩ තිබෙනවාද?” ඔහු පවසයි.

ඔහු හට පිළිතුරු දුන් මා පැවසුවේ ඕස්ට්‍රේලියාවේ ඡන්දයෙන් පැමිණි මුස්ලිම් ජාතික මහජන නියෝජිතයන් ගණනාවක් සිටින බවයි.

මගේ පිළිතුරින් සැහීමකට පත් නොවූ විතානගේ මෙසේ පැවසීය. “මේ නගරයේ නගරාධිපති මුස්ලිම් ජාතිකයෙක්. කොහොමද ඔබ කියන්නේ මුස්ලිම්වරුන්ට සාමකාමීව මෙතන ජීවත් වෙන්න බැහැ කියල?”

මා එවැන්නක් නොපැවසූ බවත්, නමුත් සියලුම මුස්ලිම් වරුන් නරක පුද්ගලයන් බව යන්තම් විනාඩියකට පෙර පැවසුවේ ඥාණසාර බවත් මතක් කර දුන්නෙමි. තවදුරටත් ඥාණසාර ගෙන් මම හින්දුන්, ක්‍රිස්තියානි සහ විදේශීය පුද්ගලයන් සම්බන්ධයෙන් ඔහු දරන මතය විමසුවෙමි.

“අප විරුද්ධ වන්නේ අන්තවාදීන්ට පමණයි.” ඔහු පැවසීය.

“බෞද්ධ අන්තවාදීන් ගැන මොනවද කියන්නේ?” මම ඇසුවෙමි.

“ඒ කොහෙද?” ඥාණසාර පෙරලා විමසුවේය.

“සමහරවිට මෙතන?” මම පැවසුවෙමි. ඒ සම්බන්ධයෙන් තවදුරටත් මම ලංකා සමාජයේ පිළිගත් පුද්ගලයන් වන දයාන් ජයතිලක වැනි තැනැත්තන් බො.බ.සේනාව අන්තවාදී කණ්ඩායමක් ලෙස හඳුන්වා ඇති අයුරු පැවසුවෙමි.

“ඔවුන්ට පිස්සු” ඥාණසාර පැවසීය.ඔවුන් නපුරු පුද්ගලයන් බවත්, විවිධ ආයතන සහ එන්.ජී.ඕ මගින් මුදල් ලබන බවත් පැවසුවේය.

ජනපති රාජපක්ෂ සහ ඔහුගේ සහෝදර ගෝඨාභය හොඳ බෞද්ධයන්දැයි ඊළඟට විමසුවෙමි.

“ඔව් ඔව්.” ඥාණසාරගේ ක්‍රෝධය පහව යනු පෙනුනි.

ඥාණසාරගේ සිංහල පිළිතුරු පරිවර්තනය කර දෙමින් සිටි විතානගේ කියා සිටියේ බටහිර මාධ්‍ය සහ විදේශිකයන් ලංකාවට පහර දෙන්නේ ලංකාව කුඩා සහ දුප්පත් රටක් වන බැවිනි. “අපිත් කැමතියි ඔබලාගේ රටට පැමිණ ඔබගේ අගමැති සමග සම්මුඛ සාකච්ඡා වල යෙදෙන්නට, නමුත් ඒ සඳහා අප ළඟ ප්‍රමාණවත් තරම් වත්කමක් නැහැ.”

තවදුරත් කතා කල විතානගේ මෙසේ පැවසීය. ”බුද්ධාගම විනාශ කිරීමට සහ බෞද්ධයන් අන්තවාදී ලෙස හුවා දැක්වීමට අන්තර්ජාතික මාධ්යා න්‍යාය පත්‍රයක් ක්‍රියාත්මක වෙනවා. ඔබගේ අගමැති ඕස්ට්‍රේලියාවේ අන්තවාදය ගැන කතා කරන විට ඒ ගැන කවුරුන්වත් ප්‍රශ්න කරන්නේ නැහැ. අපට මුදල් සපයනවා නම් ඒ ගැන හෙළි කරන්න පුළුවන්”

විතානගේ හරහා කතා කල ඥාණසාර මේ අතර මෙසේ පැවසුවේය. “අපි විදේශ මාධ්‍ය විශ්වාස නොකරමු. ඔබලා බොහෝ දෙනෙක් පැමිණෙන්නේ සැඟවුන න්‍යාය පත්‍ර සමගය. බො.බ.සේනව ගැන විවිධ (වැරදි) අදහස් ලොව තුල පැතිරෙමින් තිබෙනවා”

බො.බ.සේනාව සම්බන්ධයෙන් නවතම වාර්තාවක් චීන රාජ්‍ය මාධ්‍ය ආයතනයක් වන ශින්වාහ් (Xinhua) ඉදිරිපත් කරයි. එම වාර්තාවට අනුව බො.බ.සේනාව ලංකාව තුල හිජාබය (බුර්කාව) තහනම් කිරීමට බලපෑම් කරන්නෝය.

විතානගේට අනුව එම වාර්තාව සාවද්‍යය. තහනම් කල යුත්තේ බුර්කාව පමණක් නොව, ඇතැම් යුර්පීය රටවල් වල තහනම් කර ඇති පරිදි පොදුවේ මුහුණු ආවරණයන්‍ ය. ලංකාවේ මුහුණු ආවරණය කිරීම මුස්ලිම් ජනතාව තුල පමණක් දක්නට ලැබීම මෙම තහනම ගෙන ඒමට සම්භන්ධ නැති බවත් ඔහු පවසයි. “බුර්කාව සම්බන්ධයෙන් අප කතා කර නැත. ඒ ගැන ප්‍රශ්නයක් නෑ.”

ඉන්දීය මහ කොමසාරිස් කාර්යාලය ළඟ බො.බ.සේනාව නිතර උද්ඝෝෂණ පවත්වන්නේ ඇයිද යන ප්‍රශ්නය මම විතානගේ ඉදිරියේ තැබුවෙමි.

“ඉන්දියාව බෞද්ධ උරුමයන් ආරක්ෂා කල යුතු නිසා” ඔහු පැවසීය.

ඉන්දියාව ඒ සම්බන්ධයෙන් කල යුතු දේ කුමක්ද? මම ඇසුවෙමි.

විතානගේ ජුලි 7ත් වැනිදා බිහාර් ප්‍රාන්තයේ බුද්ධගයාවේ සිදුවූ බෝම්බ ප්‍රහාරය සඳහන් කළේය. “මෙය බුදුන් ඉපදුන ස්ථානයයි. එය ආරක්ෂා කිරීමට වගකීමක් තිබෙනවා”

විතානගේ ගේ මෙම ප්‍රකාශයේ දෝෂයක් ඇත. බුදුන් ඉපදුනේ වත්මන් නේපාල දේශයේ ලුම්බිණියේ බව බෞද්ධ ළමුන් පවා දන්නා කරුණකි. පුරාවිද්‍යාඥයන් අතර බුදුන් ඉපදුන ස්ථානය පිළිබඳව විවිධ මත ඇති නමුත් එකදු මතයක්වත් බිහාර් ප්‍රදේශය සඳහන් නොකරයි. ලංකාවේ බුදු දහමේ රැකවල් කරුවන් ලෙස හඳුන්වාගන්නා බො.බ.සේනාව මේ ගැන නොදැනීම විමතියට කරුණකි.

දෙමල බස රාජ්‍ය භාෂාවක් ලෙස සැලකීම පිළිබඳව මම ඇසුවෙමි.

ඥාණසාර එයට මෙසේ පිළිතුරු දීමට උත්සාහ කළේය. “පළමුව ඉතිහාසය තේරුම් ගත යුතුයි… එසේ නොමැතිව මේ ගැන ප්‍රශ්න කරන්න බැහැ”.

විතානගේ පිළිතුරට හවුල් විය. “දෙමල ජනයා සමග අපට ප්‍රශ්නයක් නැහැ. ලබන මාසයේ ජන රැලි විශාල ගණනක් දෙමල ප්‍රදේශ වල පැවැත්වීමට නියමිතයි. දෙමල ජනතාව අපව පිලිගන්නවා”.

ඥාණසාර භික්ෂුව පිටත්වීමට සුදානම් විය. පිටවීමට ප්‍රථමයෙන් ඔහු විතානගේට යම් කිසි උපදෙස් මාලාවක් සිංහලෙන් නිකුත් කරනු පෙනුනි. මා පිටව යාමට තිබියදී විතානගේ මා සමග කතාවට වැටුණි.

“ඔහු (ඥාණසාර) සියලුම මුස්ලිම් වරුන් නරක බව කිව්වේ විහිලුවට. අපිට මුස්ලිම් අය සමග කිසි ප්‍රශ්නයක් නැහැ.” විතානගේ පැවසීය. තවදුරටත් ඔහු, ඥාණසාර සියලුම මුස්ලිම්වරුන් නරකයි කීමෙහි වරද මා මත පැටවුවේය. වරද වූ කලී බටහිර විදේශීය මාධ්‍ය කරුවෙකු ලෙස අදාළ මාතෘකාව මතු කිරීමයි.


ආසියාවේ ආශ්චර්යය බවට පත් වීමට ප්‍රථමයෙන් ලංකාව බොහෝ දුර යා යුතුය.


පරිවර්තනය
Mr. Who

Read more »

Posted in: ඉස්ලාමයේ විරෝධීන්,බොරු කීම,බෞද්ධ,භීෂණය

Jihad: Often mistranslated "holy war,"

Let's set the record straight!
Imam Tammam Adi Ph.D of the Islamic Cultural Center, Eugene, Oregon, tackles widespread misconceptions and stereotypes about Muslims and Islam and the sets out the reality.

Allah: Just means God in Arabic, the same God we all worship.

jihad: Often mistranslated "holy war," especially against the West, the more accurate Arabic meaning is "struggle." Jihad is the struggle to control one's lower instincts. Jihad also means to use a fair war to give a nation freedom of religion if all other means fail. Islam's main proclamation is "No compulsion in religion" Koran 2:255. The Afghani Mujahideen (those who do jihad) fought against the atheist Russians to keep their freedom of religion. Unfortunately, chaos ensued.

extremism: "We made you a nation that should take the middle way in all its affairs before all humanity . . ." (2:143) "God does not love the excessive ones." (6:141)

suicide "martyrdom": "Do not kill yourselves." (4:29). Self-killers are condemned to hell. Even killing oneself to end extreme pain is unacceptable. Some radical sects, considered non-Muslim by most, view suicide-killing as legitimate.

martyrdom: A martyr (Arabic shaheed=witness) is somebody who dies as a witness for goodness or a witness against evil. A martyr testifies before God about the evil-doers that killed him/her and about the goodness his/her death creates in society.

terrorism: The punishment for those who wreak havoc is extremely harsh (5:33-34). Terrorism has as little to do with Islam as burning a cross to terrorize a black family has to do with Christianity. Terrorism is often done by haters of Islam, peace and justice to sabotage good Muslims causes such as peace settlements, democracy movements and modernization. No Islamic teaching supports terrorism.

on killing innocent people: "And do not kill the soul that God gave sanctity to except by law." (17:33) The Koran tells us that killing one person is like killing all humanity.

family values: Husbands and wives serve each other. Muslim families cherish traditional family values and close relations with the extended family. Women may work and own businesses, but the husband alone has the duty to provide for the family. Children are expected to take care of their parents when they get old.

treatment of women: Misinformation about this subject has fanned much of the hatred about Muslims. Here is what we are really taught: (1) Paradise is under the "feet" of the mother; (2) a good wife is half a man's religion, (3) men are ordered to "treat them in good ways," (Koran 4:19) and that, in the words of the Prophet Mohammed in his last sermon, (4) "the best of you is the one that is best to his wife."

four wives: Islam was the first religion to limit the number of wives. But the taking of more than one wife was meant to happen only when there was social necessity, such a during war times when there were a large number of widows and orphans. A husband is required to treat each wife with absolute fairness and equality and to have only one wife if he doubts he can be fair. Polygamy is illegal in America and, according to Islam, Muslims are bound by American law.

scarves for women: This is based on a verse in the Koran. "And let them spread their scarves over their shirt openings and not show their natural adornment . . ." (24:31) If Muslim women choose not to cover their head, there is no Islamic law punishing them or coercing them. Styles of dress are cultural and vary according to culture throughout the Islamic world.

female genital mutilation: This is found in some African countries and is a very painful tribal practice passed down to the present day. It is not based on Islamic teaching. Many Muslim women, such as the wife of the late Anwar Sadat, are working hard to eliminate the practice.

Deviations from the Islamic norm are cultural or political biases not based on Islam.

Read more »

Posted in: Islamic shariya Law,ISLAMOPHOBIA,Jihad

ඉස්ලාමය පිලිබඳ යතාර්ථය සහ සත්‍යය

ලොව වඩාත්ම වැරදි අවබෝධයට ලක්වූ ධර්මය ඉස්ලාම් ධර්මයයි. සමහරු ඉස්ලාමයට ඇති බිය ලොව ඉස්ලාම් භීතිකාවක් ඇති කිරීමට තුඩු දී තිබේ. තවත් සමහරු ඉස්ලාම් ධර්මය ශක්තියක් ලෙස වර්ධනය වූ විට තමන්ගේ පැවැත්මට හානියක් වේ යැයි වැරදි ආකල්පයක් ඇතිකර ඉස්ලාමයට විරුද්ධව බොරු ප්‍රචාර ලොව පුරා පතුරවා ඉස්ලාමයට භයානක ප්‍රතිරූපයක් ගොඩ නැගීමට තැත් කරයි.

කෙසේ කවුරු මොනවා කලත් ඉස්ලාමය දිනෙන් දින ඉතා වේගයෙන් පැතිරෙන ධර්මය බවට පත්ව තිබෙන බව නම් රහසක් නොවේ. ඉස්ලාමිය සංකල්ප හා එහි ප්‍රතිපත්ති වැරදි ආකාරයට නිර්වචනය කිරීමට ඉස්ලාම් භීතිකා ඇති අය ක්‍රියාකළ ද කෙසේ හෝ නිවැරදි ඉස්ලාමය පුද්ගලයන් තුල ජනිතවීම වැළැක්විය නොහැකි බව දිනෙන් දින ඉස්ලාමයට ඇතුළු වන්නන්ගේ සංඛ්‍යා ලේඛන මගින් පැහැදිලිය. විශේෂයෙන් ඉස්ලාමය තුල කාන්තා හිංසනයක් මවා පෑමට විශාල ලෙස මහන්සිවන සියල්ලන්ගේ බලාපොරොත්තු සුන්වන ආකාරයට ඉස්ලාමයට අලුතෙන් ඇතුළු වන්නන්ගෙන් 75% කට වඩා කාන්තාවන් වීම ආශ්චර්යකි.එසේ නම් ඉස්ලාම් යනු කුමක්ද එහි ප්‍රතිපත්ති මොනවාද යන්නපිළිබඳව ඉතා කෙටි අධ්‍යනයක යෙදීම මෙම ලිපියේ අරමුණ වේ.

සම්පුර්ණ ජීවන මාර්ගයක්. සාමාන්‍ය ආගමක් නොවේ.

මුස්ලිම්වරු ලෝක ජනගහනයෙන් බිලියන 1.6 වන අතර එයින් 15%ක් පමණක් අරාබි ජාතිකයන් වේ.

Ø  ඉස්ලාම් යන අරාබි වචනය අවනතවීම සහ සාමය යන අර්ථය ගෙනදේ

Ø  එනම් අල්ලාහ්ට පමණක් අවනත වීම/කීකරුවීම/යටත්වීම.

Ø  අල්ලාහ්ට පමණක් අවනතවීම තුලින් තමන් තුල සාමය ඇතිවිය යුතු වන අතර තමන් භුක්තිවිඳින එම සාමය තම සමාජයටත් පැතිර විය යුතුය.

Ø  එනම් ඉස්ලාම් යනු අල්ලාහ්ට පමණක් සම්පුර්ණයෙන් අවනතවීම තුලින් සාමය අත්කර ගැනීමවේ.

ප්‍රතිපත්තිමය ජීවිතයක් ගත කිරීම

මුස්ලිම්වරයකු ඉස්ලාමයේ ප්‍රතිපත්තිවලට හා සාරධර්මවලට අනුව තම ජීවිතය සකස් කර ගන්නා තුරු නියම මුස්ලිම්වරය්කු නොවේ. ප්‍රතිපත්ති අවශ්‍ය ඇයි?

මිනිසා ප්‍රධාන වශයෙන් ප්‍රශ්න තුනකට පිළිතුරු සොයාගත යුතුය.

1.      මා මෙලොවට කොයි සිට පැමිණියේද?

2.      මෙලොව කුමක් කල යුතුද?

3.      නැවත මා යන්නේ කොහාටද?

මෙම ප්‍රශ්න වලට ඉස්ලාමය ඉතා පැහැදිලිව පිළිතුරු සපයයි.

1.      මා අල්ලාහ්ගේ මැවීමක් වන අතරම අල්ලාහ්ගේ කැමැත්ත පරිදී  මෙලොවට යවනු ලැබුවෙමි.

2.      මා අල්ලාහ්ගේ නියෝජිතයකු වන අතර ඒ නියෝජනත්වය නිසියාකාරව මෙලොව ස්තාපීත කල යුතුය. එබැවින් අල්ලාහ්ට පමණක් අවනත වී සාමයෙන් ක්‍රියා කල යුතුය.

3.      මගේ නියෝජනත්වය පිළිබඳව නැවත මා කැඳවා අල්ලාහ් විසින් විමසනු ලබයි. ඒ සඳහා සම්මානද පිරිනමනු ලබයි.

 අරමුණක් කරා ගමන් කිරීම -Objective of life

මෙලොව හා පරලොව ජයගැනීම මුස්ලිම් වරයකගේ ප්‍රධාන අරමුණ වේ. ඒ නිසා අල්ලාහ් විසින් අපට ලබාදී ඇති ජීවිතය ස්වභාවික ලෙස අල්ලාහ්ගේ සීමාවන්ට අනුකුලව සකස් කර ගත යුතුය. සීමාවන් යනු ස්වභාවයයි. මේ ලොව හා එහි ඇති සියලු වස්තුන් සමග මිත්‍රශීලීව ක්‍රියාකළ යුතුය. ඒවා නියෝජනය කල යුතුය. අල්ලාහ්ගේ මැවීම් වලින් මිනිසා ශ්‍රේෂ්ඨය. ඒ ශ්‍රේෂ්ඨත්වය රැක ගැනීම මිනිස් සම්භවයක් සහිත ජීවත්වීම වේ.

ස්වභාවධර්මයට පටහැනි නොවන ආකාරයට ජීවිතය සකස් කර ගැනීම - නියෝජිතයා

ලොව සියල්ල යම් අල්ලාහ්ගේ සැලැස්මකට අනුවක්‍රියාකරයි. එය ස්වභාවය වේ. ඒ ස්වභාවයට පටහැනිවන ආකාරයට මුස්ලිම්වරයකු ක්‍රියා නොකලයුතුය. ස්වභාවධර්මයට ආදරය කල යුතුය. එය නිකරුනේ දුෂණයට ලක් නොකළ යුතුය.

නබි තුමා වරක් මෙසේ පැවසුහ.

“ඔබ ගසක් සිටුවන අවස්ථාවේ මේ ලෝක විනාශය පැමිණියහොත්, එය නොතකා ගස සිටුවා නිමකරන්න.”

මිනිස් සම්භවයක් සහිතව ජීවත් වීම.

අල්කුරානයේ අල්ලාහ් පහත පරිදී අපට උපදෙස් දෙයි.

“පෙරදිගට හෝ බටහිරට මුහුණ හැරවීම ශීලයක් නොවේ. ශීලය වන්නේ අල්ලාහ්, කියාමත් දවස (ලොව අවසන් දිනය) හා මලායිකාවරු ආගම් හා නබිවරුන් කෙරේ විශ්වාසය පිහිටුවීම, අල්ලාහ් කෙරේ ස්නේහයෙන් ලේ ඥාතීන්, අනාථයින් දිළින්දන්, මගීන් හා යාචකයින් වෙනුවෙන් ස්වකීය වස්තුවෙන් විය පැහැදම් කිරීම, වහලුන් නිදහස් කරවීම, සලාත් හී නිරතව සකාත් ගෙවීමද වේ. තවද ඔව්හු පොරොන්දු වූවිට තම පොරොන්දුව ඉටුකරන,  දුෂ්කරතාවන්හිදීද දිළිඳු බවෙදීද, (සත්‍ය අසත්‍ය අතර) සටනේ දීද ඉවසිලිවන්ත වන්නොවෙති. ඔවුහු සත්‍යවාදීහුය. තවද බැතිමත්වූ අයද ඔවුහුමය.” ( 2: 177)

මෙසේ  ජීවත්වීමේදී එකිනෙකා සමග සම්බන්ධතා ඇතිකළ යුතුය. ඒ සම්බන්ධකම් තුලින් ඇතිවිය හැකි යහපත් දේ වුවද අයහපත් දේ වුවද ඉවසා විඳදරා ගත යුතුය. ඒ සඳහා පුහුනුව ලැබිය හැක්කේ ඊමාන් හෙවත් විශ්වාසය තුල සිටීමෙන් පමණක්ය.

නබි තුමා වරක් මෙසේ පැවසුහ.

“මා මේ ලොවට යවනු ලැබුවේ යහ ගතිගුණ සම්පුර්ණ කිරීම සඳහා පමණක්ය” (අහ්මද්)

ඉස්ලාමයට අනුව මිනිසා විනයානුකූලව ධර්මය පිළිපැදිය යුතු අතරම  අල්ලාහ්ට හා හුදී ජනතාවට සෙනෙහෙවන්ත වීමෙහිලා නිරතුරු සැළකිළිමත් විය යුතුය. මෙහිලා අවශ්‍යතා සතරක් ඉදිරිපත් කෙරේ.

1. අපේ ඊමාන් (විශ්වාසය) භක්තිව අව්‍යාජ විය යුතුය. අවංක විය යුතුය.
2. සහෝදර ජනතාව වෙනුවෙන් දාන පරිත්‍යාග කළ යුතුය.
3. සමාජ සංවිධාන යනාදියට ඇප උපකාර කරමින් හොඳ පුරවැසියන් විය යුතුය.
4. සෑම විටකම සෑම මොහොතකම චිත්ත ස්ථාවරත්වය පවත්වා ගත යුතුය.

ඉස්ලාම් හී මානව හිත සුව පිණිස වූ මූලික අයිතිවාසිකම් රැසක් දැක්වේ. සෑම මොහොතකදීම ඊට ගරු කළ යුතුය. ඒවා පිළිපැදිය යුතුය. යථෝක්ත අයිතිවාසිකම් අත්කර ගැනීම උදෙසා නීත්‍යානුකූල රැකවරණය පමණක් නොව ඵලදායි සදාචාරාත්මක සැලැස්මක්ද ඉස්ලාමය ඉදිරිපත් කරයි. මෙසේ පෞද්ගලික හා පොදු යහපත පිණිස සිදු කරන්නා වූ සියල්ලක්ම සදාචාරාත්මක වශයෙන් යහපත් වේ. අල්ලාහ් කෙරේ දක්වන භක්තියට අතිශය වැදගත්කමක් හිමිකර දෙන ඉස්ලාමය ගතානුගතිකත්වයට වහල්ව සිටීමේ ක්‍රියාවට එරෙහිව අනතුරු හඟවයි.

මේ කරුණු ගොනුකර මුස්ලිම්වරයකු ඉස්ලාම්යතුල ස්තාපීත වීමට අල්ලාහ් විසින් අපට ප්‍රතිපත්ති පැහැදිලි කරදී තිබේ. ජීවිතය යහපත් කර ගැනීමට ප්‍රතිපත්තිමය ජීවිතයක් ගත කිරීමට නම් යම් ක්‍රියාපටිපාටියක් තුල සිට ක්‍රියා කල යුතුය. යම් ඉලක්කයක් කරා ගමන් කිරීමේදී ඒ සඳහා චිත්ත දෛර්යය හා චින්තන ශක්තියක් අවශ්‍යයි. එය ලබා ගත හැක්කේ මෙලොව හා එහි සියලු වස්තුන් මවා පාලනය කර පෝෂණය කරන සර්වඥ අල්ලහ්ගෙන් ලැබුණු මේ ප්‍රතිපත්ති තුලින් පමණයි.

ඉස්ලාම් ආගමික පිළිවෙත් හෙවත් ප්‍රතිපත්ති

ප්‍රථම ප්‍රතිපත්තිය එනම් ඉස්ලාමයට ඇතුලුවීමේ ප්‍රධාන දොරටුව විශ්වාසයේ ශාක්ෂි දැරීම වේ.

1. දේවත්වයට සුදුස්සා අල්ලාහ් හැර වෙන් කිසිවකු සුදුසු නැත.
2. මුහම්මද් නබි තුමා අල්ලාහ්ගේ පණිවිඩකරු වේ.

Ø  කවුරු හෝ පුද්ගලයකු අවංකව මෙම වදන පවසන්නේද ඔහු හෝ ඇය මුස්ලිම් ලෙස සැලකේ.

Ø  කවුරු හෝ පුද්ගලයකු මෙම විශ්වාසය සමග මියයන්නේද, ඔහු හෝ ඇය අල්ලාහ්ගේ පව් ක්ෂමාවට පත්‍රවුවිට ස්වර්ගයට ඇතුළුවේ.  

මා සාක්ෂි දරමී, දේවත්වයට සුදුස්සා අල්ලාහ් හැර වෙන කිසිවකු නැත. නැවත සාක්ෂි දරමි මුහම්මද් නබි තුමා අල්ලාහ්ගේ පණිවුඩකරු හා ගැත්තා වේ, යනුවෙන් සාක්ෂි දැරීමේ අර්ථය පහත පරිදී පැහැදිලි කල හැකිය.

  v  අල්ලාහ්ට  පමණක් නැමදීම

  v  අල්ලාහ්ට පමණක් බිය බැතිමත්වීම

  v  අල්ලාහ්ට පමණක් බලාපොරොත්තු තැබීම

  v  අල්ලාහ්ට පමණක් ආයාචානා කිරීම

  v  අල්ලාහ්ට පමණක් සියල්ල ඉදිරිපත් කිරීම

කෙනෙකු ප්‍රතිපත්තිමය ජීවිතයක් ගත කිරීමට ඔහු ඒ ප්‍රතිපත්තිය පිළිබඳව විශ්වාස කල යුතුය. ඔහු ප්‍රතිපත්තිය තුලින් ගමන් කරන දර්ශනය මනාව පැහැදිලිකර ගත යුතුය. ඒ සඳහා ඔහුට මග පෙන්වීමක් අවශ්‍යයි. ඒ මග පෙන්වීම ඊමන්හි එනම් විශ්වාස කල යුතු කරුණු හය තුලින් ලබා ගත හැකිය.

 1. අල්ලාහ් පිලිබඳ විශ්වාසය

 2. මලාහිකාවරුන් පිලිබඳ විශ්වාසය

 3. ආගමික ග්‍රන්ථ පිලිබඳ විශ්වාසය

 4. ධර්ම දුතයන් පිලිබඳ විශ්වාසය

 5. විනිශ්‍ය දිනය පිලිබඳ විශ්වාසය

 6. කලාකද්ර්  - අල්ලාහ්ගේ කැමැත්ත පිලිබඳ විශ්වාසය.

(ඉහත විශ්වාසයේ කරුණු හය විස්තරාත්මකව පැහැදිලිකල යුතුව ඇතත් මෙම ලිපිය කෙටි කිරීම සඳහා කරුණු පමණක් සඳහන් කර ඇත්තෙමු)

දෙවනි ප්‍රතිපත්තිය සලාතය හෙවත් දේව නැමදුම

කවුරු හෝ පුද්ගලයෙක් ඉස්ලාමයට ඇතුළුවූ විගස නැමදුම අනිවාර්යවේ. මෙම නම්දුමෙහි අරමුණ පහත සඳහන් දේ මිනිසාට පුරුදු පුහුණු කිරීම් වේ.

  v  මිනිසා දුශ්ශීල හා පප්ක්රියාවන්ගෙන් ඈත්වීමට

  v  නියමිත පිලිවෙලකට හැඩගැසීමට (Discipline)  (විනයානුකුලවීමට,       කාලානුගතිකත්වය)

අල්ලාහ් දෙවියන් නැමදීමට කිසිම දෙයක් අවශ්‍ය නැත. වියදම් කල යුතු නැත. වෙලාවට අනුව ඕනෑම තැනක නැමදිය හැකිය.

තුන්වන ප්‍රතිපත්තිය සකාතය හෙවත් දුගීබද්ද

සකාතය යනු පවිත්‍රකරණය සහ දියුණුව යන අර්ථය ගෙනදේ. එනම් සකාත් ලබා දෙන්නා ගේ වස්තුව පවිත්‍රවන අතර සකාත ලබාගන්නා ඒ මගින් දියුණුවට පත්වේ. මෙහි ප්‍රධාන අරමුණ වන්නේ නැති බැරි අය ඇති හැකි අය බවට පරිවර්තනය කර සමාජය තුල ආර්ථික සමතුලිත භාවයක් ඇති කිරීමයි. මුස්ලිම් වරයකු තමන්ගේ වස්තුවෙන් යම් කොටසක් වසරක් ගතවූ පසු දුප්පත් ජනතාවට බෙදා දිය යුතුය.

සතරවන ප්‍රතිපත්තිය සවුම් හෙවත් උපවාසය

කිසිම දෙයක් නිකම් ලබාගත නොහැකිය. ඒ සඳහා වෙහෙස මහන්සි වී ක්‍රියා කල යුතුය. ඇසෙත් නැත්නම් පුහුණුවිය යුතුය. එසේ යහපත් දේ පරුදු පුහුණු වීමටත් අල්ලාහ් පිලිබඳ බිය භක්තිය වැඩි කර ගැනීමටත් මුස්ලිම්වරු සෑම මුස්ලිම් වරයකුම වසරකට එක මසක් සම්පුර්ණයෙන්ම මෙම පුහුණු වීමෙහි යෙදිය යුතුය. මෙය රාමදාන් මස උපවාසය ලෙස හැඳින්වේ. ඉරු උදාවේ සිට ඉරු බැසයන කාලය දක්වා, ආහාර පාන හා ලිංගික ක්‍රියාවලින් සම්පුර්ණයෙන්ම වැලකී සිටීම සහ තමන්ගේ පන්චේන්ද්‍රයා සියලුම පාපක්‍රියා වලින් ආරක්ෂා කිරීම උපවාසය ලෙස හැඳින්වේ.

 මෙහි ප්‍රධාන අරමුණ වන්නේ සෞක්‍යය, අධ්‍යාත්මිකය හා ආත්මය පාරිශුද්ධ කිරීම වේ.

අල්ලාහ් අල්කුරානයේ මෙසේ පවසයි.

“විශ්වාසවන්තයිනි, නුඹලාට පෙර සිටි අය කෙරෙහි පවරනු ලබුවාක්මෙන් නුඹලා කෙරෙහිද උපවාසය පවරා ඇත. මෙමගින් නුඹලාට බිය බැතිමත් විය හැකිය.”

පස්වන ප්‍රතිපත්තිය හජ් සඳහා මක්කමට පිටත්වීම/ වන්දනාගමන

පහසුකම් ඇති අය ජීවිතයේ එක්වතාවක් හෝ මෙම හජ් වන්දනා ගමනයෙහි යෙදීම සියලු මුස්ලිම්වරුන් කෙරෙහිම අනිවාර්යවේ. සෑමවසරකම මිලියන 2 කට වඩා වැඩි පිරිසක් එකම ස්ථානයට එක්වී මෙම විශ්ව ධර්මය වන ඉස්ලාමය හෙවත් සාමය ප්‍රාණවත් කරයි. මෙම මක්කාවේ පිහිටි අරෆා නම් ස්ථානයට ලොව සියලුදෙනා එක්වී අල්ලාහ් ඉදිරියේ සියල්ලන්ම එක හා සමාන බව උප්පු කරනු ලබයි. කළු සුදු, උස් පහත්, දුප්පත් පොහොසත්, කුලවත්-අඩු කුලයේ අය, උසස් බුද්ධිමතුන් - සාමාන්‍ය ජනයා, පාලක-පාලිත යනාදී මෙකි නොකී සියල්ලන්ම රෙදි කෑලි දෙකකින් තම විලි වසා එකම ස්ථානයේ කිසිම ලෞකික ආශාවකින් තොරව සර්වඥ සර්ව බලධාරී අල්ලාහ් දෙවියන්ගේ තෘප්තිය පමණක් අපේක්ෂාවෙන් තම දෑත් ඔසවා ප්‍රාර්ථනා කරන දර්ශනය දැකීම භාග්‍යයකි.

මිනිසා මැවීම් අතරින් ශ්‍රේෂ්ඨ වන අතර මෙලොව පාලනය කිරීමේ ශක්තිය ඇත්තාද වේ. මෙලොව ජීවිතය සාර්ථක කර ගැනීමට නම් සියලු අයහපත් කාරයන්ගෙන් වැලකි යහපත කරා ලඟාවිය යුතුය. එසේ යහපත් ජීවිතයක් ගත කිරීමේදී තමන් පමණක් වැරදි වලින් වැලකි සිටීම ප්‍රමාණවත් නොවේ. මුළු මහත් සමාජයම යම් කිසි පිළිගත් නිපුණත්වයෙන් යුත් කෙනකුගේ මගපෙන්වීම යටතේ ක්‍රියාකළ යුතුය. ඒ මග පෙන්වීම මෙලොව හා එහි සියල්ල මවා පෝෂණය කර රකින සර්වඥ, සර්ව බලධාරී අල්ලාහ් දෙවියන් විසින් අපට ලබාදී තිබේ. එය වූ කලී ශුද්ධවූ  අල්කුරානය වන අතර එම අල් කුරානීය ජීවිතය ප්‍රායෝගික වශයෙන් ජීවත්වී අපට මග පෙන්වීම සඳහා අල්ලාහ්ගේ වක්තෘ වරයාණන් වන මුහම්මද් තුමා තෝරා ගන්නා ලදී. එතුමා තම ජීවිතය තුලින් මනුෂ්‍ය ආත්මයක් ලබපු අප කෙසේ ජීවත් විය යුතුද යන්න ඉතා පැහැදිලිව තම ජීවිතය තුලින් මග පෙන්වා දුන්හ.

අප මෙම ලිපිය මගින් ඉස්ලාමය සාමකාමී ධර්මයක් වන අතර එසේ එය පිළිපැදීමට ප්‍රතිපත්තිමය ජීවිතයක් ගත කල යුතුබව පැහැදිලි කර ඇති අතර ඒ ප්‍රතිපත්ති මොනවාද යන්න ඉතා සරලව හඳුන්වා දී ඇත්තෙමු.

නමත් අප ප්‍රථමයෙන් සඳහන් කල පරිදී ඉස්ලාමීය භීතිකාවක් ඇතිකර ගෙන සිටින සමහර අන්තවාදී කොටස් ඉස්ලාමයට හා මුස්ලිම්වරුන්ට මඩ ගැසීම පිළිබඳව අප ඔවුන්ට අනුකාම්පා කල යුතුව ඇත. හේතුව ඔවුන් මඩ  ප්‍රචාර දියත්කරන සෑම වාරයකදීම ඉස්ලාමයම ජයගන්නා අතර ඉස්ලාමය කරා ජනතාව වැල නොකැඩී ඇදෙන බව ඔවුන් නොදන්නා රහසවේ.

මුස්ලිම්වරු වන අප මේ අවස්ථාවේ නොසැලී පහත පරිදී ඥානාන්විතව ක්‍රියා කල යුතුය. අපේ කෝපයට මුල්තැන නොදී බුද්ධියට මුල්තැන දිය යුතුය. එනම්.

ü  ඉස්ලාමය හඳුනාගැනීම - අප ප්‍රථමයෙන් ඉස්ලාමය හඳුනාගත යුතු අතර පසුව අන් අයටද එය හඳුනවා දීමට උත්සහ කල යුතුය.

ü  ඉස්ලාමිය සංකල්පයන් පිලිබඳ මනා අවබෝධයක් ලබා ගත යුතුය.

ü  මුස්ලිම් නොවන අයගේ ප්‍රශ්න වල පිළිතුරු සැපයීමේදී බුද්ධිමත්ව ක්‍රියාකළ යුතු අතර අප ආවේගශීලී නොවිය යුතුය.

ü  ඉස්ලාම් භීතිකාව මුහම්මද් තුමාගෙන්ම ආරම්භ වූ අතර ඒ සඳහා මුලික වුවන් වශයෙන් අබු ජහීල් සඳහන් කල හැකිය. ඔවුන් ඔබව ඉලක්ක කරන්නේ නැත. ඔවුන්ට අවශ්‍ය ඉස්ලාමයේ පණිවුඩය වලක්වා ගැනීමටය.

අල්ලාහ් කුරානයේ මෙසේ සඳහන් කරයි. – “ෆහින්නහු ලා යුකද්දීබුනක වලාකින්නල් ලාලිමීන බිආයාතිල්ලාහි යජ්හලුන්” - ඔවුන් ඔබව පෞද්ගලික ඉලක්ක කරන්නේ නැත. එනමුත් අපරාධ කරන්නෝ අල්ලාහ්ගේ ආයාත් අනපනත් බොරු යයි කියමින් ඒවා ප්‍රතික්ෂේප කරන්නෝ වෙති. ඔවුන් මේ පණිවුඩය ඉලක්ක කර තර්ජනය කරනවා. (6:33)

ü  අබු ජහල් /අබු ළහබ් - බොරුකීම්, අවලාද නැගීම, තර්ජනය කිරීම නබි තුමාගේ ඉතිහාසයේ අප කොතෙකුත් අසා ඇත්තෙමු. නබි තුමා ඔවුන්ට අනුකම්පා කල අතර ඔවුන්ට යහ මග ලැබීමට දුහා ප්‍රාර්ථනා කළහ.        

ü  සමහරු දැනුම ලබාගන්න ප්‍රශ්න කරන අතර තවත් සමහරු අපට විරුද්ධ වීම සඳහාම ප්‍රශ්න අසා අපහාස කරයි. ඔවුන් ප්‍රශ්නයක් සකච්චාකිරීමේදී එයට නිසි පිළිතුරු සපයනු ලැබූ විට වෙනත් ප්‍රශ්නයක් ගෙන එයි.

ü  ඉතා උණුසුම් සාකච්චාවකදී (serious Discussion) අනවශ්‍ය දේ කතා කරයි. විහිළු තහළු කරයි. අපව තරහ ගන්වන සුළු දේ පවසයි. මුස්ලිම්වර්යකු හැටියට වාචිකව අප දෝෂ දර්ශනයට ලක් නොකළ යුතුයි. අනවශ්‍ය කතා නොකලයුතුයි.අසභ්‍ය වචන පාවිච්චි නොකළ යුතුය. අපේ මේ මුවින් පිටවන වචන ඉතා පරිස්සමෙන් පාවිච්චි කල යුතුයි. හේතුව මේ මුවින් අප ආහාර ගන්නා අතරම මේ මුවින්ම අල්ලහ්වද අල්ලහ්ව ප්‍රසංශා කරනනෙමු . සුබ්භානල්ලාහ්/අල්හාම්දු ලිල්ලාහ් උඅනුවෙන් පවසන මුවින් අසැබි වචන පිටවීම වලක්වා ගත යුතුය.

ü  ඇයි ඔවුන් ඉස්ලාමයට පහර දෙන්නේ.  - මතක තබා ගන්න අද ලොව ඉතාම වේගයෙන් පැතිරෙන ධර්මය ඉස්ලාම් වන බැවිනි. ඒ නිසාම ඔවුන් තුල ඇතිවී තිබෙන ඊර්ෂ්‍යාව හා ක්‍රෝධය නිසාය.

ඉහත කරුණු පිළිබඳව අවධානය යොමු කර සාමකාමී පියවර පමණක් ගත යුතු අතර අපගේ අනවශ්‍ය උද්වේගය හෝ ආවේගයට ඉඩදී ඉස්ලාමය හා මුස්ලිම්වරුන් අභියෝගයට ලක් නොකරන මෙන් අල්ලාහ්ගේ නාමයෙන් මුස්ලිම්වූ ඔබ සියලු දෙනාගෙන් ඉල්ලා සිටිමු. 

Read more »

Posted in: ISLAMOPHOBIA,ඉස්ලාමයේ විරෝධීන්,ඉස්ලාම් දහම,කොපි පේස්ට්. Sinhala Islam